மீண்டும் ஒருமுறை பிரித்தானிய தமிழர்கள் பலம் நிரூபிக்கப்பட்டுள்ளதா?

நிசாந்தன் · நிசாந்தன் Sun Dec 19, 2010 10:00 pm

இலங்கை மனித உரிமைகள் நிலைப்பாட்டைப் பற்றிய கேள்விகள் வலுத்ததைத் தொடர்ந்து பிரித்தானிய பாதுகாப்புச் செயலாளர் லியாம் ஃபொக்ஸ் தனது இலங்கை விஜயத்தை இரத்துச் செய்துள்ளதாக அறியப்படுகிறது. இவ்விடயத்தில் ஃபொக்சுக்கும் வெளிநாட்டு அலுவலகத்துக்கு இடையிலும் ஒரு முறுகல் நிலை தோன்றியதாகவும் செய்திகள் கூறுகின்றன. இலங்கை முன்னாள் வெளிநாட்டு அமைச்சர் கதிர்காமரின் நினைவுப்பேருரை ஆற்றுவதற்காக தனிப்பட்ட ரீதியில் இவர் இவ்விஜயத்தை மேற்கொள்ளவிருந்தார் என்பது குறிப்பிடத்தக்கது.

இதற்கிடையில் வளைகுடா நாடுகளுக்கான அதிகாரபூர்வ விஜயம் காரணமாகவே ஃபொக்சின் இலங்கை விஜயம் இரத்தாகியுள்ளதாக அறிக்கையில் கூறப்பட்டுள்ளது எனினும், உண்மையில் இலங்கையின் மனித உரிமைகள் மற்றும் போர்க் குற்றங்கள் குறித்து வெளியிடப்பட்டுவரும் சந்தேகங்கள் காரணமாக வெளிநாட்டுச் செயலாளர் வில்லியம் ஹக் அச்சுறுத்தப்பட்டதாகக் கூறப்படுகிறது.

பிரித்தானிய தமிழர் பேரவையும், உலகத் தமிழர் பேரவையும் இலங்கை மனித உரிமைகள் நிலைப்பாடு குறித்தும், ஃபொக்சின் இலங்கை விஜயத்தைக் கண்டித்தும் பிரித்தானிய வெளிநாட்டு அமைச்சருக்குக் கடிதம் எழுதியதாகவும், இதையடுத்தே இவ்விஜயம் நிறுத்தப்படும் அளவுக்குச் சென்றுள்ளதாக அதிர்வு அறிந்துள்ளது. ஆனால் தனது விஜயம் இரத்துச் செய்யப்படவில்லை, பிற்போடப்பட்டுள்ளது என்றே லியாம் ஃபொக்ஸ் கூறுகிறார். அதோடு அடுத்த ஆண்டு அவர் உத்தியோகபூர்வ விஜயம் ஒன்றையும் இலங்கைக்கு மேற்கொள்ளவுள்ளார்.

எனினும், இலங்கை விடயத்தில் பிரித்தானியா கவனம் எடுக்கவேண்டும் என்றும் அங்குள்ள ஆயிரக்கணக்கான தமிழர்கள் பல போராட்டங்களில் ஈடுபட்டு வரும் நிலையில், ஃபொக்சின் இவ்விஜயம் இரத்தாகியுள்ளமை பிரித்தானியத் தமிழர்களுக்குக் கிடைத்த இன்னொரு வெற்றியே.

மீண்டும் ஒருமுறை பிரித்தானிய தமிழர்கள் பலம் நிரூபிக்கப்பட்டுள்ளதா?

மீண்டும் ஒருமுறை பிரித்தானிய தமிழர்கள் பலம் நிரூபிக்கப்பட்டுள்ளதா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக