இதயச் செயலிழப்பு: இனி கவலை வேண்டாம்

தாமு · தாமு Mon 29 Nov 2010 - 17:17

இதயத் தசையின் செயல்திறன் சிறிது சிறிதாக குறைந்து கொண்டே வரும் நிலைதான் இதயச் செயலிழப்பு அல்லது "ஹார்ட் ஃபெய்லியர்' எனக் கூறப்படுகிறது. இந்த வார்த்தை சற்று பயமுறுத்துவதாகவும், சிலர் இதயத் துடிப்பே நின்று விட்டதாகவும் தவறாகக் கருதுவர். நம் உடலுக்குத் தேவையான ஆக்ஸிஜன் நிறைந்த ரத்தத்தை முழுவதுமாக இதயத்தால் பம்ப் செய்ய முடியாத நிலைதான் இதயச் செயலிழப்பு எனக் கூறப்படுகிறது.

பலவீனமான இதயச் சுருக்கம், மையோகார்டியம் எனும் இதயச்சவ்வு பாதிக்கப்பட்டு, இதயத்திலுள்ள வென்ட்ரிக்கிள் என்ற அறைகளில் அதன் சக்தியைவிட அதிக கொள்ளளவு உள்ள ரத்தம் தேக்கி வைப்பதால் இதயத்தின் அளவு விரிவடைகிறது.

இதய வடிவ மாற்றம்: இதயத்தின் செயல்திறன் எப்போதெல்லாம் பலவீனப்படுகிறதோ அப்போதெல்லாம் இதயத் தசைகள் அந்த செயல்திறனை சமன்படுத்த சற்று கூடுதலாக செயல்பட வேண்டியுள்ளது. இதனால் இதயத் தசைகள் கடினப்பட்டு விடுகிறது.

கடினப்பட்ட தசைச் செல்களுடன் போட்டியிட முடியாத மென்மையான இதயச்சவ்வு (சுவர்) பாதிக்கப்பட்டு ரத்தம் கசியத் தொடங்குகிறது. இதனால் இதயத்தின் வடிவத்தில் மாற்றம் ஏற்படுகிறது.

இதயச் செயலிழப்பின் அறிகுறிகள்: ஆரம்ப காலத்தில் குறிப்பிடும்படியான அறிகுறிகள் இல்லாவிட்டாலும், நாளடைவில் ஒன்றன்பின் ஒன்றாக பல அறிகுறிகள் காணப்படும். இதை 2 வகைகளாகப் பிரிக்கலாம். 1. ஊர்ழ்ஜ்ஹழ்க் ஊஹண்ப்ன்ழ்ங், 2. ஆஹஸ்ரீந்ஜ்ஹழ்க் ஊஹண்ப்ன்ழ்ங்.

Forward Failure: இதயத்திலிருந்து குறைந்த அளவிலான ரத்த வெளியேற்றம், மற்ற திசுக்களுக்குத் தேவையான ரத்தத்தை முழு அளவில் பம்ப் செய்ய இதயத்தால் முடியாதபோது உடல் பலமிழந்து மிகவும் சோர்ந்து காணப்படுவர்.

Ba ckward Failure-ன் அறிகுறிகள்: தசைகளுக்கிடைய நிணநீர் மற்றும் ரத்த ஓட்டத்தின் தடை ஏற்படுவதால் மூச்சுத் திணறல், இருமல், கை கால், வயிறு வீக்கம் காணப்படும். உடல் எடையும் கூடுகிறது.

Heart Failure-ஐ நான்கு நிலைகளாகப் பிரிக்கலாம். முதல் நிலையில் அறிகுறிகள் சரியாகத் தெரிவதில்லை. நாளடைவில் தீவிரமான அறிகுறிகள் தென்படும். பாதிக்கப்பட்ட நோயாளிக்கு மூச்சுத் திணறல், பலமின்மை, படுத்தால் மூச்சுவிட முடியாமல் தலையணை உதவியுடன் உயர்த்தி படுத்துத் தூங்குதல், மனதில் பயமும் கலவரமும் தோன்றி இயல்பு வாழ்க்கை வாழ முடியாமல் படுத்த படுக்கையாக இருக்க ஆரம்பித்து விடுவர். உட்கார்ந்தால் மட்டுமே தூங்க முடியும். சில சமயம் சளியுடன் ரத்தமும் கலந்து வரும்.

இதயச் செயலிழப்புக்கான முக்கியக் காரணங்கள்: 1. இதய கரோனரி ரத்தக் குழாய் சுருங்குதல்; 2. ஏற்கனவே ஒரு முறை மாரடைப்பு வந்து பாதிக்கப்பட்டோர்; 3. உயர் ரத்த அழுத்த நோய் உள்ளவர்கள்; 4. இதய வால்வுகளில் ஏற்படும் பாதிப்பு; 5. பிறவி இதயக் கோளாறு; 6. இதயத்திலுள்ள மையோகார்டியம் என்ற சவ்வு பாதிக்கப்படுதல்; 7. இதய வால்வுகளில் ஏற்படும் கோளாறு; 8. மயோகார்டியத்தில் ஏற்படும் நோய், 9. சர்க்கரை நோய். இந்த நோய்களுக்கு TS3 EECP, SPHYGMOCAR போன்ற நவீன முறைகளில் அறுவைச் சிகிச்சையின்றி சென்னை ஆக்ஸிமெட் மருத்துவமனையில் சிகிச்சை அளிக்கப்படுகிறது.

நன்றி தினமணி!