பாகிஸ்தானை தொடர்ந்து சீனாவில் இருந்தும் வெங்காயம் வருகிறது

நாடு முழுவதும் வெங்காயம் விலை எப்போதும் இல்லாத அளவுக்கு உச்சத்தில் உள்ளது.

ஒரு கிலோ வெங்காயம் ரூ.70-ல் இருந்து ரூ.100 வரை விற்கப்படுகின்றன. விலையை கட்டுக்குள் கொண்டு வர மத்திய அரசு பல்வேறு முயற்சிகளை எடுத்துள்ளது.

இதற்காக வெங்காயம் வெளிநாடுகளுக்கு ஏற்றுமதி செய்வது உடனடியாக நிறுத்தப்பட்டு உள்ளது. அதே நேரத்தில் வெளி நாடுகளில் இருந்து வெங் காயம் இறக்குமதி செய்யவும் நடவடிக்கை எடுக்கப்பட்டுள்ளது. பாகிஸ்தானில் இருந்து உடனடியாக வெங்காயம் இறக்குமதி செய்யப் பட்டது. 2 நாட்களில் அங்கிருந்து 30 லாரிகளில் வெங்காயம் பஞ்சாப் மாநிலம் வந்து சேர்ந்தது. அவற்றை பஞ்சாப் மற்றும் டெல்லி பயன்பாட்டுக்கு அனுப்பி வைத்துள்ளனர். மேலும் பல லாரிகளில் வெங்காயம் வந்து கொண் டிருக்கிறது.

இதை தொடர்ந்து பக்கத்து நாடான சீனாவில் இருந்து வெங்காயத்தை கொண்டு வர நடவடிக்கை எடுத்துள்ளனர்.

இது தொடர்பாக தேசிய விவசாய கூட்டுறவு வர்த்தக கூட்டமைப்பு மத்திய அரசுக்கு சிபாரிசு செய்தது. அதில் சீனாவில் இருந்து வெங்காயத்தை இறக்குமதி செய்யும்படி கூறியது. வெளி நாடுகளில் இருந்து இறக்குமதி செய்யப்படும் வெங்காயத்துக்கு இறக்குமதி வரி விதிக்கப்படுகிறது. இறக்குமதி வரியும் சேர்த்து சீன வெங்காயத்தின் விலை கிலோவுக்கு ரூ.37 வரை இருக்கும். இதுவும் அதிக விலைதான் என்பதால் வெங்காயத்துக்கான இறக் குமதி வரியை குறைக் கும்படியும் மத்திய அரசுக்கு சிபாரிசு செய்யப்பட்டது. இதையடுத்து மத்திய அரசு வெங்காய இறக்குமதி வரியை ரத்து செய்துள்ளது. வெங்காய இறக்குமதி வரி 5 சதவீதம் இருந்தது. அது முற்றிலும் விலக்கப்பட்டுள்ளது.

இந்தியாவில் இருந்து ஒவ்வொரு ஆண்டும் 15 லட்சத்தில் இருந்து 18 லட்சம் டன் வெங்காயம் வரை ஏற்றுமதி செய்யப்பட்டு வந்தது. இந்த ஆண்டு இதுவரை 10 லட்சம் டன் ஏற்றுமதி ஆகியுள்ளது.

நாட்டிலேயே மராட்டியம், குஜராத், ராஜஸ்தான் மாநிலங்களில் தான் அதிக அளவில் வெங்காயம் உற்பத்தி செய்யப்படுகிறது. அங்கு மட்டும் 60 லட்சத்தில் இருந்து 70 லட்சம் டன் உற்பத்தி ஆகிறது. நாட்டில் மொத்த வெங்காய உற்பத்தியில் 50 சதவீதம் மராட்டியத்தில் நடக்கிறது. அதில் 40 சதவீதம் நாசிக் மாவட்டத்தில் மட்டும் விளைகிறது.

இந்த பகுதியில் பருவம் தவறி பெய்த மழையினால் பெருமளவு வெங்காயம் அழுகி விட்டது. இதனால் தான் வெங்காயம் தட்டுப்பாடு ஏற்பட்டு இந்த அளவுக்கு விலை உயர்ந்து உள்ளது.

சீன போருள்னாலே போலி இதுல வெங்காயம் எப்படி இருக்க போகுதோ