`கார்ன் பிளேக்ஸின்’ கதை தெரியுமா?

கார்த்திக் · கார்த்திக் Wed Dec 22, 2010 9:16 am

இன்று நம்மூரிலும் காலைச் சிற்றுண்டியாக `கார்ன் பிளேக்ஸ்’ உண்ணும் பழக்கம் அதிகரித்து வருகிறது. காலை வேளையில் பரபரப்பாக வேலைக்குப் புறப்படுவோர், இந்தத் தயார் உணவை உள்ளுக்குள் தள்ளிவிட்டு ஓடுகின்றனர். `கார்ன் பிளேக்ஸ்’ பிறந்த கதை

சுவாரசியமானது. அமெரிக்க மருத்துவரான ஜென் கெல்லாக்குக்கு, அந்நாட்டு உணவு முறை ஆரோக்கியமானதாக இல்லை என்ற எண்ணம்.

சகோதரர் வில்லுடன் இணைந்து, உணவுப்பொருட்கள் கடை ஒன்றை அவர் தொடங்கினார். அங்கே ஆரோக்கியமான உணவுகள் மட்டுமே கிடைத்தன. அந்தக் காலத்தில் பெரும்பாலான அமெரிக்கர்களின் காலை உணவு அதிகக் கொழுப்பு நிறைந்ததாக இருந்தது. அதை மாற்ற, காலை உணவுக்காக ஊட்டச்சத்து பிரெட் தயாரிக்கும் முயற்சியில் கெலாக் சகோதரர்கள் இறங்கினார்கள். சொந்தமாகவே கோதுமை விளைவித்து பிரெட் தயாரிக்க முயன்றனர்.

அவர்களின் பல முயற்சிகள் தோல்வி அடைந்தன. இந்நிலையில் ஒருநாள், கோதுமைப் பாத்திரத்தில் பூஞ்சை படர்ந்திருந்ததை ஜான் பார்த்தார். அதை எடுத்துப் பிசைய ஆரம்பித்தார். பொலபொலவென்று உதிர ஆரம்பித்தது. அதை உலர்த்துவதற்காக மைக்ரோவேவ் அவனில் லேசாக வறுத்தார். வித்தியாசமான உணவு கிடைத்துவிட்டது ஜானுக்கு. இன்னும் சில முயற்சிகளிலேயே, கோதுமையில் கெட்டுப் போகாத `பிளேக்ஸ்’ தயாரிக்கக் கற்றுக்கொண்டார். கடிக்கக் கொஞ்சம் கஷ்டமாக இருந்தாலும் அமெரிக்கர்களிடையே பிரபலமாக ஆரம்பித்தது இந்த பிளேக்ஸ்.

ஜான் கெல்லாக்கும், அவரது சகோதரர் வில்லும் ஹெல்த் பிரெட் தயாரிக்கும் முயற்சியை விட்டுவிட்டு, கோதுமை பிளேக்ஸ் தயாரிக்க ஆரம்பித்தார்கள். அடுத்து அவர்கள், மக்காச்சோளத்தை வைத்து ஆராய்ச்சி செய்யத் தொடங்கினார்கள். நான்காண்டுகளில் கார்ன் பிளேக்ஸ் விற்பனைக்கு வந்தது. அந்த கெலாக் சகோதரர்கள் நூற்றுக்கும் மேற்பட்ட ஆரோக்கிய உணவுகளைக் கண்டுபிடித்திருக்கின்றனர்.
cnn