சந்தா்ப்ப பிராணிகள் - கல்முனையான்

thazeem · thazeem Thu Dec 30, 2010 4:30 pm

சந்தா்ப்ப பிராணிகள்

ஈர வலயத்து அட்டைகளின் மறு பிறப்பாய்
நன்மையை உறிஞ்சி விட்டு நாதியின்றி தவிர்க்கவிடும்
மனிதன் என்ற பெயரிலுள்ள இரண்டு கால்
பூச்சிகளாய் செத்தைகளில் பதுங்குகின்ற மானிடம்

பச்சை இரத்தத்தின் சிவப்பு நிறத்தினிலே காகிதப்
படகு விட்டு தோராட்டம் பார்க்கின்ற பாசாங்க
மனிதா்களின் ஈரமற்ற இதய இடுக்குகளின் ஓரத்திலே
இன்னும் இருக்கிறது சந்தர்ப்பவாதம் என்ற சாக்கடை வடிகான்கள்

சுவாசிக்கும் ஒட்சிசனின் ஓரப்பார்வையிலே ஒடுங்கி
நாசி நீரில் கால் கழுவி வெளியேறும் காபனீரொட்சைட்டிலே
ஈரத் தலையை வீரத்தோடு உலா்த்தி எட்டிப் பார்க்கும்
எட்டப்பக் கூட்டத்தின் ஏழாம் சாமத்து சாத்தான்கள்

எண்ணெய் வடியும் தலையினிலே மண்னை அள்ளி
மலர்க் கோலம் போடும் மானம் கெட்ட மங்கையரின்
அற்கஹோல் பார்வைக்காய் அரை வயிறு சாப்பிட்டு
அலைகின்ற ஆந்தைக் கூட்டத்தி்ன் முகவரிகள்

தார்போட்ட றோட்டினிலே யார் வீட்டில் குழப்பம் என்று
தூர் போட்டு மேய்கின்ற வெள்ளாட்டுக் கூட்டத்தில்
தள்ளாத வயதினிலும் துள்ளாத கால்கலுடன்
தூங்காமல் விழித்திருக்கும் பெருசுகளின் விழிகள்

கலைவேந்தன் · கலைவேந்தன் Thu Dec 30, 2010 8:37 pm

உங்கள் கவிதையா இது... கல்முனையான் என்பது நீங்கள் தானா...?

இயற்கையின் அரவணைப்பில் தோன்றிய கவிதைகளாய் உங்கள் கவிதைகள் அமைவதைப் பார்க்கின்றேன்... வனப்பு மிளிர்கிறது... வாழ்த்துகள்..

thazeem · thazeem Thu Dec 30, 2010 8:43 pm

நன்றி சகோதரரே...
நான்தான் கல்முனையான் என்ற பெயரில் கவிதைகளை எழுதுகிறேன்.
எனது இணையத்தை பார்த்திருப்பீர்கள் என நினைக்கின்றேன்

நன்றிகள் தங்களின் பாராட்டுக்களுக்கு