20 ரஷ்ய அழகிகள் உளவாளிகளாக இங்கிலாந்தில் ஊடுறுவல் : திடுக் தகவல்

ரஷ்யாவின் பிரபலமான கவர்ச்சிகரமான உளவாளியான அன்னா சாப்மனின் மேற்பார்வையில் குறைந்தது 20 அழகான பெண்கள் ரஷ்யாவின் உளவாளிகளாக ரஷ்யாவுக்கு தேவையான தகவல்களை பெற்று தர நியமிக்கப்பட்டுள்ளதாக இங்கிலாந்து பத்திரிகை செய்தி ஒன்று தெரிவிக்கிறது.

சண்டே எக்ஸ்பிரஸ் பத்திரிகை செய்தியின் படி இங்கிலாந்தின் பிரபல அரசியல்வாதிகளையும் அதிகாரிகளையும் தங்கள் அழகால் வசியப்படுத்தி அவர்களிடமிருந்து இங்கிலாந்தின் பாதுகாப்பு மற்றும் வர்த்தக ரகசியங்களை வெளிக்கொணர்வதற்கு கிரெம்ளினின் உத்தரவின் படி 20 அழகிகள் உளவாளிகளாக நியமிக்கப்பட்டுள்ளதாகவும் அவர்களுடன் செக்ஸ் வைப்பதின் மூலம் ரகசியங்களை வெளிக்கொணர்வதாகவும் தெரிவிக்கப்பட்டுள்ளது.

உளவு வேலை பார்த்ததாக கூறி அமெரிக்காவிலிருந்து கடந்த ஜூலையில் திருப்பி அனுப்பப்பட்ட 28 வயதான அன்னா சாப்மன் இங்கிலாந்தில் கல்வி பயிலும் ரஷ்யா மற்றும் முன்னாள் சோவியத் குடியரசு நாடுகளான அர்மேனியா, பெலாரஸ், உக்ரைன் போன்ற நாடுகளை சார்ந்த இளம் பெண்களை சந்தித்து அவர்களை உளாவாளிகளாக மாற்றியிருப்பதாக பிரிட்டிஷ் உளவு நிறுவனமான M - 15 தெரிவித்துள்ளது.

மேலும் பிரிட்டிஷ் உளவு நிறுவனத்தை மேற்கோள் காட்டி அவ்வறிக்கையில் தன் கவர்ச்சிகரமான பார்வையாலேயே பல அதிகாரிகளையும், அரசியல்வாதிகளையும் வீழ்த்துவதில் வெற்றி பெற்ற அன்னா சாப்மனுக்கு அவரை போலவே குறைந்தது 20 பெண்களை தயார்படுத்தும் பொறுப்பு கொடுக்கப்பட்டது என்றும் அன்னா சாப்மன் இரவு நேர கேளிக்கை விடுதிகளில் தான் பெரும்பாலும் தனக்கு ஆட்களை தேர்ந்தெடுப்பார்" என்றும் கூறப்பட்டுள்ளது.

20 உளவாளிகளும் தங்கள் அழகுடன் அறிவையும் கலந்து தேவையான ரகசியங்களை கறந்து விடுவதில் வல்லவர்கள் என்றும் அவர்கள் பிடிபடும் வரை ஆபத்தின் எல்லை விரிந்து கொண்டே இருப்பதாகவும் கூறப்பட்டுள்ளது. மேலும் அமெரிக்காவில் இருந்த போது அன்னா சாப்மன் யார் யாரோடு பேசினார், அவரின் தொலைபேசி உரையாடல்கள் விபரங்கள் போன்றவற்றை சேகரித்து தருமாறு அமெரிக்காவின் FBI யிடம் வேண்டுகோளும் விடுக்கப்பட்டுள்ளது.

inneram