மனைவியின் இ- மெயிலை திருடிய கணவனுக்கு சிறை

**krishnaamma** · **krishnaamma** Thu Dec 30, 2010 11:50 am

வாஷிங்டன்: மனைவியின் இ-மெயில் அக்கவுண்டை திருடிய கணவனுக்கு சிறை தண்டனை
விதிக்கப்பட்டுள்ளது. அமெரிக்காவின் மக்சிகன் மாகாணத்தை சேர்ந்தவர்
லியோன். இவர் தன் மனைவி மீது சந்தேகம் கொண்டார். தன்னுடைய மனைவி தன்
முன்னாள் கணவர்களுடன் கள்ள தொடர்பு வைத்திருப்பாரோ என்ற சந்தேகம் லியோனுக்க
ஏற்பட்டது. சந்தேகத்தை தீர்த்துகொள்வதற்காக மனைவி வைத்திருக்கும்
லேப்டாப்பில் வந்துள்ள இ-மெயில்களை பரிசோதிக்க முடிவு செய்தார். இதற்காக
மனைவியின் இ-மெயில் அக்கவுண்டின் ரகசிய எண்ணை மனதில் வைத்திருந்து
மனைவிக்கு தெரியாமல் சோதித்துவந்தார். ஒரு கட்டத்தில் லியோனின் நடவடிக்கை
மனைவிக்கு தெரியவரவே அவர் வெகுண்டெழுந்து தன்னுடைய தனிப்பட்ட
சுதந்திரத்தில் கணவன் லியோன் தலையிடுவதாக போலீசில் புகார் செய்தார்.
புகாரின் பேரில் இவை உண்மை என கண்டறியப்பட்டதை அடுத்து அவருக்கு ஐந்து
ஆண்டுகள் சிறைதண்டனை விதிக்கப்பட்டது.