ஜோதிகா தே… பய சொல்லலாமா?

**ayyasamy ram** · **ayyasamy ram** Wed Dec 06, 2017 8:42 pm

பாலாவின் நாச்சியார் பட டீஸர்தான் கோலிவுட்டில்
லேட்டஸ்ட் பரபரப்பு.

30 லட்சம் ஹிட்ஸைத்தாண்டி அது வைரலானதற்கு ஒரே
காரணம்.. ஜோதிகா பேசும் கெட்ட வார்த்தை. போலீஸ்
அதிகாரி கெட்டப்பில் இருக்கும் ஜோதிகா..
தே… பயலுக என்று சொல்வது அனைவரையும் அதிர
வைத்திருக்கிறது.

தன்னுடைய படம் பேசப்பட வேண்டும் என்பதற்காக
டீசரில் இப்படி ஏதாவது குண்டக்க மண்டக்க செய்வது
பாலாவுக்கு புதுசில்லை. படத்தில் நடிக்கும் நடிகர்
நடிகைகளை பாலா பிரம்பால் அடிப்பதுபோல் பரதேசி
படத்தின் டீசரை வெளியிட்டார்.

அதனால் பரதேசி படத்துக்கு யாதொரு நன்மையும்
ஏற்படவில்லை.

இப்போது அவர் இயக்கி வரும் நாச்சியார் படத்தைப் பேச
வைக்க அதே பாணியில் பரபரப்பை உண்டாக்குவதற்காக
இப்படி ஒரு டீசரை கட் பண்ணி இருக்கிறார் பாலா.

இதனால் ஜோதிகா மட்டுமல்ல, சிவகுமார் குடும்பமே
சமூக வலைதளங்களில் செமத்தியாய் வாங்கிக் கட்டிக்
கொண்டிருக்கிறது.

மாமனார் ஒரு பக்கம் கம்பராமாயணம் பற்றி சொற்
பொழிவு நடத்திக் கொண்டிருக்கிறார். மருமகளோ
கொஞ்சம் கூட கூச்சமில்லாமல் கெட்ட வார்த்தை பேசி
நடித்திருக்கிறார் என்ற ரீதியில் கழுவி ஊற்றிக்
கொண்டிருக்கிறார்கள்.

இந்த எதிர்மறையான ரெஸ்பான்ஸ் நாச்சியார் படத்துக்கு
பாதகமாக அமைய வாய்ப்பிருக்கிறது.

அது சரி… நாச்சியார் படத்தில் இந்த வசனம் இடம்
பெறுகிறதா? சும்மா டீசருக்காக பண்ணப்பட்ட டக்காலட்டி
வேலையா?

பள்ளி மாணவியைக் கடத்திச் சென்று பாலியல் கொடுமை
செய்து கொலை செய்த கும்பலை கண்டுபிடித்து அவர்களை
ஜோதிகா சுளுக்கெடுக்கும் காட்சி நாச்சியார் படத்தில்
இடம்பெற்றிருக்கிறதாம் அந்தக் காட்சியில்தான்
இப்படியொரு வசனம்.

யூடியூபுக்கு சென்சார் கிடையாது என்பதால் இப்படி ஆபாச
வசனத்துடன் டீசர் வெளியிடுவதுதான் கோலிவுட்டில்
இப்போதைய டிரெண்ட்.

தரமணி படத்தில் சென்சார் கட் பண்ணிய வசனங்களை
வைத்தே ஒரு டீசரை வெளியிட்டார் டைரக்டர் ராம்.
அதே பாணியில் இப்போது நாச்சியார் டீசர்.
–
——————————

– ஜெ.பிஸ்மி
குமுதம்

ஜோதிகா தே… பய சொல்லலாமா?

ஜோதிகா தே… பய சொல்லலாமா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக