அமைதிப் பேச்சுவார்த்தை இசுரேல் புதிய தீர்வு

நிசாந்தன் · நிசாந்தன் Mon 13 Dec 2010 - 6:15

இசுரேல், பாலத்தீனம் இடையே பல ஆண்டுகளாக நிகழ்ந்து வரும் சண்டையை முடிவுக்குக் கொண்டு வர இசுரேல் புதிய தீர்வை அளித்துள்ளது. பாலத்தீனியர்களுக்கு யெருசலேமில் ஒரு பகுதியை விட்டுத் தரவும் இசுரேல் முன்வந்துள்ளது. இத்தகவலை அந்நாட்டின் பாதுகாப்புத் துறை அமைச்சர் எஹுத் பராக் தெரிவித்தார்.

இரு நாடுகளிடையிலான சண்டை முடிவுக்கு வருவதற்கான அறிகுறிகள் இதன் மூலம் பிரகாசமடைந்துள்ளன.

இசுரேல், பாலத்தீனம் இடையே பல ஆண்டுகளாக நிகழும் மோதல்களுக்கு முற்றுப் புள்ளி வைக்க பல முயற்சிகள் மேற்கொள்ளப்பட்டன. சர்வதேச அளவில் மேற்கொள்ளப்பட்ட முயற்சிகளும் பலனளிக்காமல் போனது. 2007-ம் ஆண்டு நடைபெற்ற பொதுத் தேர்தலில் பாலத்தீனர்களும், இசுரேலியர்களும் இந்த பிரச்னைக்குத் தீர்வு காண வேண்டும் என்று வலியுறுத்தினர்.

இதன்படி இசுரேல் பிரதமர் பெஞ்சமின் நெதன்யாகூ தலைமையிலான அரசும், பாலத்தீன விடுதலை இயக்கத்தின் தலைவர் முகமது அப்பாசும் பேச்சு நடத்தி வருகின்றனர். மத்திய கிழக்கு நாடுகள், அமெரிக்கா, ருசியா, ஐரோப்பிய யூனியன், ஐக்கிய நாடுகள் சபையின் சிறப்புப் பிரதிநிதிகள் முன்னிலையில் பேச்சு நடத்தப்படுகிறது.

2003-ம் ஆண்டு பாலத்தீனத்தில் ஃபடா எனும் பாரம்பரிய பழமைவாத கட்சிக்கும், அமாசு இயக்கத்துக்கும் இடையே பிளவு ஏற்பட்டது. இதனால் பாலத்தீன இடைக்கால அரசை நிர்வகிப்பதில் இரு பிரிவினரிடையே பிளவு ஏற்பட்டு அரசு நிர்வாகமும் சிதறியது. இதையடுத்து அமெரிக்காவின் அனாபோலிசு நகரில் நடைபெற்ற பேச்சுவார்த்தை தோல்வியடைந்தது. 2008-ம் ஆண்டுக்குள் அமைதியை ஏற்படுத்த வேண்டும் என்ற முயற்சியில் எவ்வித முன்னேற்றமும் எட்டப்படவில்லை.

இந்நிலையில் இசுரேல் அரசும், பாலத்தீன தலைவர்களும் நேரடியாக பேச்சுவார்த்தையை இந்த ஆண்டு செப்டம்பரில் தொடங்கினர்.

இதன்படி யெருசலேம் நகரில் ஒரு பகுதியை விட்டுத் தர முன்வந்துள்ளதாக எஹுத் பராக் தெரிவித்துள்ளது, இசுரேல் பிரதமர் பெஞ்சமின் நெதன்யாஹு தெரிவித்த கருத்துகளுக்கு நேர் எதிரானதாகும்.

யெருசலம் நகரில் யூதர்கள் வாழும் பகுதியை இசுரேல் எடுத்துக் கொள்வதாகவும், அகதிகள் அதிகம் வசிக்கும் பகுதியை பாலத்தீனர்களுக்கு விட்டுத் தரவும் தயாராக இருப்பதாக எஹுத் பராக் தெரிவித்தார். வாசிங்டனில் பெருந்திரளான மக்களிடையே பேசுகையில் அவர் இக்கருத்தைத் தெரிவித்தார்.

தொழிலாளர் கட்சியைச் சேர்ந்த எஹுத் பராக், இசுரேலின் முன்னாள் பிரதமராகவும் இருந்துள்ளார். இந்த கூட்டத்தில் பாலத்தீன பிரதமர் சலாம் பயாத், அமெரிக்க வெளியுறவு அமைச்சர் இலாரி கிளிண்டன் ஆகியோரும் பங்கேற்றனர்.

முன்னதாக பேசிய இலாரி கிளிண்டன், பிரதான பிரச்னைகளில் பாலத்தீனர்களும், இசுரேலியர்களும் பேச்சுவார்த்தை மூலம் அமைதி ஏற்பட வழிகாண வேண்டும் என்றார். யெருசலேம் நகரை விட்டுக் கொடுக்க முன்வர வேண்டும் என்றும் அவர் வற்புறுத்தினார்.

கடந்த செப்டம்பரில் இதேபோன்ற கருத்தை எஹுத் பராக் தெரிவித்ததாக இசுரேல் பத்திரிகைகள் செய்தி வெளியிட்டன. இதற்கு பிரதமர் நெதன்யாஹுவின் ஆதரவாளர்கள் கடும் எதிர்ப்பு தெரிவித்தனர். யெருசலேம் நகர் இசுரேலியர்களின் பிரிக்கப்படாத தலைநகராகும். அதை விட்டுக் கொடுக்க முடியாது என்று கூறினர்.

இரு நகர் கொள்கையில் எவ்வித முரண்பாடும் இல்லை என்று எஹுத் பராக் குறிப்பிட்டார்.

அமைதிப் பேச்சுவார்த்தை இசுரேல் புதிய தீர்வு

அமைதிப் பேச்சுவார்த்தை இசுரேல் புதிய தீர்வு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக