புத்தாண்டு: நள்ளிரவு 1.30-க்கு மேல் நிகழ்ச்சிகள் கிடையாது

சென்னை, டிச. 28: புத்தாண்டு கொண்டாட்டத்தின்போது, அசம்பாவிதங்களைத் தடுக்க ஓட்டல்களில் நீச்சல் குளங்களை மூட மாநகர போலீஸ் உத்தரவிட்டுள்ளது. மேலும், நள்ளிரவு 1.30 மணிக்கு மேல் நிகழ்ச்சிகளுக்கு அனுமதி வழங்கப்பட மாட்டாது என்றும் அறிவித்துள்ளது.

இதுகுறித்து செய்தியாளர்களிடம் மாநகர போலீஸ் கமிஷனர் டி. ராஜேந்திரன் செவ்வாய்க்கிழமை கூறியதாவது:

சென்னையில் நட்சத்திர ஓட்டல்கள், விடுதிகளில் புத்தாண்டு தின கொண்ட்டாட்டங்களின் போது அசம்பாவித சம்பவங்கள் நிகழாமல் தடுக்கும் வகையில், அவற்றின் உரிமையாளர்கள், போலீஸôர் பங்கேற்ற ஆலோசனைக் கூட்டம் நடத்தப்பட்டது. இதில் முக்கியமான பாதுகாப்பு விதிமுறைகள் அறிவுறுத்தப்பட்டுள்ளன.

நகரில் 31-ம் தேதி முதல் மெரீனா, எலியட்ஸ் கடற்கரை உள்ளிட்ட முக்கிய இடங்கள்,

கிழக்குக் கடற்கரை சாலை, பிரதான சாலை சந்திப்புகள், வழிபாட்டுத் தலங்களில் 10 ஆயிரம் போலீஸôர் பாதுகாப்புப் பணிகளில் ஈடுபடுவர்.

சாலை விதிகளை மீறி குடிபோதையில் வாகனங்களை வேகமாக ஓட்டுவோர், பெண்களை ஈவ் டீசிங் செய்வோர், குற்றச் செயல்களில் ஈடுபடுவோர் மீது கடும் நடவடிக்கை எடுக்கப்படும்.

கடற்கரை சாலைகளில் மோட்டார் சைக்கிள்களில் சாகசம் (வீலிங்), பந்தயங்களில் ஈடுபடுவோர் கைது செய்யப்படுவர்.

விபத்துகளைத் தடுக்கும் வகையில் கிழக்குக் கடற்கரை சாலை உள்ளிட்ட முக்கிய சாலைகளில் தேவைப்படும் இடங்களில் போக்குவரத்து மாற்றம் செய்யப்படும். வாகன சோதனை நடத்தப்படும்

நீச்சல் குளங்களை மூட உத்தரவு: சென்னையில் உள்ள நட்சத்திர ஓட்டல்கள், கேளிக்கை விடுதிகளில் புத்தாண்டு கொண்டாட்டங்களை அதிகாலை 1.30 மணிக்குள் முடிக்க வேண்டும். சிறப்பு நிகழ்ச்சிகளை நடத்த வேண்டுமெனில், முன்னதாக அந்தந்தப் பகுதி துணை கமிஷனர்களிடம் அனுமதி பெற வேண்டும்.

நட்சத்திர ஓட்டல்களில் நீச்சல் குளங்களை மூடி வைக்க வேண்டும். வரவேற்பு அறை, விழா நடைபெறும் அரங்கு, வாகன நிறுத்தும் இடங்களில் ரகசிய கண்காணிப்பு கேமிராக்களை நிறுவ வேண்டும்.

ஏதேனும் சட்ட ஒழுங்கு பிரச்னை ஏற்பட்டால் போலீஸôருக்கு உடனடியாக தெரிவிக்க வேண்டும். ஓட்டல், விடுதிகளின் நிர்வாகிகளே சட்டத்தை கையில் எடுத்துக் கொள்ளக் கூடாது.

பார்களைத் தவிர, இதர இடங்களில் மது விற்பனை செய்யக் கூடாது. கொண்டாட்ட நிகழ்ச்சிகளின்போது பட்டாசு வெடிக்கக் கூடாது.

நகரில் பிரதான பகுதிகளில் ரோந்து வாகனங்களிலும் போலீஸôர் தீவிர கண்காணிப்பில் ஈடுபடுவர்.

லலித் மோடி ஆஜராக உத்தரவு: ஐ.பி.எல். கிரிக்கெட் போட்டிகள் நடத்தியதில் பல கோடி ரூபாய் அளவுக்கு முறைகேடுகள் செய்தது தொடர்பாக மாநகர காவல் துறையிடம் புகார் செய்யப்பட்டது.

இந்த புகார் தொடர்பான விசாரணைக்கு, ஐ.பி.எல். அமைப்பின் முன்னாள் தலைவர் லலித் மோடி, இதர நிர்வாகிகள் ஹரிகிருஷ்ணமாச்சாரியா, குணா தாஸ்குப்தா, வேலு நாயர், ஆண்ட்ரூ ஜார்ஜியோ, சியூமென் சோப்ரியா, ரவி வர்மா உள்ளிட்ட 7 பேரும், வரும் ஜனவரி முதல் வாரத்துக்குள் சென்னையில் நேரில் ஆஜராக வேண்டும் என சம்மன் அனுப்பப்பட்டுள்ளது என்றார்.