ஜப்பானியக் கடற்படையின் கப்பல்களை புலிகள் பயன்படுத்தினர்

நிசாந்தன் · நிசாந்தன் Thu Dec 09, 2010 5:35 am

ஜப்பான் நாட்டுக்குச் சொந்தமான கடற்படைக் கப்பல்களைக் கொள்வனவு செய்து அதைப் புலிகள் பயன்படுத்தியதாக தற்போது தெரிவிக்கப்படுகிறது. ஜப்பானின் கரையோர காவல் படையினரால் பாவிக்கப்பட்டு பின்னர் ஒதுக்கப்பட்ட இக்கப்பல்களில் 30 ஐ அவர்கள் கொள்வனவு செய்துள்ளனர். இதன் மூலமே இலங்கைக்கு புலிகள் ஆயுதங்களைக் கடத்திச் சென்றதாகவும் தற்போது கண்டறியப்பட்டுள்ளது. ஜப்பானின் "பூளுஹோக்" , "மாகாமாய்", "ராகுய்", மற்றும் "எக்ஸ்போர்" போன்ற கரையோரக் காவல்பிரிவின் கப்பல்களில் சிலவற்றை புலிகள் கொள்வனவு செய்துள்ளனர். 2006 ம் ஆண்டு செப்டம்பர் மாதம் 17ம் திகதி கல்முனையிலிருந்து 120 கடல் மைலுக்கு அப்பால் இலங்கைக் கடற்படையினரால் அழிக்கப்பட்ட ஒரு கப்பல் 22 மீட்டர் நீளமான. அதுவும் ஜப்பானியக் கப்பல் என்றே கூறப்படுகிறது.

இந்தக் கப்பல் கொடுக்கல் வாங்கல்களை ஒரு காலத்தில் கேபி க்கு அடுத்த படியாக இருந்த பொன்னையா ஆனந்தராஜா அல்லது "ஐயண்ணா" என்பவரே கையாண்டுள்ளார். நோர்வேயின் அனுசரனையுடனான யுத்தநிறுத்தம் கைச்சாத்திடப்பட்டிருந்த காலத்தில் கே.பிக்கு பதிலாக நியமிக்கப்பட்டிருந்தவரும் இவரேயாவார். இருப்பினும் யுத்த காலப் பகுதியில் கே.பிக்கு இப் பொறுப்பு மீண்டும் வழங்கப்பட்டது. யுத்த நிறுத்த கால கட்டத்தில் வன்னி சென்றுவந்த பொன்னையா ஆனந்தராஜா தற்போது எங்கிருக்கிறார் என்ற தகவல்கள் எதுவும் தெரியவில்லை. புலிகளின் 12 கப்பல்களை இதுவரை இலங்கை நிர்மூலமாக்கியுள்ளது, அத்தோடு இந்திய கடற்படையினர் மேலும் 1 கப்பலை நிர்மூலமாக்கியுள்ளனர். ஆனால் மிகுதிக் கப்பல்கள் சட்ட திட்டத்திற்கு அமைவாக பதிவுசெய்யப்பட்டு இன்னும் போக்குவரத்தில் இருப்பதாக பிறிதொரு தகவல் தெரிவிக்கிறது.

ஜப்பானியக் கடற்படையின் கப்பல்களை புலிகள் பயன்படுத்தினர்

ஜப்பானியக் கடற்படையின் கப்பல்களை புலிகள் பயன்படுத்தினர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக