குளியல் சோப் பற்றிய குறிப்புகள்

அழகு சாதனப் பட்டியலில் முதலிடம் பெறுவது சோப். இது இல்லாத அழகு சிகிச்சை முழுமையடைவதில்லை. இப்போது சருமத்தில் பல் வேறு பிரச்சினைகளைக்; குணப்படுத்த உதாரணத்திற்கு பருக்களை விரட்ட, எண்ணெய் பசையைக் கட்டப்படுத்த, வறட்சியைப் போக்க, சிகப்பழகு தர என எல்லாவற்றுக்கும் விதம் விதமான சோப்புகள் வந்துவிட்டன. சோப் வாங்கும் போதும், உபயோகிக்கும் போதும் கவனத்தில் கொள்ள வேண்டிய சில தகவல்கள்...

வாங்கும்போது....

உங்கள் சருமத்தின் தன்மையைத் தெரிந்து கொள்ளுங்கள்.அதற்கேற்ப சோப்பைத் தேர்ந்தெடுங்கள். உதாரணத்திற்கு எண்ணெய் பசையான மற்றும் பருக்கள் உள்ள சருமத்திற்கு கிளிசரின்,தேங்காய் எண்ணெய் கலந்த சோப்புகள் கூடாது. மூலிகை சோப்புகள் பலனளிக்கும்.

வாசனை மற்றும் நிறத்தைப் பார்த்து எந்த சோப்பையும் தேர்ந்தெடுக்காதீர்கள். சோப்பில் சேர்க்கப்படும் அதிகப்படியான கொழுப்பின் வாசத்தைப் போக்கவே வாசனை அதிகம் சேர்க்கப்படும். அதே மாதிரி கேடு விளைவிக்கும் மற்ற இரசாயனப் பொருட்களின் நிறத்தை மறைக்க பளிச் கலர்களில் சில சோப்புகள் தயாரிக்கப்படும்.

மிதமான வாசனையுள்ள சோப்பே சருமத்திற்கு நல்லது.

குளிர்காலத்தில் மாயிச்சரைசர் அதிகமுள்ள சோப்புகளையும், வெயில் காலத்தில் எலுமிச்சை கலந்த சோப்புகளையும் உபயோகிப்பது புத்துணர்வு தரும்.

உபயோகிக்கும்போது....

அடிக்கடி சோப்பை மாற்ற வேண்டாம். புதுப்புது சோப்புகள் சரும அலர்ஜியை ஏற்படுத்தலாம்.

கிளிசரின் கலந்த சோப்புகள் சரும வறட்சியைப் போக்கும். பக்க விளைவுகளை ஏற்படுத்தாது. சருமப் பிரச்சினைகள் உள்ளவர்களு க்கும் பாதுகாப்பானது.

சருமத்தின் பிசுபிசுப்பையும், அழுக்கையும் நீக்கு வதைத் தவிர சோப் வேறெதற்கும் பயன்படுவதில்லை. எனவே விலை உயர்ந்த சோப்புக்கு அதிக முக்கியத்துவம் தராதீர்கள்.

தினசரி இரண்டு முறை சோப் போட்டுக் கழுவினால் போதும். அடிக்கடி சோப் உபயோகிப்பது சருமத்தை வறண்டு போகச் செய்துவிடும்.

சோப் போட்டு முகம் கழுவியதும், சருமம் வறண்டிருப்பதாகத் தெரி ந்தால் மாயிச்சரைசர் தடவிக் கொள்ளவும். அல்லது மாயிச்சரைசர் கலந்த சோப் உபயோகிக்கவும்.

கிளிசரின் மற்றும் எண்ணெய் கலந்த சோப்புகளை உடனுக்குடன் உபயோகித்துவிட வேண்டும். நீண்ட நாட்கள் வைத்திருந்தால் அவற்றின் தரம் மாறிவிடும்.

சிலருக்கு சோப் ஒத்துக்கொள்ளாது. அவர்கள் லிக்விட் சோப் உபயோகிக்கலாம். எவ்வளவு தண்ணீர் விட்டுக் கழுவினாலும் லிக்விட் சோப் உபயோகித்த பிறகு சருமத்தில் ஒருவித வழவழப்பு இருக்கும்.

சோப்பை நுரை வரும்படித் தேய்த்துக் குளிக்க வேண்டும். நகங்க ளால் சருமத்தை சுரண்டித் தேய்க்கக் கூடாது.

சோப் ஒத்துக்கொள்ளாதவர்கள் கடலை மாவு அல்லது பயத்தம் மாவுடன் பாலாடை, மஞ்சள், சந்தனம் கலந்து உபயோகிக்கலாம். சரும அழகையும், நிறத்தையும் அதிகரிக்கும் இது. அதே மாதிரி மூலிகைகள் கலந்த குளியல் பொடியையும் உபயோகிக்கலாம்.

நீங்க ஏன் கைதட்டனும், இந்த பதிவு குளிக்கிறவங்களுக்கு மட்டும்தான் விஜய்..

நாங்களும் ஒருநாள் குளிப்போம், சோப்பும் போடுவோம்

ஆமால்ல,பொங்கலுக்கு குளிக்கிறதை மறந்துட்டேன்.

அதுக்கு முன்னாடி தீபாவளி வருதுல்ல ....

ஆமா, மறந்துட்டேன்..

எல்லாமே நானே சொல்லணும்!!! அய்ஹோ... அய்ஹோ.....