பழவெல்லம் உயர் இரத்த அழுத்தத்திற்கு ;(

அதிகமான பழவெல்லம் (ஃபுருக்ட்டோசு - Fructose) உயர் இரத்த அழுத்தத்திற்கு வழிகோலுகிறது.
ஜூலை1, 2010 - பழவெல்லம் அடங்கிய உணவுப் பதார்த்தங்கள் (மென்பான வகைகள் குறிப்பாக சோள இனிப்புக்கூழ்) அதிகமாக உபயோகிக்கப்படும் போது இரத்த அழுத்தம் உயர்வடைவது ஆய்வுகளின் மூலம் கண்டுபிடிக்கப்பட்டுள்ளது. ஐக்கிய அமெரிக்காவில் தேசிய சுகாதார மற்றும் போசாக்குப் பரிசீலனை ஆய்வு நிகழ்வுகளில் தேசிய சுகாதார மையம் ஜூலை 1 இல் வெளியிட்ட அறிக்கையிலேயே இவ்வாறு தெரிவிக்கப்பட்டுள்ளது.


வளர்ச்சியடைந்த நாடுகளில் சமீபகாலத்தில் பழவெல்ல உபயோகம் அதிகமாகி இருப்பது உயர் இரத்த அழுத்தத்தின் விகிதம் அதிகரிப்பதுடன் சம்பந்தமாகி உள்ளது. அமெரிக்காவில் உபயோகிப்பவர்கள் அவர்களுக்கு முன்னர் எதுவித உயர் இரத்த அழுத்த நோயும் இல்லாத நிலையில் உள்ள அமெரிக்கர்கள் உணவுப் பொருட்களில் சேர்க்கப்படும் பழவெல்லத்தை உபயோகிப்பது இரத்த அழுத்தம் அதிகரிப்பதற்கு வழிகோலுகின்றது என்பதை ஆராய்வில் அறிந்தோம் என்று அவுரோராவில் உள்ள கொலராடோ டென்வர் உடல்நல அறிவியல் பல்கலைக்கழக மையத்தின் டயானா ஐ.ஜலாலும் அவரைச் சார்ந்தவர்களும் கூறினார்கள்.

4528 எண்ணிக்கையிலான உயர் இரத்த அழுத்தம் அறவே அற்ற வயது வந்தோர்களில் நடாத்தப்பட்ட ஆய்வினில் நாளொன்றுக்குச் சராசரியாக 74 கிராம் பழவெல்லம் (2.5 வெல்ல மென்பானம்) கொடுக்கப்பட்டது. இவர்களுள் குறைந்தபட்சம் 74 கிராம்/நாள் என எடுத்தவர்களுக்கு இரத்த அழுத்தம் உயர்ந்திருப்பது அவதானிக்கப்பட்டது.

இதன் மூலம் அதிகளவு பழவெல்லம் இரத்த அழுத்ததை உருவாக்கும் என்ற ஒரு கோட்பாட்டுக்கு வந்துள்ளனர். எனவே பழவெல்லத்தினை உணவுப்பொருட்களில் சேர்ப்பதைக் குறைப்பதன் மூலம் இதய நோய்கள் இதன் மூலம் உருவாகுவதைத் தடுக்கலாம் என்பது ஆரைவாளர்களின் தீர்மானம், ஆனால் இது முற்றிலும் சரியென நிரூபிக்கப்பட்ட ஏனைய வெல்லங்களைக் கொண்டு பழவெல்லத்துடன் ஒப்பிட்டு ஆய்வு நடத்தவேண்டும் என்று மருத்துவர் மவுரீன் ஸ்டோரி தெரிவித்தார்.

தகவலுக்கு நன்றி ஜி