அஞ்சா நெஞ்சன் மகிந்தா இலண்டன் சென்று வந்தார்

நிசாந்தன் · நிசாந்தன் Thu Dec 09, 2010 5:34 am

மஹிந்த ராஜபக்ஷவின் லண்டன் பயணம் படுதோல்வியில் முடிவடைந்துள்ளது என்றபோதிலும், விழுந்தும் மீசையில் மண்முட்டவில்லை என்பதுபோல இலங்கை வெளிவிவகார அமைச்சர் பேராசிரியர் ஜி.எல் பீரிஸ் நேற்றையதினம் நாடாளுமன்றில் உரையாற்றியுள்ளார். தனது பயணத்தை தடுக்கவும் கைது செய்வதற்கும் முயற்சிகள் மேற்கொள்ளப்படுவதாக தகவல் கிடைத்த நிலையில்கூட அவை எதற்கும் அஞ்சாது தைரியமாக ஜனாதிபதி மஹிந்த ராஜபக்ஷ பிரித்தானிய பயணத்தை மேற்கொண்டதாக அவர் தெரிவித்துள்ளார்.

பிரித்தானிய பயணத்தை ரத்துச் செய்யுமாறு சிலர் ஜனாதிபதியை கோரிய போதும், தான் தவறு எதுவும் செய்யவில்லை எனவும் பயங்கரவாதத்தின் பிடியில் இருந்து தாய் நாட்டை மீட்டது தவறு எனின் அதற்காக சிறை செல்லவும் தயார் என்றும் மன தைரியத்துடன் ஒக்ஸ்போர்ட் ஒண்றிய அழைப்பை அவர் ஏற்றதாக பீரிஸ் கூறினார். மேலும், நமது ஜனாதிபதி பயந்தாங்கொள்ளியல்ல. சவால்களுக்கு தைரியமாக முகம் கொடுப்பவர். அவர் ஒரு போதும் சவால்களில் இருந்து தப்பி ஓடுபவரல்ல. அதனாலே ஒக்ஸ்போர்ட் ஒன்றிய அழைப்பை ஏற்று பிரித்தானியாவுக்கு சென்றார் என்றுள்ளார் பீரிஸ்.

ஒக்ஸ்போர்ட் பல்கலைக்கழக உரையினூடாக சர்வதேச சமூகத்திற்கு கருத்துக் கூறுவதற்கு மஹிந்த விரும்பியிருந்ததாகவும், ஆனால், புலிகளின் ஆதரவாளர்களின் அழுத்தம் காரணமாக ஜனாதிபதியின் உரை ரத்துச் செய்யப்பட்டது என்றும் தெரிவித்த பீரிஸ், இது தொடர்பில் ஒக்ஸ்போர்ட் ஒன்றியம் விளக்கமளித்து கடிதமொன்றை அனுப்பியுள்ளதாகவும் கூறினார்.

அஞ்சா நெஞ்சன் மகிந்தா இலண்டன் சென்று வந்தார்

அஞ்சா நெஞ்சன் மகிந்தா இலண்டன் சென்று வந்தார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக