அரசு-புலிகள் பேச்சின்போது “றோ” முக்கியப் பங்கு-எழுத்தாளர் நாராயண சுவாமி

நிசாந்தன் · நிசாந்தன் Tue 28 Dec 2010 - 17:42

விடுதலைப் புலிகளுக்கும் இலங்கை அரசுக்கும் இடையே இடம்பெற்ற சமாதானப் பேச்சு வார்த்தைகளில் இந்திய உளவுநிறுவனமான “றோ” ஆற்றிய இரகசியமான பங்கு தொடர்பாகப் பிரபல இந்திய எழுத்தாளர் நாராயண் சுவாமி எழுதியநூலான The டைகர் Vanquished – LTTE’ச Story என்பதில் அவர் தெரிவித்துள்ளார். இப்பேச்சுக்களில் மிகவும்இரகசியமானதும் முக்கியத்துவம் மிக்கதுமான ஒரு பாத்திரத்தை இந்திய உளவு நிறுவனம் “றோ” ஆற்றியதாக அவர்தெரிவித்துள்ளார். 1998-99 ஆம் ஆண்டுகளில் ஆட்சியிலிருந்த பாரதீய ஜனதா கட்சி தலைமையிலான கூட்டணிஅரசாங்கமே, இலங்கை விடயங்களில் மீண்டும் நேரடியாகத் தலையிடும் கொள்கை முடிவை எடுத்திருந்தது. அப்போதைய இந்தியப் பாதுகாப்புச் செயலரும் அனுபவம் மிக்க இராஜதந்திரியுமான ப்ரா ஜேஸ் மிஸ்ராவின்மேற்பார்வையில் நோர்வேயின் சமாதானப் பேச்சுவார்த்தைகளில் இந்தியா இரகசியப் பங்காற்ற முனைந்தது என அவர்மேற்கொண்டு தனது நூலில் குறிப்பிட்டுள்ளார்.

இலங்கை குறித்து தனது அணுமுறையில் மாற்றத்தை ஏற்படுத்திய உடனேயே இந்தியாவின் வெளியக உளவுப்பணிகளை மேற்கொண்ட றோ அமைப்பின் தலையீட்டை இந்திய அரசு நாடியிருந்த போதிலும், இப்பேச்சுவார்த்தைகளில்நோர்வேயின் சார்பில் ஆரம்பம் முதல் முக்கியத்துவம் வகித்த எரிக் சொல்கெய்ம், இப்பேச்சுவார்த்தைகளில் இந்தியஉளவு நிறுவனத்தின் மறைமுகப் பங்கு தொடர்பாக எவ்விதக் கருத்தையும் தெரிவிக்க மறுத்துள்ளதாக நாராயண்சுவாமியின் இந்நூல் தொடர்பாகக் கட்டுரை எழுதியுள்ள நோர்வே பத்திரிகையொன்று சுட்டிக்காட்டியுள்ளது.

அரசுக்கும் புலிகளுக்கும் இடையிலான இப்பேச்சுக்கள் குறித்து இந்தியாவுடன் தாம் நெருங்கிய தொடர்பைக்கொண்டிருந்து உண்மை எனக் கூறியுள்ள சொல்கெய்ம், இது தொடர்பாக இந்திய வெளிநாட்டமைச்சு அதிகாரிகளையும்பாதுகாப்புச் செயலரையும் மட்டுமே தாம் சந்தித்ததாகவும் கூறியுள்ளார். இதேவேளை இந்தியாவின் தீவிரமானபங்குபற்றலின்றி நாம் இதில் வெற்றி பெற்றிருக்க முடியாது. போர்நிறுத்தம் முதல் பேச்சுவார்த்தையின் ஒவ்வொருவிடயமுமே இந்தியாவின் பங்கு இன்றி முயற்சிக்கப்படவில்லை என்கிறார் நோர்வேயின் முன்னாள் பிரதிவெளிநாட்டமைச்சர் விதார் யஹல்கிசன்.

மேலும் நாராயண் சுவாமி தனது நூலில், "விடுதலைப் புலிகள் மீது இந்தியா எவ்வித கருணையும்கொண்டிருக்கவில்லை. மாறாகப் புலிகளை அழிப்பதில் முக்கிய பங்கு வகித்த இலங்கையின் சிறப்புப் படைப்பிரிவிற்குஇந்தியா பயிற்சியளித்து உதவியது. பேச்சுவார்த்தையின் பல நடைமுறை விடயங்கள் குறித்து நோர்வேஇராஜதந்திரிகளுடன் இந்திய உளவு நிறுவன அதிகாரிகள் கலந்தாலோசனை செய்திருந்தனர். ஆனாலும் இந்திய உளவுநிறுவனமான “றோ” ஆற்றிய பங்கின் ஆழம் தொடர்பாக விடுதலைப் புலிகள் சரியாகப் புரிந்து கொண்டிருக்க வில்லை" எனவும் அந்நூலில் எழுதியுள்ளார்.

இந்நூல் ஆசிரியரான நாராயண் சுவாமி இந்திய உளவு நிறுவனமான றோவின் முகவராகக் கருதப்படுபவர் என்பதைஇங்கு சுட்டிக்காட்ட வேண்டும்.

அரசு-புலிகள் பேச்சின்போது “றோ” முக்கியப் பங்கு-எழுத்தாளர் நாராயண சுவாமி

அரசு-புலிகள் பேச்சின்போது “றோ” முக்கியப் பங்கு-எழுத்தாளர் நாராயண சுவாமி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக