வேலை மாறபோகிறிர்களா -எனர்ஜி தொடர்

balakarthik · balakarthik Mon 20 Dec 2010 - 13:22

First topic message reminder :

முன்குறிப்பு :-
வேலைன்னு வந்துட்டா நான் வெள்ளைக்காரனா மாறிடுவேன்னு சொல்ற மாதிரி, பதிவெழுதுறதுன்னு வந்துட்டா பர்காதத்தா மாறுவதே நம் வழக்கம். பதிவை பொறுத்தவரை எந்த வரையறையும் இல்லாமல் எல்லா அலப்பறையும் கொடுத்து கொண்டுதானிருக்கிறேன். இருந்தாலும் எனது நண்பர் ஒருவர் துறை சார்ந்த விஷயங்கள் தமிழில் அவ்வளவாக இல்லை. எனவே நாம் செய்யும் வேலை தொடர்பான சில விஷயங்களை பகிர்ந்துக் கொள்ளலாமே என்று சொன்னார்.அவருடன் பேசிகொண்டிருந்தபோது கிடைத்த விசயங்களை , என் கருத்துகளையும் கலந்து எழுதலாம் என்று நினைத்திருக்கிறேன் .

இங்கே நான் எழுதிருப்பது , எப்போது வேலை மாற வேண்டும், அதற்கு என்னென்ன செய்யலாம், நல்ல ரெஸ்யும் எப்படி தயாரிப்பது போன்ற பல்வேறு தலைப்புகளில் எனக்கு தெரிந்தவற்றை எந்த மொக்கையோ, நகைச்சுவையோ இல்லாமல் கொஞ்சம் சீரியஸாக அலசலாம். மீண்டும் ஒருமுறை இப்படி ஒரு பதிவெழுத தூண்டிய நண்பருக்கு நன்றி சொல்லிக் கொள்கிறேன்.

நமக்கு கதையினா ரொம்ப புடிக்கும் , எனக்கு கத உடுரதுனா ரொம்ப ரொம்ப புடிக்கும் அதான் கதையுடன் தொடங்கலாமேனுட்டு ஹி ஹி கொசிகாதிங்க இனிமே சீரியசுதான்

அவர் ஒரு மென்பொருள் நிறுவனத்தில் டீம் லீடாக வேலை செய்கிறார். வேலையில் படு கெட்டி என கடந்த 5 வருடமாக பெயர் வாங்கியிருக்கிறார். சான்றிதழும் கொடுத்திருக்கிறார்கள். ஆனால் அவர் எதிர்பார்த்துக் கொண்டிருக்கும் பதவி உயர்வு மட்டும் கிடைப்பதற்கான அறிகுறியே தெரியவில்லை. அவரின் நண்பன் மூலம் நாங்கள் அறிமுகமானோம். வேலைப் பற்றியே அதிகம் பேசினார். பேச்சுவாக்கில் எப்படியும் இன்னும் 2 வருடங்களில் மேலாளர் ஆகிவிடுவேன் என்றார். அவர் வேலை செய்வது ஒப்பீட்டளவில் சின்ன நிறுவனம் தான். இவர் டீமில் இருக்கும் மேலாளர் நகர்ந்தால்தான் இவருக்கு அந்த சீட் என்பது அவர் பேசியதில் புரிந்தது. காத்திருக்க அவரும் தயாராகவே இருக்கிறார்.

அவர் பரவாயில்லை. மற்றொரு நண்பரின் நிலை இன்னும் மோசம். ஒரு பன்னாட்டு தானியங்கி நிறுவனத்தில் நல்ல வேலையில் இருக்கிறார். இருந்தார் என படித்து விடுங்கள். மனதுக்கு பிடித்த வேலை. கையல்ல, பாக்கெட் நிறைய சம்பளம் என இருந்தவரை சென்ற மாதம் ஆட்குறைப்பில் மேன்ஷனுக்கு அனுப்பி விட்டார்கள். ஆம். வேலைப் போன கஷ்டத்தில அவர் வீட்டுக்குப் போகவில்லை. நண்பர்களின் மேன்ஷனில்தான் இருக்கிறார். அவரது நிறுவனத்தில் ஒரு வாரம் மட்டுமே நேரம் தந்திருக்கிறார்கள் . அதற்குள் வேறு வேலை எப்படி தேடுவது? அவரிடம் அவரது புதிய பயோடேட்டா அப்போது கைவசமோ, கணிணிவசமோ இல்லை. கடைசியாக 3 வருடங்கள் முன்பு தயார் செய்ததுதான் . எப்படியும் ஒரு 15 வருடம் இங்கே இருக்கலாம் என்று முடிவு செய்திருந்ததாக சொன்னார்.

மேற்கண்ட சம்பவங்களில் இந்த இருவர் நீங்கள் தான் என்றால் மேற்கொண்டு தொடருங்கள். நீங்கள் இல்லை என்றால் இன்னொரு முறை படித்து இந்த சூழ்நிலை உங்களுக்கு வரக்கூடுமா இல்லையா என்பதை உறுதி செய்து கொள்ளுங்கள்.

பெரும்பாலானவர்கள் இருக்கும் வேலையில் பெரிய பிரச்சினை என்று வரும்வரை வேலை மாறுவது பற்றி யோசிப்பதும் இல்லை. அதற்காக தயாராவதும் இல்லை. கடைசிக்கட்ட நெருக்கடியில் கிடைக்கும் இன்னொரு சுமாரான வேலையில் சேர்ந்து பின் அதிலும் அரைமனதுடனே காலம் கழிக்கிறார்கள். வேலை மாற்றம் என்பது தவறேயில்லை, முறையாக இருக்கும் வேலையில் இருந்து மாறினால். எனவே எப்போதும் நம்மை அடுத்த மாற்றத்திற்கு தயாராக வைத்திருப்பது அவசியமாகிறது. ஆங்கிலத்தில் ஒரு பழமொழி ஒன்று சொல்வார்கள் “Love your job. Not your company.Because you never know when it will stop loving you”.

சரி. நம்மை எப்படி தயாராக வைத்திருப்பது? அதற்கு என்னவெல்லாம் செய்ய வேண்டும்? என்ற கேள்விகள் இந்நேரம் உங்களுக்கு எழுந்திருந்தால் மகிழ்ச்சி. நீங்கள் சரியான திசையில் பயணிக்கிறீர்கள். உங்கள் கேள்விகளுக்கும், சந்தேகங்களுக்கும் பதில் சொல்லும் முன்பு சில விஷயங்களை உறுதிப்படுத்திவிடுவது நல்லது. எந்தத்துறை வேலையென்றாலும் ஒரு நிறுவனத்தில் குறைந்தது 3 - 5 வருடங்கள் வேலை செய்வது ஒரு ஸ்திரத்தன்மையை கொடுக்கும். அப்படியில்லாமல் அடிக்கடி வேலை மாறுவதை Job hopping என்பார்கள். அது உங்கள் சந்தை மதிப்பை குறைத்துவிடும். ஏதேனும் பிரத்யேக காரணத்தினால் மாறியிருந்தால் வேறு. அடிக்கடி மாறாமால் இருப்பது நல்லது என்பதை மட்டும் நினைவில் வைத்துக் கொள்ளுங்கள். இப்போது கேள்விகளுக்கு வருவோம்.

கீழ்கண்ட கேள்விகளுக்கு உங்களுக்கு நீங்களே பதில் சொல்லிப் பாருங்கள்.

1) அடுத்த 2 வருடங்களில் என்னவாக இருக்க வேண்டும் என்ற திட்டம் ஏதாவது வைத்திருக்கிறீர்களா?

2) கடைசியாக எப்போது உங்கள் Cvஐ புதுப்பித்தீர்கள்?

3 உங்கள் நிறுவனத்தின் சந்தை மதிப்பு தெரியுமா? புதியதாக போட்டியாளர்கள் யாரெல்லாம் வந்திருக்கிறார்கள் என்பதை அறீவிர்களா?

4) உலகளவில், தேசிய அளவில் நீங்கள் ஈடுபட்டிருக்கும் துறையின் வளர்ச்சி மதிப்பீடு பற்றி தெரியுமா?

5) உங்கள் பாஸ்போர்ட் காலாவதி தேதி என்ன?

இதற்கான பதில்கள் உங்களை நீங்களே சுயபரிசோதனைக்கு உட்படுத்தத்தான். இதில் 3வது மற்றும் 4வது கேள்விகளுக்கு ஸ்திரமான பதில் தெரியாதவர்கள் இணையம் மூலமாக அல்லது தெரிந்தவர்கள் மூலமாகவோ தகவல் தெரிந்து வைத்திருப்பது நலம் . என்னால் முடிந்தளவு தகவல்கள் நானும் சேகரித்து தருகிறேன்.

மேலும் நம் ஈகரை நண்பர்களும் தங்களுக்கு தெரிந்த / அனுபவங்களை இங்கே பதிவிட்டால் அனைவருக்கும் உபயோகமாக இருக்கும் குறிப்பாக HR துறையில் உள்ள நண்பர்கள் .

பின்குறிப்பு :- இது வெறும் வேலைவாய்பு செய்திகளை மட்டும் சொல்லும் பகுதியாக இல்லாமல் நல்லவேளைக்கு நம்மை தயார்படுத்தும் பகுதியாக இருக்கவேண்டும் என்பதே எனது விருப்பம் அதனால் தான் இந்த பதிவு அன்பு மலர்

**பிஜிராமன்** · **பிஜிராமன்** Sat 2 Jun 2012 - 21:19

அருமையான ஆரோக்கியம் நிறைந்த பதிவுகள் அண்ணா...மிக்க நன்றிகள்...... மகிழ்ச்சி

தர்மா · தர்மா Sat 2 Jun 2012 - 21:20

சரியாக சொன்னீர்கள் தம்பி. இதை எல்லாம் மீறி நமக்கும் இண்டர்விஎவ் நடத்தும் நபருக்கும் கொஞ்சம் chemistry வேண்டும். இந்த அனைத்தும் கூடி தான் எதிர்காலம் தீர்மானிக்க படுகிறது. அதுவும் தனியார் துறையில் ஒரு நபரின் திறமை அடிகடி எடை போடபடுகிறது ஒவ்வொரு முறையும் புதிய நபர் பணியில் சேரும்போது.

தர்மா · தர்மா Sat 2 Jun 2012 - 21:23

எனது சிறய வேண்டுகோள் வேலை தேடுபவர்களுக்கு. நாம் செல்லும் நிறுவனத்தை பற்றிய அறிவு கொஞ்சம் சேகரித்து செல்ல வேண்டும் மேலும் அதன் pottiaalarkalai பற்றியும் தெரிந்து கொண்டு செல்ல வேண்டும். ஏனென்றால் வேலை செய்யபோகும் நிறுவனத்தை கூட தெரியாமல் நிறைய பேர் வந்து அதனால் வாய்ப்பை இழக்கிறார்கள்

தர்மா · தர்மா Sat 2 Jun 2012 - 21:24

பீ ஜி விநாயக மெஸ் பற்றிய செய்தி பார்த்தீர்களா

பிஜிராமன் wrote:அருமையான ஆரோக்கியம் நிறைந்த பதிவுகள் அண்ணா...மிக்க நன்றிகள்......

**பிஜிராமன்** · **பிஜிராமன்** Sat 2 Jun 2012 - 21:27

தர்மா wrote:பீ ஜி விநாயக மெஸ் பற்றிய செய்தி பார்த்தீர்களா
பிஜிராமன் wrote:அருமையான ஆரோக்கியம் நிறைந்த பதிவுகள் அண்ணா...மிக்க நன்றிகள்......
பிஜிராமன் wrote:அருமையான ஆரோக்கியம் நிறைந்த பதிவுகள் அண்ணா...மிக்க நன்றிகள்......

ஆமாம் அண்ணா பார்த்தேன்...பதிலிட மறந்தேன் மன்னிக்கவும் அண்ணா......நான் அந்த மெஸ் இல் அடிக்கடி சாப்பிடிருக்கிறேன் அண்ணா....நீங்கள் வெறும் விநாயகம் என்று கூறியதும் எனக்கு குழம்பி விட்டது........காசி விநாயகம் என்றிருந்தால், அட நம்ம மெஸ் என்று கூறி இருப்பேன் அண்ணா...... புன்னகை

balakarthik · balakarthik Sat 2 Jun 2012 - 21:28

தர்மா wrote:சரியாக சொன்னீர்கள் தம்பி. இதை எல்லாம் மீறி நமக்கும் இண்டர்விஎவ் நடத்தும் நபருக்கும் கொஞ்சம் chemistry வேண்டும். இந்த அனைத்தும் கூடி தான் எதிர்காலம் தீர்மானிக்க படுகிறது. அதுவும் தனியார் துறையில் ஒரு நபரின் திறமை அடிகடி எடை போடபடுகிறது ஒவ்வொரு முறையும் புதிய நபர் பணியில் சேரும்போது.

நிச்சயமாக அதிலையும் இந்த நேர்முக தேர்வுக்கு காதிருக்கும்போழுதுத்தான் நிறையா பேருக்கு பயம் அதிகமாகிறது என்னை பொறுத்தவரை அந்த நேரத்தில் அந்த நிறுவனத்தின் ஊழியர்களின் நடவடிக்கைகளை கவனமாக பார்க்கவேண்டும் குறிப்பாக யாராவது வாடிக்கையாளர்கள் வந்தால் அவர்கள் எவ்வாறு பேசுகிறார்கள் என்ன கேட்கிறார்கள் அவர்களின் தேவைகள் அதற்க்கு ஊழியரின் நடவடிக்கை செயல்பாடுகள் போன்றவை கவனித்து நேர்முக தேர்வில் அதை நடுவில் கொஞ்சம் சேர்த்து சொன்னால் நம்மீது அவர்களுக்கு ஒரு தனி ஈர்ப்பு வரலாம் அதுவே நமக்கு வேலை கிடைக்க நல்ல பிரகாசமான வழியை காட்டும் மேலும் நமது உடை போன்றவை கூட சில சமயம் நமது நம்பிக்கையை குலைத்துவிடும் சில கம்பெனிகளில் நெற்றியில் விபுதி வைப்பது கூட பிழையாக என்ன வாய்பிருக்கிறது முடிந்தவரை சிம்பிளாகவும் அதேநேரத்தில் கம்பிரமாகவும் உடை அணிய பழகிக்கொள்ளவேண்டும் குறிப்பாக மத ரீதியிலான குறியீடுகளை தவிர்ப்பது நல்லது உதாரணத்திற்கு நெற்றியில் விபுதி பூசுவது போன்றவை

யினியவன் · யினியவன் Sat 2 Jun 2012 - 21:30

பிஜிராமன் wrote:ஆமாம் அண்ணா பார்த்தேன்...பதிலிட மறந்தேன் மன்னிக்கவும் அண்ணா......நான் அந்த மெஸ் இல் அடிக்கடி சாப்பிடிருக்கிறேன் அண்ணா....நீங்கள் வெறும் விநாயகம் என்று கூறியதும் எனக்கு குழம்பி விட்டது........காசி விநாயகம் என்றிருந்தால், அட நம்ம மெஸ் என்று கூறி இருப்பேன் அண்ணா......

உங்களுக்கு சோறு போட்ட பாவத்த கழுவ அவரு காசிக்கு போனதில இருந்து தான் காசி விநாயகம் மெஸ் ஆயிடுச்சாமே?

**பிஜிராமன்** · **பிஜிராமன்** Sat 2 Jun 2012 - 21:37

எனக்கு ஆகஸ்ட் மாதம் நேர்முகத்தேர்வு இருக்கிறது அண்ணாக்களே.......உங்களின் இந்த பதிவுகள் எனக்கு மிகவும் உபயோகமாக இருக்கும்........என்று நம்புகிறேன்..... மகிழ்ச்சி

தர்மா · தர்மா Sun 3 Jun 2012 - 10:55

இண்டர்விஎவில் தயவு seithu யாரும் பரிதாபம் தேட முயர்ச்சிக்கதீர்கள். அது தான் முதல் disqualification

balakarthik · balakarthik Sun 3 Jun 2012 - 11:36

பிஜிராமன் wrote:எனக்கு ஆகஸ்ட் மாதம் நேர்முகத்தேர்வு இருக்கிறது அண்ணாக்களே.......உங்களின் இந்த பதிவுகள் எனக்கு மிகவும் உபயோகமாக இருக்கும்........என்று நம்புகிறேன்.....

ராமன் நீங்கள் ரொம்ப திறமைசாலி.உங்களுக்கு நான் சொல்லிகொள்வது ஒன்றுத்தான் முதல் interview வேலை கிடைக்கலாம் கிடைக்காமலும் போகலாம் உங்கள் திறமையை மற்றவர்கள் அறியவே இல்லை என்று கவலை வேண்டாம் உன் திறமை வெளிப்படாததற்குக் காரணம் இருக்கிறது.சுகம். சௌகர்யம். பாதுகாப்பு.இவையெல்லாம் இருக்கும் வரை உன் திறமை வெளியே வரவே வராது.உன் சுகத்தை நீயே கெடுத்துக் கொள். உன் சௌகர்யத்தை அசௌகர்யாமாக்கிக் கொள். பாதுகாப்பில்லாதவனாக மாறு. உன் திறமை வெளி வரும். வந்தே தீரும். நோகாமல் நுங்கு தின்ன முடியாது. கழுத்தில் கத்தியை வை.நீ யாரென்று உலகம் அறியும். நிச்சயம் வெற்றி தான் ஆல் தி பெஸ்ட் ராமன் அன்பு மலர்

Sponsored content · Sponsored content

வேலை மாறபோகிறிர்களா -எனர்ஜி தொடர்

வேலை மாறபோகிறிர்களா -எனர்ஜி தொடர்

Re: வேலை மாறபோகிறிர்களா -எனர்ஜி தொடர்

Re: வேலை மாறபோகிறிர்களா -எனர்ஜி தொடர்

Re: வேலை மாறபோகிறிர்களா -எனர்ஜி தொடர்

Re: வேலை மாறபோகிறிர்களா -எனர்ஜி தொடர்

Re: வேலை மாறபோகிறிர்களா -எனர்ஜி தொடர்

Re: வேலை மாறபோகிறிர்களா -எனர்ஜி தொடர்

Re: வேலை மாறபோகிறிர்களா -எனர்ஜி தொடர்

Re: வேலை மாறபோகிறிர்களா -எனர்ஜி தொடர்

Re: வேலை மாறபோகிறிர்களா -எனர்ஜி தொடர்

Re: வேலை மாறபோகிறிர்களா -எனர்ஜி தொடர்

Re: வேலை மாறபோகிறிர்களா -எனர்ஜி தொடர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக