பூக்களின் காதலன்! (கவிதை)

**kirikasan** · **kirikasan** Fri Dec 10, 2010 9:54 pm

தேடுமா பூவென்று தென்றல் அறிந்திடத்
தெருவோடு வளைந்தோடி திசைமாறிச் சென்றது
ஓடு மாமலையெங்கும் உலவித்திரும்பிட
உளம் நொந்து மலரான துதிர்ந்துகிடந்தது
வாடுமா என்றதன் வண்ணம் அறியவே
வாசமலர் விட்டு வானம் நடந்தேனே
கூடுமா இருள்மாலை கொள்ளுமிவ் வேளையில்
கொஞ்சுமுன் எழில்மேனி குலைந்ததே என்றது

ஆடுமா மயிலென்ற ஆழமும் காணவே
அலைந்தோடும் நீழ்வான் முகிலொன்று தன்னிலே
காடும் மரம்கொண்ட காற்றோடுதிசையிலே
காணப் பறந்துபின் கனிவோடு மீள்கையில்
தேடும் மழைமேகம் தென்படா நிலையிலே
தீய்கும் வெயில்சுட்டு தோகை கிடந்தது
போடும் துளிநீரைப் பொழிந்துஉலகிலே
பொன்மயில் நலிவெண்ணி பொழிமேகம் அழுதது

கதிரோனைக் காணாத கமலமும் இரவிலே
கண்ணீரை விட்டுக் கலங்கிக்கிடந்தது
புதிதாய் வெளிவானில் புலர்ந்திடு மொளிகண்டு
புன்னகை கொண்டுஅதி காலை மலர்ந்தது
இதுவென்ன என்றுமே இரவும் அதிசயித்
தவளுளம் காணவே அந்தியில் விரைந்தது
புதிதல்ல பங்கயம்பூரிப்பு இன்றியே
பொன்முகம்வாடிப் புரண்டே கிடந்தது

எட்டாத தூரத்தில் எழுமோர் காதலை
இத்தரை மலர்களு மிதயத்தே கொள்வது
விட்டாலென்ன என்று வியந்தேன் இருப்பினும்
விந்தைகண்டே பின்னோ என்மனம் நாணினேன்
தொட்டாலும் பட்டாலும் தோன்றிடும் சுகமொன்று,
தோள்கள் நெருங்காத தூய்மையும் இன்னொன்று
கட்டி இழுத்திடும் கண்காணா தோர் இழை
கதிருக்கும் பூவுக்கும் காதலைத் தந்ததோ!

Thanjaavooraan · Thanjaavooraan Tue Dec 21, 2010 4:16 pm

குறிஞ்சிக் காட்டுக்குள் நுழைந்த குளிர்ச்சி, கவிதையில் பூக்களின் காதலன்! (கவிதை) 677196

பூக்களின் காதலன்! (கவிதை)

பூக்களின் காதலன்! (கவிதை)

Re: பூக்களின் காதலன்! (கவிதை)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக