1,961 இடைநிலை ஆசிரியர்கள் விரைவில் நியமனம்

Guest · Guest Sat 1 Jan 2011 - 18:48

திருநெல்வேலி:தமிழகத்தில் 1,961 இடைநிலை ஆசிரியர்கள் விரைவில் நியமனம் செய்யப்படுகின்றனர். இதற்கான மாநில அளவிலான வேலைவாய்ப்பு அலுவலக சீனியாரிட்டி பட்டியல் அறிவிக்கப்பட்டுள்ளது.
சென்னை ஆசிரியர் தேர்வு வாரிய தலைவரால் அறிவிக்கப்பட்ட 1,961 இடைநிலை ஆசிரியர் பணிக் காலியிடங்களுக்கு மாநில அளவிலான சீனியாரிட்டி பட்டியல் வெளியிடப்பட்டுள்ளது.நெல்லை மாவட்டத்தை சேர்ந்தவர்கள் தங்கள் பெயரை தீதீதீ.ஙமநநரட.õங.ஙடய.டங என்ற வெப்சைட்டில் சரி பார்த்து கொள்ளலாம்.சீனியாரிட்டி:>முன்னுரிமையற்றவர்கள் பிரிவில் பழங்குடியினர் (பெண்கள்) - 12.3.2007 வரை (பிறந்த தேதி 9.6.84க்குள்), பழங்குடியினர் (பொது) - 27.2.2006 வரை (பிறந்த தேதி 25.5.86க்குள்), அருந்ததியினர் (பெண்கள் மற்றும் பொது) - 24.3.2008 வரை (பிறந்த தேதி 5.6.84க்குள்), ஆதிதிராவிடர் (பெண்கள் மற்றும் பொது) - 12.3.2007 வரை (பிறந்த தேதி 1.6.75க்குள்), மிகவும் பிற்பட்ட வகுப்பினர் (பெண்கள் மற்றும் பொது) - 11.1.2004 வரை (பிறந்த தேதி 17.2.84க்குள்), பிற்பட்ட வகுப்பினர் (முஸ்லிம் பெண்கள் மற்றும் பொது) - 27.2.2006 வரை (பிறந்த தேதி 28.3.86க்குள்), பிற்பட்ட இதர வகுப்பினர் மற்றும் பொது வகுப்பினர் (பெண்கள் மற்றும் பொது) - 1.12.2003 வரை (பிறந்த தேதி 13.1.83க்குள்) பதிவு செய்துள்ளவர்கள் தகுதியானவர்கள்.முன்னுரிமை உள்ளவர்கள்:>அனைத்து இன பிரிவையும் சேர்ந்த ஆதரவற்ற விதவைகள், கலப்பு திருமணம் புரிந்தோர் - 10.12.2010 வரை, முன்னாள் மற்றும் இந்நாள் ராணுவ வீரரை சார்ந்தோர் பிரிவில் பழங்குடியினர், அருந்ததியினர், முஸ்லிம் - 10.12.2010 வரை, ஆதிதிராவிடர் - 19.1.2009 வரை, மிகவும் பிற்பட்ட வகுப்பினர், பிற்பட்ட வகுப்பினர், பொது வகுப்பினர் - 26.5.2008 வரை, நில ஆர்ஜிதத்தால் பாதிக்கப்பட்டோர் மற்றும் மாற்றுத் திறனாளிகளில் பழங்குடியினர், அருந்ததியினர், முஸ்லிம்கள் மட்டும் - 10.12.2010 வரை பதிவு செய்துள்ளவர்கள் தகுதியானவர்கள்.

இந்த சீனியாரிட்டிக்குள் பதிவு செய்துள்ள இடைநிலை ஆசிரியர்கள் தங்கள் பெயர் இடம் பெற்றுள்ள விபரத்தை வெப்சைட்டில் சரி பார்த்து கொள்ளலாம். உரிய சீனியாரிட்டி, தகுதி இருந்தும் வெப்சைட்டில் பெயர் இடம் பெறவில்லை எனில் அவர்கள் மட்டும் வரும் 5ம் தேதிக்குள் தவறாது மாவட்ட வேலைவாய்ப்பு அலுவலகத்தில் நேரில் ஆஜராகி விண்ணப்பம் சமர்ப்பிக்க வேண்டும் என்று மாவட்ட வேலைவாய்ப்பு அலுவலர் சுஜய சேகரன் நாயர் தெரிவித்தார்.