கருப்பு என்று கவலையா?

**சிவா** · **சிவா** Tue 18 Aug 2009 - 16:20

ஐயே என்ன கலரு, தொட்டா ஒட்டிக்கிற மாதிரி என்று இனி உங்களை யாராவது கிண்டல் செய்தால் டோன்ட் கேர்! கருப்புதான் எனக்குப் பிடிச்ச கலரு என்று பெருமையாகச் சொல்லிக் கொள்ளுங்கள். ஏனென்றால் கறுப்புநிற சருமத்திற்குத்தான் ஆரோக்கியம் அதிகமாம். கருப்பாக இருப்பது பிரச்சினையல்ல. அதைப் பளிச்சென வைத்திருக்க உங்களுக்குத் தெரிந்திருக்க வேண்டும். அதற்கு இதோ சில ஆலோசனைகள்....

* தினம் இரவில் இரண்டு பாதாம் பருப்பை ஊற வைத்து விடுங்கள். மறுநாள் அதை அரைத்துப் பால் ஏடு கலந்து முகம், கழுத்து மற்றும் கை, கால் களில் தடவி ஊறிக் கழுவிடுங்கள்.

* எலுமிச்சம் பழச்சாற்றுடன், சிறி தளவு தேன் கலந்து முகத்தில் தடவி அரை மணி நேரம் கழித்துக் கழுவிடுங்கள்.

* பாலாடையில் சுத்தமான மஞ்சள் தூள் கலந்து குழைத்து முகம் முழுக்கத் தடவிக் குளித்து விடுங்கள்.

* வெள்ளரிக்காய் சாறு, காய்ச்சாத பால் இரண்டையும் சம அளவு எடுத்து உடல் முழுக்கத் தடவி அரை மணி நேரம் கழித்துக் குளிக்கலாம்.

* தினம் ஒரு துண்டு பப்பாளிப் பழம் சாப்பிடுங்கள். அதிலேயே சிறிது எடுத்து மசித்து முகம் மற்றும் கழுத்தில் தடவி சிறிது நேரம் கழித்துக் கழுவி விடுங்கள்.

* சுத்தமான தேங்காய் எண்ணெயை முகத்தில் தடவி சிறிது நேரம் ஊறிக் குளிக்கலாம். ஆனால் முகத்தில் முடி வளர்ச்சி அதிகமிருப்பவர்கள் இதைத் தவிர்ப்பது நல்லது.

* பாதாம் பருப்பு மற்றும் கசகசாவை ஊற வைத்து அரைத்து சருமத்திற்குத் தேயத்துக் குளிக்கலாம். இவை தவிர....

* தினம் ஒரு பச்சைக் கேரட்டை அப்படியேமென்று தின்னுங்கள். முடிந்தால் தினம் ஒரு டம்ளர் கேரட் ஜூஸ் குடியுங்கள்.

* உணவில் நிறைய தக்காளி சேர்த்துக் கொள்ளுங்கள். சாலட்டாக சேர்த்துக் கொள் வது இன்னும் நல்லது.

* வெள்ளரிக்காயை நிறைய சேர்த்துக் கொள்ளுங்கள்.

* தர்பூசணிப்பழம் சாப்பிடுங்கள். உடலுக்கும் குளிர்ச்சி. நிறத்தையும் பளிச்சென மாற்றும்.

* சிவப்புநிறப் பொன்னாங்கண்ணிக் கீரையைத் தினம் கொஞ்சம் சேர்த்துக் கொள்ளுங்கள். இரவில் அதைத் தவிர்ப்பது நல்லது.

* வாரம் இரண்டு அல்லது மூன்று முறைகளாவது பாகற்காயை சேர்த்துக் கொள்ளுங்கள். அதற்கு இரத்தத்தை சுத்தப்படுத்தும் குணமுண்டு. இரத்தம் சுத்தமானால் உடல் பளிச்சென மாறும்.

* குளிக்கும் தண்ணீரில் ஒரு கைப்பிடி வேப்பிலை அல்லது கொத்தமல்லி இலை களைப் போட்டுக் கொதிக்க வைத்துக் குளியுங்கள். சருமம் மாசு மருவின்றி, பளிச்சென இருக்கும்.

* கஸ்தூரி மஞ்சளை வாங்கி சுத்தப் படுத்தி அரைத்து வைத்துக் கொள்ளுங்கள். அதை தினம் குளிக்கும்போது சோப்பு போட் டுக் கழுவியதும், தடவிக் குளியுங்கள். நாளடைவில் சருமம் பளிச்சென மாறும்.

* கருப்பான சருமமுடையவர்கள் சிவப்பாகக் காட்டிக் கொள்ள ரொம்பவும் டார்க் நிற ஷேடுகளை உபயோகிக்கக் கூடாது. நேச்சுரல் ஐவரி நிற ஃபவுண்டேஷனையும், காம்பேக்ட் பவுடரையும் உபயோகிக்கலாம்.

* உதடுகளுக்கு லைட் பிரவுன் மற்றும் மெரூன் நிற லிப்ஸ்டிக்குகளை உபயோகித்தால் அழகாக இருக்கும்.

* ரொம்பவும் வெளிர் நிற ஆடைகள் கருப்பானவர்களை இன்னும் கருப்பாகக் காட்டும் என்பதால், மிதமான ஷேடுகளில் உடையணியலாம்.

* தங்க நகைகளைத் தவிர்த்து, ஒயிட் மெட்டல் மற்றும் முத்தாலான நகைகளை அணிந்தால் இவர்களுக்கு அழகாக இருக்கும்.