நாக(த)ஸ்வரங்கள்!

**கா.ந.கல்யாணசுந்தரம்** · 28/02/2009

வேதங்களை முன்னிறுத்தி
மங்களமாய் இசைக்கின்றன ..
நாக(த)ஸ்வரங்கள்!

.....கா.ந.கல்யாணசுந்தரம்.

nandhtiha · nandhtiha Fri Dec 17, 2010 4:06 pm

மதிப்புக்குரிய
ஐயா அவர்களுக்கு

வணக்கம்

ஒரு
சிறு குறிப்பைத் தங்கள் முன் வைக்கிறேன். கொள்ளுவதும் தள்ளுவதும் தங்கள் உரிமை

எல்லோரும் நாதஸ்வரம் என்றே கூறுகிறார்கள்,
எல்லாவிதமான வாத்தியங்களிலும் நாதம் எழும். இதன் உண்மையான பெயர் நாகஸ்வரம்.

நாகம்என்றால் ஸ்வர்க்கம் என்ற பொருள் உளது, (உ-ம்) அம்பஸ்ய பாரே புவனஸ்ய மத்யே நாகஸ்யப்ருஷ்டே என்பது உபநிஷத் வாக்கியம். இங்கு நாகம் என்பது ஸ்வர்க்கத்தைக் குறித்து
நின்றது. இதன் பக்க வாத்தியம் மேளம் . மேளம்; மீலனம் என்ற தாதுவிலிருந்து
வருகிறது. சேர்த்தல் கூட்டல் என்ற பொருள் பெறும். கும்ப மேளா, சம்மேளனம் முதலிய
சொற்கள் இதன் அடிப்படையில் பிறக்கின்றன. மேளத்தின் தோல் நன்கு வளர்ந்த காளை
மாட்டின் தோலினால் செய்யப் படவேண்டும். காளை என்பது மந்திரத்தைக் குறிக்கும்
குறியீட்டுச் சொல். பசு என்பதற்கு வட மொழியிம் கௌ என்று பெயர் இதன் பன்மை காவ:.
காவ: என்ற சொல் பிரதி பிம்பமுறையில் வாக் என்றாகும்.

(உம் சூரியனைப் பற்றிய ஆருணம் கூறும் பொழுது “
கஸ்யப: பஸ்யகோ பவதி; கஸ்யப: பஸ்யக இதி) கஸ்யன் என்ற சொல் பஸ்யகன் என்று மாறும்
என்கிறது. பசுவிற்கு நான்கு சுரப்பிகள் உள்ளன, அவை முறையே வாக்கின் நான்க்கு நிலைகளான பரா,,பஸ்யந்தி, மத்யமா, வைகரி என்பனவற்றின் குறியீடுகள்ளாகும். ரிக் வேதம் வாக் நான்கு நிலையில்
உள்ளன என்று கூறும். இதனையே தொல்காப்பியரும் தமது எழுத்ததிகாரத்தில் 102 வது
சூத்திரமாக “ எல்லா வெழுத்தும்” என்று ஆரம்பிக்கும் சூத்திரத்தில் விளக்குகிறார்.
இந்த வாக்காகிய பசுவை பலன் அளிக்கச் செய்வதான் காளைக்கு மந்திரம் என்ற பொருள்
நிருக்தத்தில் கூறப் பட்டிருக்கிறது. நாகஸ்வரத்தின் நாதத்தில் வேதமந்திரங்கள்
வலுவிழந்து விடும் (லாகவ கௌரவ நியாயம்) சில சுப சடங்குகளின் முக்கியமான
மந்திரங்கள் உச்சரிக்கப் படும் போது நாகஸ்வரத்தை நிறுத்தச் சொல்வதற்குக் காரணமும்
அதுவே. ஆகவே நாகஸ்வரம் என்பது தான் சரி என்று எனக்குப் படுகின்றது, அதனைத் தங்கள்
விமரிசனத்திற்கு வைத்துள்ளேன்.

என்றும் மாறா அன்புடன்

நந்திதா

**கா.ந.கல்யாணசுந்தரம்** · 28/02/2009

திருமதி நந்திதா அவர்களே தங்களின் உபநிட விளக்கங்கள் சரியாகப்படுகிறது. நாகஸ்வரங்கள் தான் நாளடைவில் மருவி நாதஸ்வரங்களாக ஆனது. அதற்கேற்ப ஹைக்கூ கவிதையை மாற்றியுள்ளேன்.

நன்றி,

கா.ந.கல்யாணசுந்தரம்.