வாக்குறுதிகள் நிறைவேற்றி விட்டோம்:

கார்த்திக் · கார்த்திக் Thu Dec 16, 2010 5:26 pm

சென்னை ஆயிரம் விளக்கு பகுதி சார்பில் தி.மு.க. அரசின் சாதனை விளக்க பொதுக்கூட்டம் தேனாம்பேட்டை இளங்கோ சாலையில் நடந்தது. துணை முதல்-அமைச்சர் மு.க.ஸ்டாலின் தலைமை தாங்கி சிறப்புரையாற்றினார். அவர் பேசியதாவது:-

தி.மு.க. தேர்தல் அறிக்கையில் சொன்ன வாக்குறுதிகளை மட்டும் அல்ல சொல்லாதவைகளையும் நிறைவேற்றி உள்ளோம். தி.மு.க.வின் கடந்த தேர்தல் அறிக்கை கதாநாயகனாக விளங்கியதை பலரும் பாராட்டினார்கள்.

மற்ற கட்சிகள் தேர்தல் வாக்குறுதிகள் கொடுப் பார்கள். அதன் பிறகு அவர் களை தேட வேண்டிய நிலைதான் வரும். ஆனால் தேர்தல் வாக்குறுதிகளை நிறைவேற்றிய ஒரே கட்சி தி.மு.க.தான். அதனால் இந்த ஆட்சிக்கு நீங்கள் ஆதரவு தர வேண்டும்.

மகளிர் சுய உதவி குழுக் கள் மிகப்பெரிய அளவில் செயல்பட்டு வருகிறது. மகளிர் சுய உதவி குழுக்கள் இல்லாமல் யாரும் எந்த பணிகளையும் ஆற்ற முடியாது. எத்தனை ஆயிரம் பேருக்கு சுழல் நிதி கொடுத்தாலும் எனக்கு களைப்பு தெரிவது இல்லை. முக மலர்ச்சியுடனும், ஆர்வத்துடனும் அவர்கள் இருப்பதால் எனக்கு சோர்வே ஏற்படவில்லை. இதை டெல்லியில் உள்ள தலைவர்கள் கூட பலர் என்னிடம் கேட்டனர். எப்படி நீண்ட நேரம் நின்று நிதி வழங்குகிறீர்கள் என்று வியப்புடன் கேட்டனர்.

மக்களிடம் எழுச்சி ஏற்பட்டு உள்ளது. தெம்பு திராணியோடு மக்களை சந்திக்கிறோம். இந்த ஆட்சியின் மீது நம்பிக்கை இருப்பதால் இன்முகத்துடன் வரவேற்கிறார்கள்.

கலைஞர் காப்பீட்டு திட்டம் தமிழகத்தில் சிறப்பாக செயல்பட்டு வருவதை அறிந்து அமெரிக்க அதிபர் ஒபாமா இத்திட்டத்தை நிறைவேற்ற செயல்வடிவம் கொடுத்து வருகிறார்.

கிராமப்புறங்களில் உள்ள குடிசை வீடுகளை கான்கிரீட் வீடுகளாக மற்றும் திட்டம் செயல்படுத்தப்பட்டுள்ளது. இந்த ஆண்டு 3 லட்சம் வீடுகள் கட்டி கொடுக்கப்படுகிறது.

மீண்டும் தி.மு.க.தான் ஆட்சிக்கு வரும். அதில் யாருக்கும் சந்தேகம் வேண்டாம். கிராமப்பகுதிகளை தொடர்ந்து பேரூராட்சி, அதையடுத்து நகராட்சி, அதன்பின் மாநக ராட்சி பகுதிகளில் கான் கிரீட் வீடு திட்டம் நிறை வேற்றப்படும்.

3 லட்சம் வீடுகள் கட்டும் பணி முடியும் நிலையில் உள்ளது. டிசம்பர் இறுதிக்குள் முடிந்து இருக்க வேண்டும். மழையின் காரணமாக தாமதமாகி ஜனவரி இறுதியில் முடியும்.

சில கட்சிகள் அ.தி. மு.க. மீண்டும் ஆட்சிக்கு வர ஆதரவாக செயல்படுகிறார்கள். தி.மு.க. தொடர்ந்து ஆட்சியில் இருந்தால் சிலர் அரசியல் நடத்த முடியாது என்று எண்ணி தி.மு.க.வை அழிக்க புறப்பட்டு இருக்கிறார்கள். தி.மு.க.வை அழித்த வரலாறு கிடையாது. அதை செய்ய நினைத்தவர்கள் எல்லாம் அனாதையாகி விட்டார்கள்.

ஜெயலலிதா ஆட்சிக்கு வந்தால் இந்த திட்டங்கள் எல்லாம் நின்று விடும். அதனால் தொடர்ந்து நீங்கள் தி.மு.க.விற்கு ஆதரவு தர வேண்டும்.

இவ்வாறு அவர் பேசினார்.

கூட்டத்தில் மாவட்ட செயலாளர்கள் வி.எஸ்.பாபு எம்.எல்.ஏ., ஜெ.அன்பழகன், மேயர் மா.சுப்பிரமணியன், கம்பம் செல்வேந்திரன், ஈரோடு இறைவன், அன்பகம் கலை, நாதன், விக்டர், சிவா, கோபாலகிருஷ்ணன், ஆயிரம் விளக்கு பகுதி செயலாளர் மா.பா.அன்புதுரை, மாவட்ட இளைஞர் அணி அமைப்பாளர் நுங்கை வி.எஸ்.ராஜ், ரெட்சன் அம்பிகாபதி, பழக்கடை சேகர், இராபர்ட், சியாமளா உள்பட பலர் கலந்து கொண்டனர்.
1 1

மாலை மலர்

Guest · Guest Thu Dec 16, 2010 5:43 pm

என்ன கொடும கார்த்திக் பாஸ் இது...

கவிக்காதலன் · கவிக்காதலன் Thu Dec 16, 2010 7:28 pm

கார்த்திக் (Thu Dec 16, 2010 5:26 pm) wrote:

கலைஞர் காப்பீட்டு திட்டம் தமிழகத்தில் சிறப்பாக செயல்பட்டு வருவதை அறிந்து அமெரிக்க அதிபர் ஒபாமா இத்திட்டத்தை நிறைவேற்ற செயல்வடிவம் கொடுத்து வருகிறார்.

இது என்ன புது காமடியா இருக்கு? இவங்களே இந்த திட்டத்தை ஆந்திராவில் இருந்துதான் சுட்டங்க..... வாக்குறுதிகள் நிறைவேற்றி விட்டோம்: 56667