கோடம்பாக்கத்தை உலுக்கும் நடிகர்-நடிகைகளின் குடும்ப சண்டை

Guest · Guest Fri 3 Dec 2010 - 1:59

தியாகராஜபாகவதர் பி.யு.சின்னப்பா காலத்து சினிமா அமைதியாக இருந்தது. லட்சுமி காந்தன் கொலை வழக்கு சம்பவம் தவிர நடிகர், நடிகைகள் மகிழ்ச் சியாகவே வாழ்ந்தனர். எம்.ஜி.ஆர்., சிவாஜி

கோடம்பாக்கத்தை உலுக்கும் நடிகர்-நடிகைகளின் குடும்ப சண்டை Vadivelu1

காலத்திலும் அது தொடர்ந்தது. அப்போதைய முன்னணி கதாநாயகிகள் கே.ஆர். விஜயா, வைஜெயந்தி மாலா, பத்மினி, சரோஜாதேவி, சுஜாதா என பலர் திருமணம் செய்து சந்தோஷமாக குடும்பம் நடத்தினர்.விவாகரத்து சிந்தனைகளே எழவில்லை. அந்த நடிகைகள் சிலரின் மகன், மகள்கள், டாக்டர், என்ஜினீயர், என உயர் அந்தஸ்தில் இன்று இருக்கிறார்கள். அதன் பிறகு நிலைமை தலைகீழானது. தற்கொலைகள் விவாகரத்துகள், குடும்ப சண்டைகள் என பல பிரச்சினைகள் கோடம் பாக்கத்தை பிடித்து ஆட்டுகிறது. படாபட் ஜெயலட்சுமி, ஷோபா, சில்க்ஸ் ஸ்மிதா, விஜியின் சாவுகளை திரையுலகம் மறக்கவில்லை. படாபட் ஜெயலட்சுமி “அவள் ஒரு தொடர் கதை”க்கு பின் பிரபலமானார். “ஆறிலிருந்து அறுபது வரை” படத்தில் ரஜினியுடன் ஜோடியானார்.

கோடம்பாக்கத்தை உலுக்கும் நடிகர்-நடிகைகளின் குடும்ப சண்டை Vivek

காதல் தோல்வி அவரை காவு வாங்கியது. “முள்ளும் மலரும்” படத்தில் ரசிகர்களால் கொண்டாடப்பட்டவர் ஷோபா. அவரும் காதல் தோல்வியாலேயே இறந் தார். பிரதியூஷா, மோனல், போன்ற சமீப கால நடிகை கள் தற்கொலைகளும் இப்படியே நடந்தன. குடும்ப சண்டைகளால் விவாகரத்துகளும் பெருகியுள்ளது. ரஜினி, கமலுடன் ஜோடியாக வந்த அம்பிகா கணவனை பிரிந்தார். நடிகர் ராமராஜனை காதலித்து மணந்த நளினி விவாகரத்து பெற்று விலகினார். இயக்குனர் பார்த்திபனை மணந்த சீதாவும் அவரை விட்டு விலகினார். விந்தியா, கவுதமி, சுகன்யா, காவ்யா மாதவன் என பட்டியல் நீள்கிறது. இவர்களிடம் பேசினால் கணவர்கள் பற்றி அடுக்கடுக்கான குறை பட்டியலை வாசிக்கிறார்கள்.

கோடம்பாக்கத்தை உலுக்கும் நடிகர்-நடிகைகளின் குடும்ப சண்டை Actor_vadivelu_singamuththu

இவர்களில் பலர் கணவர் குடும்பத்தாரால் சித்ரவதைகளும் அனுபவித்துள்ளனர். சக நடிகர், நடிகைகளுடன் நடக்கும் சண்டைகளும் இப்போது வீதிக்கு வந்துள்ளது. சீதாவும் பக்கத்து வீட்டில் வசிக்கும் மாயாவும் மோதிக் கொண்டு போலீஸ் நிலையம் வரை சென்றுள்ளனர் வடிவேலு, சிங்க முத்து தகராறும் பற்றி எறிந்தது. இப்போது உச்சகட்டமாக விஜயகுமார், வனிதா இடையே தந்தை மகள் சண்டை என பரிணாமம் பெற்றுள்ளது. வனிதா “மாணிக்கம்” படத்தில் ராஜ்கிரனுடன் ஜோடி சேர்ந்து பிரபலமானார். பிறகு டெலிவிஷன் நடிகர் ஆகாஷை மணந்து தனிக் குடித்தனம் போனார்.சிலவருடங்களிலேயே விவாகரத்து பெற்று பிரிந்தனர். இப்போது ஆனந்தராஜ் என்பவரை இரண்டாவது திருமணம் செய்துள்ளார். வனிதாவுடனான உறவு முடிந்து விட்டது. அவர் என் மகள் இல்லை என்று ஆவேசப்படுகிறார் விஜயகுமார். வனிதாவோ விஜயகுமாரை தண்டிக்காமல் விட மாட்டேன் அவரைப் பற்றிய ரகசியங்களை வெளியிடுவேன் என வரிந்து கட்டுகிறார். கூட்டு குடும்ப சிதைவும் மேலை நாகரீக தாக்கமுமே இவற்றுக்கு காரணம் என்கின்றனர். கதாநாயகிகள் ஒன்றரை கோடி சம்பளம் பெறுவது அவர்களை தனித்து வாழவும் சொந்தமாக முடிவு எடுக்கவும் தூண்டுகிறது.பெரும் பணம் சேர்வதால் சொந்த பந்தங்களை ஒதுக்குகின்றனர். வாழ்க்கை துணையை அவசரப்பட்டு தேர்வு செய்கின்றனர். அதை விட அவசரமாகவே முறித்தும் கொள்கின்றனர்.ஆனால் ஆடைகளை அவிழ்த்து போட்டு கவர்ச்சி ஆட்டம் போட்ட நடிகைகளின் இல்லற வாழ்க்கை ஆச்சரியப்படுத்தும்படி சந்தோஷமாக நடக்கிறது. டிஸ்கோ சாந்தி தெலுங்கு நடிகர் ஸ்ரீஹரியை மணந்து மகிழ்ச்சியோடு குடும்பம் நடத்துகிறார். ஜெயமாலினி குடும்பமும் நன்றாக உள்ளது. அணுராதா நடன நடிகர் சதீஷை காதலித்து திருமணம் செய்தார். ஒரு கட்டத்தில் சதீஷ் பைக் விபத்தில் முதுகெலும்பு பாதித்து படுத்த படுக்கையானார். பத்து வருடங்கள் அவருக்கு பணி விடைகள் செய்தைதயும் கோவில் குளமாக கணவர் உடல் நலம் தேற பிரார்த்தனை செய்து அலைந்ததையும் கோடம்பாக்கத்தினர் பெருமையாக பேசுகின்றனர்.

thanks: http://ulavan.net/?p=5733

கலைவேந்தன் · கலைவேந்தன் Fri 3 Dec 2010 - 12:10

அவர்களும் மனிதர்கள் தானே... ஆசா பாசம் கோபதாபம் சண்டை வழக்கு என்பது அவர்களுக்கும் இருக்கத்தானே செய்யும்...? இத்தனை அங்கலாய்ப்பு ஏன்...? அவர்கள் பிரபலம் என்பதால் தானே...? புகழுக்கு அவர்கள் தரும் பலிப்படையல் இது..!

**சிவா** · **சிவா** Fri 3 Dec 2010 - 12:24

கலை wrote:அவர்களும் மனிதர்கள் தானே... ஆசா பாசம் கோபதாபம் சண்டை வழக்கு என்பது அவர்களுக்கும் இருக்கத்தானே செய்யும்...? இத்தனை அங்கலாய்ப்பு ஏன்...? அவர்கள் பிரபலம் என்பதால் தானே...? புகழுக்கு அவர்கள் தரும் பலிப்படையல் இது..!

மிகவும் சரியான கூற்று! கோடம்பாக்கத்தை உலுக்கும் நடிகர்-நடிகைகளின் குடும்ப சண்டை 678642