பனிமூட்டத்தால் ஸ்தம்பித்தது விமானசேவை

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

பனிமூட்டத்தால் ஸ்தம்பித்தது விமானசேவை

#459469

krishnaamma
தலைமை நடத்துனர்: பதிவுகள் : 65836
இணைந்தது : 22/04/2010

Post krishnaamma Mon 27 Dec 2010 - 21:51

புதுடில்லி : தலைநகர் டில்லியில் நிலவிவரும் பனிமூட்டத்தால், விமானசேவை கடுமையாக பாதிக்கப்பட்டுள்ளது. இதன்காரணமாக, டில்லி இந்திரா காந்தி சர்வதேச விமான நிலையத்தில் விமானங்களின் புறப்பாடு தாமதப்பட்டுள்ளது, மேலும் பல விமானங்களின் சேவை அடியோடு ரத்து செய்யப்பட்டுள்ளது. இதுகுறித்து டில்லி இந்திரா காந்தி சர்வதேச விமான நிலைய அதிகாரிகள் தெரிவித்துள்ளதாவது : நேற்று இரவு 8 மணிக்கு துவங்கிய பனி, காலைவரை நீடித்து வருவதாகவும், லோ விசிபிலிட்டி தன்மை காரணமாக, விமான நிலையத்தின் அன்றாடப் பணிகள் கடுமையாக பாதிக்கப்பட்டுள்ளதாக தெரிவித்துள்ளனர்.

விமான நிலையத்தில் நிலவிவரும் கடும் பனிமூட்டம் காரணமாக, இங்கு வரவேண்டிய 23 விமானங்கள் அருகிலுள்ள விமான நிலையங்களுக்கு திருப்பி விடப்பட்டுள்ளன. இரவு ‌‌நேரங்களில், ரன்வே விசிபிலிட்டி 50 முதல் 175 மீட்டருக்கு குறைவாக இருந்தது. இரண்டாவது நாளாக பனிமூட்டம் தொடர்வதால் பெரும் பாதிப்பிற்கு உள்ளாகியுள்ளதாக அவர்கள் தெரிவித்தனர். நேற்று மட்டும் 100 விமானங்களின் சேவைகள் பாதிக்கப்பட்டுள்ளதாகவும், 14 சர்வதேச விமானங்கள், 40 உள்நாட்டு விமானங்கள் உள்ளிட்ட விமானங்களின் சேவைகள் திருப்பி விடப்பட்டுள்ளதாகவும், 38க்கும் மேற்பட்ட விமானங்களின் சேவை ரத்து செய்யப்பட்டுள்ளதாக அவர்கள் தெரிவித்தனர்.