"தினமலர் ஸ்மார்ட் ஷாப்பர்ஸ் எக்ஸ்போ ': சென்னையில் கோலாகல துவக்கம்

**krishnaamma** · **krishnaamma** Thu Dec 23, 2010 8:51 am

சென்னை : சென்னை மக்களுக்கு வித்தியாசமான, "ஷாப்பிங்' அனுபவத்தை அளிக்கும், "தினமலர் ஸ்மார்ட் ஷாப்பர்ஸ் எக்ஸ்போ-2010' எனும் வீட்டு உபயோகப் பொருட்கள் விற்பனை கண்காட்சி சென்னை, ராயப்பேட்டை, ஒய்.எம்.சி.ஏ., மைதானத்தில் இன்று காலை கோலாகலமாக துவங்கியது.சென்னை மாநகராட்சி மேயர் சுப்ரமணியன் துவக்கி வைத்தார். கண்காட்சியில் இடம்பெறும் சர்வதேச விற்பனை அரங்கை, தமிழக சட்டம் ஒழுங்கு கூடுதல் டி.ஜி.பி., ராதாகிருஷ்ணன் துவக்கி வைத்தார். துவக்க விழாவில் தினமலர் கி.ராமசுப்பு, கி.வெங்கட்ராமன், ஆர்.கிருஷ்ணமூர்த்தி உள்பட பலர் பங்கேற்றனர்.

வியக்கவைக்கும் எக்ஸ்போவின் சிறப்பம்சங்கள்: வீட்டு உள் அலங்கார பொருட்கள், கலைநயம்மிக்க மரச்சாமான்கள், பெண்களுக்கான அழகுசாதனப் பொருட்கள், துணிவகைகள் உள்ளிட்ட வீட்டு உபயோகப் பொருட்கள் அடங்கிய 200க்கும் மேற்பட்ட உள் மற்றும் வெளிநாட்டு ஸ்டால்கள் கண்காட்சியில் இடம்பெறுகின்றன. பார்வையாளர்கள் உண்டு மகிழ, தமிழகம், குஜராத் மற்றும் அரியானா மாநிலங்களின் பாரம்பரிய உணவு வகைகளை கொண்ட 15க்கும் மேற்பட்ட ஸ்டால்களில், 100க்கும் மேற்பட்ட உணவு வகைகள் இடம் பெறுகின்றன.

"திரில்லர்' அனுபவம் தரும் பேய் பங்களா: குழந்தைகள் குதூகலிக்க, பஞ்சவர்ண கிளி, புறா, மைனா உள்ளிட்ட 100க்கும் மேற்பட்ட பறவை வகைகளும் கண்காட்சியில் வைக்கப்பட்டுள்ளன. பெரியோர் முதல் சிறுவர் வரை அனைவருக்கும், "திரில்லர்' அனுபவம் தரும் பேய் பங்களாவும், சுற்றுலா பிரியர்களுக்கான, ஜப்பான் நாட்டின் பாரம்பரிய பெருமைகளை விளக்கும், "ஜப்பான் பெவிலியன்' உள்ளிட்ட பொழுதுபோக்கு அம்சங்களுக்கும் இக்கண்காட்சியில் பஞ்சமில்லை.

அழகுக் கலை, பூ வேலை, தோல் பொம்மலாட்டம், பெயின்டிங், செயற்கை நகைகள் போன்றவை செய்வது குறித்து, கண்காட்சிக்கு வரும் பெண்களுக்கு செயல்முறை விளக்கம் தரவும் ஏற்பாடுகள் செய்யப்பட்டுள்ளன. "தினமலர்' நாளிதழ், "அபி இம்போர்ட் அண்டு எக்ஸ்போர்ட்' மற்றும் ஆச்சி மசாலா நிறுவனத்துடன் இணைந்து இந்த வீட்டு உபயோக பொருட்கள் விற்பனை கண்காட்சியை நடத்துகிறது.

தொடரும்..........

**krishnaamma** · **krishnaamma** Thu Dec 23, 2010 8:52 am

ராம்ராஜ், பட்டர்பிளை, பன்சராஸ் மூலிகைகள், கோல்ட் வின்னர், சூர்யா, பான் பான், ஏர்டெல், சபால்ஸ் மினரல் வாட்டர், ஜீ தமிழ் "டிவி', பிக் எப்.எம்., ஆகிய நிறுவனங்களும் இக்கண்காட்சியில் விளம்பரதாரர்களாக பங்குபெறுகின்றன.

தினமலர் அன்புடன் அழைக்கிறது: வரும் 27ம் தேதி வரை, தினமும் காலை 10 மணி முதல் இரவு 8 மணி வரை, இந்த விற்பனை கண்காட்சி நடைபெறும். ஐந்து வயதிற்குட்பட்ட குழந்தைகளுக்கு அனுமதி இலவசம். நபர் ஒருவருக்கு 30 ரூபாய் நுழைவு கட்டணம் வசூலிக்கப்படும். கிறிஸ்துமஸ் மற்றும் புத்தாண்டை வரவேற்கும் வகையில், "தினமலர் ஸ்மார்ட் ஷாப்பர்ஸ் எக்ஸ்போ'வில் பங்கேற்க, வாசக பெருமக்கள் மற்றும் பொதுமக்களை தினமலர் அன்புடன் அழைக்கிறது.

நன்றி : தினமலர்