காதலும் மோதலும்

sundaryourfriend · sundaryourfriend Fri 10 Dec 2010 - 17:48

(என் மிகத் தாழ்மையான கவிதை முயற்சிகளில் ஒன்று, முதலில் பிளாக்கர்-இல் ஏற்றியது இப்போது உங்களுடன் பகிர்கிறேன்.)

"உன் தவத்தை யாம் மெச்சினோம்!
என்ன வரம் வேண்டும் உனக்கு?"
கண்முன்னே கடவுள் தோன்றி,
கண்மணியே, என்னிடம் கேட்டாரடி!

சந்தோஷத்தில் மனம் களிக்கும் போதும்
சருகாய்ச் சோகத்தில் உருகும் போதும்
சமமாய்ப் பகிர்ந்திட ஒரு மனம் கேட்டேன்
சகித்துக் கொள்ள ஒரு துணை கேட்டேன்...

வரமாய் நீ வந்தாய்,
வெளிச்சங்கள் பல தந்தாய்;
வாழ்க்கை எனும் வானத்தில்
வானவில்லாகி நின்றாய்.

வசந்தங்கள் பல வந்தன,
வலிகளும் கூடவே வந்தன!

ஆனாலும்...
பிணைக்கும் நம் காதலை
பிணிகள் தொடாது காப்போம் கண்ணே...

சுவர்கள் நமக்குள் எழுந்து விட்டால்
சுவடு தெரியாமல் உடைப்போம் அவற்றை.

மதில்கள் நம் மனங்களுக்கு நடுவில் எழுந்தால்
மதி கொண்டு அவற்றைச் சிதைப்போம் பெண்ணே..

மனித மனங்கள் முட்காடுகள் அன்பே; அதனால்தான்,
புனிதமான காதலதில் ஒன்றாய் அவை கலக்கையில்
முட்கள் குத்தி ரணங்கள் உருவாவதும்,
கற்கள் பட்டுக் கண்ணாடி இதயம் தூளாவதும்.

முட்களும் கற்களும் கொடுத்திடும் வலிகளை
முத்தான காதலுக்காய் முழுவதும் பொறுப்போமா?
வருத்தங்கள் ஆயிரம் வந்திட்ட போதிலும்
வெறுப்பொன்று அண்டாமல் விழிப்பாகக் காப்போமா?

தென்றல் வீசும் சொர்க்கம் சேர்ந்திட
தேகம் எரியும் நரகம் தாண்ட வேண்டும்
தேகம் எரியும் நரகத் தொல்லையும், நம் காதலின்
வேகம் கொண்டு விரைவாய்க் கடப்போமா?

சந்தோஷத்தில் மனம் களிக்கும் போதும்
சருகாய்ச் சோகத்தில் உருகும் போதும்
சமமாய்ப் பகிர்ந்திட ஒரு மனம் கேட்டேன்
சகியே, உனையே துணையாய்க் கேட்டேன்!

புவனா · புவனா Fri 10 Dec 2010 - 18:03

'சந்தோஷத்தில் மனம் களிக்கும் போதும்
சருகாய்ச் சோகத்தில் உருகும் போதும்
சமமாய்ப் பகிர்ந்திட ஒரு மனம் கேட்டேன்
சகியே, உனையே துணையாய்க் கேட்டேன்!"

அழகான வரிகள்... கவிதை அருமை...

**சிவா** · **சிவா** Fri 10 Dec 2010 - 18:06

அருமையாக உள்ளது சுந்தர்! காதலும் மோதலும் 677196

**Aathira** · **Aathira** Fri 10 Dec 2010 - 18:08

சின்ன வரமல்ல மிகப்பெரிய வரம் அளித்துள்ளார். இரு வடிவங்களில்; ஒன்று கலை வடிவில். மற்றொன்று துணை வடிவில். வாழ்த்துக்கள்.

**கா.ந.கல்யாணசுந்தரம்** · 28/02/2009

சுவர்கள் நமக்குள் எழுந்து விட்டால்
சுவடு தெரியாமல் உடைப்போம் அவற்றை.

மதில்கள் நம் மனங்களுக்கு நடுவில் எழுந்தால்
மதி கொண்டு அவற்றைச் சிதைப்போம் பெண்ணே..

வாழ்க்கையின் புரிதலோடு எழுதப்பட்ட சிந்தனை வளமிக்க வரிகள். வாழ்த்துக்கள்.

கலைவேந்தன் · கலைவேந்தன் Fri 10 Dec 2010 - 23:25

அருமை சுந்தர்... வாழ்த்துகள்...!

**மு.வித்யாசன்** · 19/03/2010

வார்த்தைகளின் ஜாலம் எனக்கு பிடித்திருக்கு. தொடர்ந்து எழுதுங்கள் வாசிக்க காத்திருக்கிறேன்.

Sponsored content · Sponsored content

காதலும் மோதலும்

காதலும் மோதலும்

Re: காதலும் மோதலும்

Re: காதலும் மோதலும்

Re: காதலும் மோதலும்

Re: காதலும் மோதலும்

Re: காதலும் மோதலும்

Re: காதலும் மோதலும்

Re: காதலும் மோதலும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக