என்றும் மாறாமல்…

arsad · arsad Sun Jan 02, 2011 2:01 pm

கையை பிடித்து என்னை தரதரவென
இழுத்து போன நாள் முதல் – என்
கையை பிடித்து, தான் தளர்ந்து
நடக்கும் இந்த நாள் வரை…
கடை மாறியது…
ஊழியர்கள் மாறினார்கள்
அரசு மாறியது – ஏன்?
நானும் மாறிவிட்டேன்- என்றும்
மாறாமல் இருப்பது…
“என்னைக்குதான் சரியான எடையில்
கிடைக்குமோ?”
அரிசியும் பருப்பும் சீனியும்…
நியாய விலை கடையில்… – என்னும்
என் தாயின் வார்த்தைகள் தான்!

மஞ்சுபாஷிணி · மஞ்சுபாஷிணி Tue Jan 04, 2011 12:45 pm

வறுமைத்தாயின் ஏக்க வரிகள் இவை...
நியாயமே கிடைக்காத நாட்டில் நியாய எடையில் அரிசி பருப்பு என்று கிடைக்கப்போகிறது என்ற நம்பிக்கை தளர்ந்த குரலில் கேட்கும் வரிகளாக நாட்டின் நிலையை அரசியல்வாதியின் கொழு(ழி)த்த நிலையை மிக அருமையான வரிகளால் கவிதை அமைத்த அர்ஸத்துக்கு என் அன்பு வாழ்த்துக்கள்....