போக்குவரத்து விதி மீறுவோருக்கு வீடு தேடி வருகிறது "சம்மன்'

**krishnaamma** · **krishnaamma** Thu Dec 02, 2010 3:24 pm

கோவை:போக்குவரத்து விதி மீறலில் சிக்குவோர் வீடு தேடி சம்மன் அனுப்பும் திட்டத்தை, ஏ.டி.ஜி.பி., இன்று கோவையில் துவக்குகிறார்.கோவையில் போக்குவரத்து விதிமீறலை கட்டுப்படுத்த, திருச்சி ரோடு, அவிநாசி ரோடு, சத்தி ரோடு, மேட்டுப் பாளையம் ரோடு, பொள்ளாச்சி, பாலக்காடு ரோடுகளில் நவீன சிக்னல்கள் அமைக்கப்பட்டுள்ளன.

இவற்றுடன் ஏரியல் கன்ட்ரோல் சிஸ்டத்துக்காக 42 சிக்னல்களில் கண்காணிப்பு காமிராக்கள் பொருத்தப்பட்டுள்ளன.போக்குவரத்து விதிமீறி செல்லும் வாகனங்களின் பதிவு எண் மற்றும் வாகன ஓட்டிகளின் முகமும் பதிவு செய்யும் வகையில் இக்காமிராக்கள் அமைக்கப்பட்டுள்ளன. காமிரா காட்சிகள் அனைத்தும் மாநகர போலீஸ் கமிஷனர் அலுவலக கட்டுப்பாட்டு அறையில் கண்காணிக்கப்படுகின்றன.

குறிப்பிட்ட இடங்களில் ஏற்படும் விபத்து, வழிப்பறி மற்றும் அசம்பாவித சம்பவங்கள் நடந்தால் உடனடி நடவடிக்கைக்காக கட்டுப்பாட்டு அறையில் இருந்து அப்பகுதி போலீசாருக்கு உத்தரவிட இது உதவும். போக்குவரத்து விதி மீறுவோர் தப்பிச் சென்றாலும், கண்காணிப்பு காமிராவில் பதிவாகும் வாகனத்தின் பதிவு எண்ணை வட்டார போக்குவரத்து அலுவலகத்துக்கு அனுப்பி, வாகன உரிமையாளர், அவரது முகவரி பெறப்படும்.

இதன்பின், விதி மீறல் வழக்கில் ஆஜராகும்படி சம்பந்தப்பட்டவரின் வீட்டுக்கு சம்மன் அனுப்பப்படும்.இப்புதிய முறை 1.6 கோடி ரூபாய் மதிப்பில் கோவையில் இன்று துவக்கி வைக்கப்படுகிறது. தமிழக சட்டம்- ஒழுங்கு கூடுதல் டி.ஜி.பி., ராதாகிருஷ்ணன் இத்திட்டத்தை துவக்கி வைக்கிறார்.