சோனியா-செல்வா பிரியும் பின்னணி!

செல்வராகவன்-ஆண்ட்ரியா நெருக்கம் தீவிரமானதையடுத்து பொறுமையிழந்த சோனியா விவாகரத்துக்கு விருப்பப்பட... செல்வராகவனும் அதற்கு ஒப்புக் கொண்டதையடுத்து இருவரும் விவாகரத்து கேட்டு நீதிமன்றம் போயிருக்கிறார்கள்!

"காதல் கொண்டேன்' படத்தில் நடித்தபோதெல்லாம் ஒரு டைரக்டருக்கும், ஒரு நடிகைக்கும் என்ன தொடர்பு இருக்குமோ அதுதான் இருந்தது செல்வா-சோனியா நடுவே! "ரெயின்போ காலனி' படப்பிடிப்பிற்காக ஐதராபாத் போயிருந்தபோது செல்வாவுக்கு திடீரென உடல் நலமில்லாமல் போன போது... அடுத்தவர்களைப் பற்றியெல்லாம் கவலைப்படாமல் செல்வாவின் அறையில் ஒன்றாக தங்கி அவரை கவனித்துக் கொண்டார் சோனியா! அதிலிருந்துதான் இருவரிடமும் காதல் தீ பற்றியது!


சோனியா வெறித்தனமாகவே காதலித்து வந்தார்! சின்னச் சின்ன சண்டை வந்தால் கூட பிளேடால் கைகளை கீறிக்கொண்டு ரகளை பண்ணி விடுவார். அவரை சமாதானப்படுத்துவதற்குள் செல்வா திணறித்தான் போவார்!

இப்படி காதல் முற்றிய நிலையில் இருவரும் தாலி கட்டாமலேயே தனிக் குடித்தனம் நடத்தி வந்தார்கள்! இந்த காதலுக்கு எதிர்ப்பு தெரிவித்து வந்த செல்வாவின் அப்பா டைரக்டர் கஸ்தூரி ராஜா ஒரு கட்டத்தில் "சிவப்பு விளக்கு பகுதி பெண்ணை அழைத்து வந்து இவள்தான் என் மனைவி என என் மகன் சொன்னால் அவளை மருமகளாக ஏற்றுக் கொள்ளத் தயார்!' என வேண்டா வெறுப்பாகச் சொன்னார்!

அதன் பிறகு மனம் மாறி... சண்டிகாருக்கு சென்று முறைப்படி சோனியா குடும்பத்தாரிடம் பேசி சிறப்பாக நடத்தி வைத்தார் திருமணத்தை!

பல ஆண்டுகளாக தீவிரமாக காதலித்து வந்தவர்கள் திருமணமாகி ஓரிரு ஆண்டுகளிலேயே உறவை அறுத்துக் கொண்டு நிற்கிறார்களே....

ஏன்?

திருமணத்திற்குப் பிறகு நடிப்பை மூட்டை கட்டிவிட்டு செல்வாவே கதி என இருந்தார் சோனியா! ஆனால் செல்வாவோ சோனியாவுக்கு முடிந்த அளவாவது விசுவாசமாக இருக்க தவறி விட்டார்!

ஸாங் கம்போஸிங் என்ற பெயரில் அடிக்கடி அந்த இளம் இசையமைப்பாளரை கூட்டிக் கொண்டு பூலோக சொர்க்கம் எனப்படும் பாங்காக்கிற்கு போய்விடுவார் செல்வா! ஆசை தீர ஆடித் தீர்த்துவிட்டு வருவார்கள்!

"இசை யமைப்பாளரை கெடுத்ததே செல்வாதான்' என இசையின் குடும்பத் தினர் சோனியாவின் காதுபடவே பேசினார் கள்! இசையின் மனைவி பிரிந்ததற்குக் கூட பாங்காக் சங்கதிதான் காரணமாம்!

இது ஒருபுறமிருக்க.... இலங்கையில் "ஆயிரத்தில் ஒருவன்' கதை டிஸ்கஷன் என ரூம் போட்டு உட்கார்ந்த செல்வா அங்கிருந்து ஷெரீனுக்கு போன் போட்டு 'உடனே கிளம்பி வா!' என குடைச்சல் கொடுக்க பதிலுக்கு ஷெரீன் மானங்கெட திட்டி தீர்த்தார்!

