ஒளு இல்லாமல் பாங்கு சொல்லலாமா ? பாங்கு சொல்ல ஒளு அவசியமா?

Guest · Guest Mon Jan 31, 2011 10:13 pm

முஃமின்களே! நீங்கள் தொழுகைக்குத் தயாராகும்போது, (முன்னதாக) உங்கள் முகங்களையும், முழங்கைகள் வரை உங்கள் இரு கைகளையும், கழுவிக் கொள்ளுங்கள்; உங்களுடைய தலைகளை (ஈரக்கையால்) தடவி (மஸஹு செய்து) கொள்ளுங்கள்; உங்கள் கால்களை இரு கணுக்கால் வரை(க் கழுவிக் கொள்ளுங்கள்) - நீங்கள் பெருந்தொடக்குடையோராக (குளிக்கக் கடமைப் பட்டோராக) இருந்தால் குளித்து(த் தேகம் முழுவதையும் சுத்தம் செய்து)க் கொள்ளுங்கள்; தவிர நீங்கள் நோயாளிகளாகவோ, அல்லது பிரயாணத்திலோ இருந்தால், அல்லது உங்களில் எவரும் மல ஜலம் கழித்து வந்தாலும், அல்லது நீங்கள் பெண்களைத் தீண்டி (உடல் உறவு கொண்டி)ருந்தாலும் (உங்களைச் சுத்தப்படுத்திக் கொள்ள) உங்களுக்குத் தண்ணீர் கிடைக்காவிட்டால் (தயம்மும் செய்து கொள்ளுங்கள்; அதாவது) சுத்தமான மண்ணைக் (கையினால் தடவிக்) கொண்டு அவைகளால் உங்கள் முகங்களையும், உங்களுடைய கைகளையும் தடவிக் கொள்ளுங்கள்; அல்லாஹ் உங்களை வருத்தக் கூடிய எந்த சிரமத்தையும் கொடுக்க விரும்பவில்லை - ஆனால் அவன் உங்களைத் தூய்மைப் படுத்தவும்; இன்னும் நீங்கள் அவனுக்கு நன்றி செலுத்தும் பொருட்டு, தனது அருட்கொடையை உங்கள் மீது முழுமையாக்கவும் விரும்புகிறான்.

''தூய்மையின்றி எந்தத் தொழுகையும், மோசடி பொருட்களிலிருந்து (செய்யப்படும்) எந்தத் தர்மமும் (இறைவனால்) ஏற்கப்படாது'' என்று நபி (ஸல்) அவர்கள் கூறினார்கள். அறிவிப்பவர் இப்னு உமர் (ரலி) (நூல்கள் - முஸ்லிம், திர்மிதீ, அபூதாவூத், இப்னுமாஜா, அஹ்மத்)

தொழுகைக்குத் தயாராகும்போது உளூச் செய்திட வேண்டும், தூய்மையின்றி எந்தத் தொழுகையும் இறைவனால் ஏற்றுக்கொள்ளப்படுவதில்லை என்பதே இஸ்லாம் மார்க்கத்தின் வழிகாட்டல். ஆகவே, தொழுகைக்குத்தான் உளூ அவசியம்! பாங்கு சொல்வது தொழுகைக்கான அழைப்பே தவிர, தொழுகையின் பகுதியில்லை!

''உளூச் செய்தவரைத் தவிர மற்றவர் பாங்கு சொல்லக்கூடாது'' என்று நபி (ஸல்) அவர்கள் கூறினார்கள். அறிவிப்பவர் அபூ ஹுரைரா (ரலி) (நூல் - திர்மிதீ 200, 201)

மேல்கண்ட திர்மிதீ நூலின் இரு அறிவிப்புகளிலும் இடம்பெறும் ஸுஹ்ரி என்பார் அபூ ஹுரைரா (ரலி) அவர்களிடமிருந்து எதையும் செவியுற்றதில்லை. என விமர்சிக்கப்பட்டுள்ளார். மேலும், ஸுஹ்ரியிடமிருந்து அறிவிக்கும் முஆவியா பின் யஹ்யா என்பாரும் பலவீனமானவர் என்பதால் இது நம்பகமான அறிவிப்பு இல்லை!

எனவே, பாங்கு சொல்வதற்கு உளூ அவசியம் என்று ஆதாரப்பூர்வமான அறிவிப்புகள் இருப்பதாக நாமறியவில்லை!

(அல்லாஹ் மிக அறிந்தவன்)

ஒளு இல்லாமல் பாங்கு சொல்லலாமா ? பாங்கு சொல்ல ஒளு அவசியமா?

ஒளு இல்லாமல் பாங்கு சொல்லலாமா ? பாங்கு சொல்ல ஒளு அவசியமா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக