திருப்பரங்குன்றம், திருநகர், மதுரை பெருமாள் கோயில்களில் சொர்க்கவாசல் திறப்பு

திருப்பரங்குன்றம், திருநகர் கோயில்களில் நேற்று சொர்க்கவாசல் திறக்கப்பட்டது.

இந்த நிகழ்ச்சியில் ஏராளமான பக்தர்கள் ஞிண்ட வரிசையில் நின்று சுவாமி தரிசனம் செய்தனர்.

முருகப் பெருமானின் முதல் படை வீடான திருப்பரங்குன்றம் சுப்பிரமணியசுவாமி திருக்கோயில் மூலஸ்தானத்தில் பவளக் கனிவாய் பெருமாள் எழுந்தருளி பக்தர்களுக்கு அருள்பாலித்து வருகிறார். ஆண்டுதோறும் இங்கு வைகுண்ட ஏகாதசியை முன்னிட்டு சொர்க்கவாசல் திறப்பு நிகழ்ச்சி நடைபெற்று வருகிறது.

நேற்று காலை 7 மணிக்கு பவளக்கனிவாய் பெருமாள் சிம்மாசனத்தில் சர்வ அலங்காரத்தில் எழுந்தருளினார். பின்னர் பல்வேறு ஆராதனைகள் முடித்து சொர்க்கவாசல் திறக்கப்பட்டது. அதன் வழியாக சுவாமி புறப்பாடாகி திருவாட்சி மண்டபத்தை வலம் வந்து பக்தர்களுக்கு அருள் பாலித்தார்.

திருநகர் சித்தி விநாயகர் கோயில் தனி சன்னதியில் ஸ்ரீதேவி, ஞீதேவியுடன் எழுந்தருளியுள்ள ஸ்ரீநிவாசப் பெருமாளுக்கு பல்வேறு திரவிய அபிஷேகங்கள் முடித்து திருக்கோலத்தில் பக்தர்களுக்கு அருள் பாலித்தார். வைகுண்ட ஏகாதசியை முன்னிட்டு ஏராளமான பக்தர்கள் திரண்டு சுவாமி தரிசனம் செய்தனர்.

மதுரை பெருமாள் கோவில்களில் சொர்க்க வாசல் திறப்பு


ஏகாதசியான நேற்று மதுரை பெருமாள் கோவில்களில் சொர்க்க வாசல் திறக்கப்ப்டடது.

விரதங்களில் முக்கியமாக கடைபிடிக்கவேண்டிய விரதமான ஏகாதசி நேற்று பெருமாள் கோவில்களில் சிறப்பாக கொண்டாடப்பட்டது.ஒவ்வொரு ஏகாதசியும் ஒவ்வொரு பெயர் கொண்டது. மார்கழி மாதத்தில் வருவது வைகுண்ட ஏகாதசி. முறைப்படி இருக்கும் ஏகாதசி விரதம் ஒருவரை பாவங்களில் இருந்து விடுவிப்பதுடன், விரத இருப்பவர்களின் மூதாதையர்களை கூட நற்கதி அடைய செய்யும் என்பது அய்தீகம். ஏகாதசி முதல் நாள் மாலையில் இருந்து ஏகாதசி அன்று மாலை வரை பலர் தூங்காமல் பெருமாளின் நாமத்தை சொல்வது ஸ்ரீமத் பாகவதம் பகவத் கீதை படிப்பது போன்ற இறை சிந்தனையில் ஈடுபடுவார்கள். சிலர் உணவு உண்ணாமல் விரதம் இருப்பார்கள். சிலர் அனைத்து காய்கறிகளையும் சேர்த்து குழம்பாக செய்து கோவிலுக்கு சென்று பரமபத நாதரை தரிசித்து விட்டு விரதத்தை முடிப்பார்கள்.

மதுரை வைகுண்ட ஏகாதசியான நேற்று கூடலழகர் பெருமாள் கோவில், தல்லாகுளம் பெருமாள், அழகர்கோவில், திருமோகூர் காளமேகப்பெருமாள் கோவில் உள்பட பல்வேறு பெருமாள் கோவில்களில் ஆண்டுக்கு ஒரு முறை திறக்கப்படும் சொர்க்க வாசல் நேற்று திறக்கப்பட்டது. அப்போது ஆயிரக்கணக்கான பக்தர்கள் கலந்து கொண்டு பெருமாளை தரிசித்தனர்.