இந்த விவகாரம் சோனியாவை கடுப்பாக்கியது!

"ஆயிரத்தில் ஒருவன்' படப்பிடிப்பு கேரள வனப்பகுதியில் நடந்த போது ரீமாசென்னுக்கு தினமும் தொல்லை கொடுத்தார் செல்வா! ரீமா இதை தட்டிக் கேட்க... உடனே ‘"உனக்கு நடிக்கத் தெரியல..' என யூனிட் ஆட்கள் முன் ரீமாவை அவமானப்படுத்த ஆரம்பித்தார். சோனியாவுக்கு போன் போட்டு அழுதார் ரீமா!

உடனே சென்னையிலிருந்து கிளம்பிப் போன சோனியா வருத்தம் தெரிவித்தார் ரீமாவிடம்! அத்துடன் கணவரையும் கண்டித்து விட்டு வந்தார்!

"ஆயிரத்தில் ஒருவன்' அடுத்த கட்ட படப்பிடிப்பிற்காக ராஜஸ்தான் போயிருந்தபோது அந்தப் படத்தின் இன் னொரு நாயகியான ஆண்ட்ரியாவுடன் செல்வாவுக்கு நெருக்கம் ஏற்பட்டது! இதையறிந்த சோனியா ராஜஸ் தானுக்கே கிளம்பிப் போய் செல்வா- ஆண்ட்ரியாவை கையும் களவுமாக பிடித்துவிட்டார்! கணவருடன் சண்டை போட்டதோடு, ஆண்ட்ரியா கன்னத்தில் ஒரு பளார் விட்டுவிட்டு வந்தார்! வழக்கம்போல தான் எடுத்த இந்த அதிரடி நடவடிக்கையால் கணவர் வழிக்கு வந்துவிடுவார் என நம்பியிருந்தார் சோனியா! ஆனால் ஆண்ட்ரியா சக்களத்தியாக வந்துவிட்டார் சோனியா வாழ்க்கையில்!

சென்னை ராஜா அண்ணாமலைபுரம் பகுதியில் ஒரு காஸ்ட்லியான அபார்ட்மெண்ட்டை வாடகைக்கு எடுத்து ஆண்ட்ரியாவோடு சந்திப்புகளை நடத்தி வந்தார் செல்வா! இதில் நொந்து நூலாகிப் போனார் சோனியா! அதன் பிறகுதான் சீரியலில் நடிக்க வந்தார். இதற்கு செல்வா எதிர்ப்பு தெரி விக்க.... சோனியா அதை பொருட்படுத்தவில்லை! பிரிந்து விடுவது என்கிற முடிவோடுதான் கணவரின் பேச்சை மீறினார். இருவருக்கும் இடையே குழந்தை பெற்றுக்கொள்வதிலும் "வேண்டும், வேண்டாம்' என தகராறு இருந்திருக்கிறது. செல்வா வீட்டுக்கு அடங்காத பிள்ளையாக இருப்பதால் இந்த விஷயத்தில் செல்வா குடும்பத்தினர் தலையிடவில்லை! சின்னச் சின்ன கீறல்களை சரி செய்ய யாரும் அக்கறை காட்டாததால் இப்போது சரி செய்ய முடியாத விரிசல் ஏற்பட்டுவிட்டது!

"திருட்டு மாங்காய் பிரியர்களுக்கு அந்த மாமரம் சொந்தமானால் சலிப்பு தட்டி விடும்' இப்போது செல்வாவுக்கு இனிக்கும் ஆண்ட்ரியாகூட நாளை சொந்தமாகி விட்டால் சலிப்புதான் என்பதை ஆண்ட்ரியாக்களும், நயன்தாராக்களும்கூட உணரவேண்டும்!'' என்று விவரித்தார்கள் விஷயமறிந்தவர்கள்!


பரஸ்பர விருப்பத்தின் பேரில் இருவரும் பிரிவது போலவே.... விவாகரத்துக்கான காரணத்தையும் மீடியாவிடம் பேசுவதில்லை என முடிவு செய்திருக்கிறார்களாம் இருவரும். ம்.... அவரவர் ஸ்தா னத்தில் இருந்து பார்த்தால்தானே தெரியும் அவரவர் கஷ்டம்!