தயவு செய்து பதில் எழுது

sriramanandaguruji · sriramanandaguruji Sun Dec 26, 2010 11:35 am

தயவு செய்து பதில் எழுது
என்ற தலைப்பில் படைப்பை ஈகரை தமிழ் களஞ்சியத்தில் வெளியிட்டு இருந்தோம் அதே படைப்பை உஜிலாதேவி தளத்திலும் வெளியிட்டு இருந்தோம் அந்த படைப்பிற்க்கு ஒரு நண்பர் கடவுள் எழுதுவதாக பதில் எழுதி இருந்தார் அந்த கடிதத்தை ஈகரை நண்பர்களுக்காக படைப்பை சமர்பிக்கிறேன்

சோர்ஸ் --> தமிழ்க் காதலன்.

மறக்காமல் தங்களின் கருத்தை கூறவும்

உம் கடிதம் கிடைக்கப் பெற்றேன். மிக்க மகிழ்ச்சி.

என்னைப் பற்றிய கவலையில் உன்னை நினைக்க மறந்தாயோ மானிடா..?
குறித்துக்கொள்....

நீ
கடவுளாய் காணும் எதிலும் கடவுள் இல்லை. உன் அறிவு கொண்டு தேடும் பொருள்
அல்ல கடவுள். தேடலும் ஆடலும் நிறுத்தப் படுகிற பொழுதினில் புலப்படும்
ஞானம். மனதை நிலைநிறுத்திக்கொள்ள தேவைப்படுகிற மூன்றாம் ஊன்று கோலாய்
மட்டுமே மனித அறிவு இறையை நாடுகிறது.

உன் அதிகப் பட்ச ஆசைகள்
தாண்டி யோசிக்கும் அறிவை பெறாத வரை உன்னால் என்னை நெருங்க முடியாது. எல்லா
மதங்களின் தோற்றம் என்னிடமிருந்தல்ல. உங்களின் கோட்பாடுகளில் எனக்கு
உடன்பாடில்லை. கட்டில்லா உலகத்தில் மட்டில்லா வாழ்க்கையை இயற்கையாய்
தந்திருக்கிறேன்.

மலரை முகர்பவன் இதழ்களை தின்று விட்டு மலர் என்பது
எது..? என யோசிப்பது அறிவீனம். மனைவியை அனுபவிப்பவன் ஆசைகள் தீர்ந்தப்
பின் பெண் என்பது எது...? என தேடுவது அறிவீனம். உனக்குள் உணரப்படுவதும்,
உணர்வதும் எது...? என யோசிப்பாயேயானால் ஒரு வேளை உன்னை உன்னால் உணர முடியக்
கூடும். உன்னை உன்னால் உணர முடியாத வரை, என்னைத் தேடுவதை நிறுத்து.

நீ நீயாகும் போது மட்டுமே, நான் நானாகிறேன். புரிந்து கொள்.

என்னை உணர உன்னை உணர்.

மற்றது மற.
தமிழ்க் காதலன்.