வயது சான்றளிக்க ரூ.50 கேட்ட டாக்டரை கண்டித்து முதியோர் போராட்டம் : அமைச்சர் "டோஸ்'

சிவகாசி : சிவகாசியில், வயதை உறுதி செய்து சான்றளிக்க 50 ரூபாய் கேட்ட அரசு மருத்துவமனை டாக்டர் தங்கச்சாமி மீது நடவடிக்கை எடுக்கக் கோரி, முதியவர்கள் போராட்டம் நடத்தினர். அமைச்சர் சாத்தூர் ராமச்சந்திரன் கடுமையாக கண்டித்த பின், தங்கச்சாமி, முதியோருக்கு சான்று வழங்கினார்

சிவகாசி அருகே, பூவநாதபுரம் அருந்ததியர் காலனியை சேர்ந்த ஏழை தொழிலாளர்கள் 13 பேர், இந்திரா முதியோர் உதவித்தொகை பெறுவதற்காக, வயதை உறுதி செய்யும் சான்று பெற, விண்ணப்பத்துடன் சிவகாசி அரசு மருத்துவமனைக்கு வந்தனர். மருத்துவ அதிகாரி தங்கச்சாமி, பழனியம்மாள் என்பவரிடம் 50 ரூபாய் பெற்றுக் கொண்டு, கையெழுத்திட்டார். அடுத்து, பெருமாளம்மாள் படிவத்தை கொடுத்தபோது அதேதொகை கேட்டார். பணம் கொடுக்காததால் கையெழுத்திடாமல் திருப்பி அனுப்பினார். வரிசையில் காத்திருந்த முதியோர்களிடம், "பணம் தராவிட்டால் கையெழுத்து போட முடியாது' எனக்கூறி அறையை விட்டு வெளியேறினார்.அருந்ததியர் சங்க மாவட்ட செயலர் ஈஸ்வரன் தலைமையில், 12 பேரும், "சான்று அளிக்க லஞ்சம் கேட்ட டாக்டர் மீது நடவடிக்கை எடுக்கும் வரை மருத்துவமனையை விட்டு செல்ல மாட்டோம்' எனக் கூறி மருத்துவமனை வளாகத்தில் அமர்ந்து போராட்டம் செய்தனர்.

தகவல் அறிந்து வந்த டவுன் இன்ஸ்பெக்டர் ராமசுப்பு, டாக்டரை மொபைல் போனில் தொடர்பு கொண்டு பேசினார். பின், "12 பேரின் மனுக்களுடன் ஒருவர் மட்டும், டாக்டர் நடத்தும் "கிளினிக்' வரக்கூறுகிறார். அங்கு சென்று கையெழுத்து பெற்றுக் கொள்ளுங்கள்' என, இன்ஸ்பெக்டர் தெரிவித்தார்.முதியோர்களோ, "நீண்ட தூரம் நடக்க இயலாது. மருத்துவமனைக்கு வந்து கையெழுத்திட வேண்டும்' எனக்கூறி வெளியேற மறுத்தனர். இன்ஸ்பெக்டர், டாக்டரிடம் பிரச்னையை கூறிய போது, "தனது பணிநேரம் முடிந்து விட்டது. அருகில் உள்ள ஆரம்ப சுகாதார நிலையத்திற்கு சென்று கையெழுத்து பெற்றுக் கொள்ள சொல்லுங்கள்' என கூறி விட்டார்.

பிரச்னை முடியாததால் இன்ஸ்பெக்டர், சிவகாசியில் நலத்திட்ட உதவிகள் வழங்க வந்த அமைச்சர் சாத்தூர் ராமச்சந்திரனின் பாதுகாப்பு பணிக்கு சென்றார். அவர் பின்னால் சென்ற முதியவர்கள்,"லஞ்ச டாக்டர்' பற்றி புகார் மனு கொடுத்தனர்.அமைச்சர் தங்கிய ஓட்டலுக்கு, "தங்கச்சாமியும், முதியவர்களும்' வரவழைக்கப்பட்டனர். டாக்டரை, கடுமையாக கண்டித்த அமைச்சர், உடனே கையெழுத்திடுமாறு' கூறினார். இதன் பின், தனது காரில் 12 பேரை மருத்துவமனைக்கு ஏற்றிச்சென்ற தங்கச்சாமி, அங்கு சான்று வழங்கினார்.

தினமலர்

அமைச்சர் வாழ்க. இப்டி பட்ட வைத்தியர்களுக்கு தண்டனை வழங்க வேண்டும்.

கோடி கணக்கில் கொள்ளை அடிக்குது குடும்ப அரசியல் அதை யாராலும் கேட்க முடில .....

கார்த்திக் wrote:கோடி கணக்கில் கொள்ளை அடிக்குது குடும்ப அரசியல் அதை யாராலும் கேட்க முடில .....

கேட்கலாம் ஆனா பதில் சொல்லமாட்டாங்க

ஏன் இப்படி அனைவரும் லஞ்சத் தாண்டவமாடுகிறார்கள்!