விக்கிலீக்சு தகவல்களால் சர்வதேசத்திலிருந்து தனிமைப்படும் இலங்கை

நிசாந்தன் · நிசாந்தன் Tue Dec 14, 2010 1:33 am

கடந்த வாரம் முதல், இராஜ தந்திரிகள் பரிமாறிக்கொண்ட தகவல்களை தனது இணையத்தில் வெளியிட்டு உலகில் பரபரப்பை ஏற்படுத்தியுள்ள விக்கிலீக்ஸ் இணையம், இலங்கை குறித்து 4 வகையான தகவல்களைக் கசிய விட்டுள்ளது. வன்னிப்போர்க் குற்றங்கள் குறித்து அமெரிக்காவின் அபிப்பிராயங்கள், அமெரிக்கத் தூதுவருடன் தமிழ் அரசியல்வாதிகள் நடத்திய பேச்சுக்கள், பாகிஸ்தானின் லஷ்கர் ஈ-தொய்பா அமைப்பின் இலங்கை பயிற்சிமுகாம்கள் மற்றும் புலிகளுக்கு எதிரான போருக்காக 2009 ஆம் ஆண்டின் தொடக்கத்தில் வடகொரியாவிலிருந்து கொள்வனவு செய்யப்பட்ட ஆயுத விவரங்கள் ஆகியவையே அந்த நான்குவகைத் தகவல்களுமாகும்.

இத்தகவல்கள் வெளியாகியுள்ளதை அடுத்து அமெரிக்காவுக்கும் இலங்கைக்கும் இடையிலான இராஜதந்திர உறவுகளில் விரிசல்கள் ஏற்பட்டுள்ளன. அதோடு இந் நான்கு தகவல்களும் சர்வதேச சமூகத்திடம் இருந்து அரசாங்கத்தை தனிமைப் படுத்துவதற்கான வாய்ப்புக்களை மேலும் அதிகரித்துள்ளதாக கொழும்பு அரசியல் வட்டாரங்கள் தெரிவிக்கின்றன. மேலும் விக்கிலீக்ஸ் வெளியிடவுள்ள புதிய தகவல்களும்கூட இலங்கை பற்றிய அதிர்ச்சியான தகவல்களாக இருக்கலாம் எனவும் எதிர்பார்க்கப்படுவதாக அறியப்படுகிறது.

இலங்கைக்கான அமெரிக்காவின் முன்னாள் தூதராக இருந்த ரொபர்ட் ஓ பிளேக் இலங்கை விவகாரம் தொடர்பில் பல சர்ச்சைக்குரிய விடயங்களை கையாண்டவர். இந் நிலையில் அவரது காலத்தில் அனுப்பி வைக்கப்பட்ட தகவல்கள் இன்னும் சர்ச்சைக்குரியதாக இருக்கும் என இராஜதந்திர வட்டாரங்கள் எதிர்பார்க்கின்றன.

வடகொரியாவிலிருந்து ஆயுதம் கொள்வனவு செய்ததாக வந்துள்ள தகவல்களை அடுத்து இலங்கைமீது சர்வதேசம் சந்தேகப் பார்வையை விழுத்தியுள்ளது. அதனால்தான் உடனடியாக மறுப்புத் தெரிவித்த இலங்கை இனி மிகக் கவனமாகச் செயற்படவேண்டும் என்ற முடிவில் இருக்கிறதாம்.

விக்கிலீக்சு தகவல்களால் சர்வதேசத்திலிருந்து தனிமைப்படும் இலங்கை

விக்கிலீக்சு தகவல்களால் சர்வதேசத்திலிருந்து தனிமைப்படும் இலங்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக