நான் உந்தன் பாவையடா...

srinihasan · srinihasan Mon Nov 29, 2010 10:25 pm

நானிருப்பதோ காற்றும் ஒலியும்
புகாத கண்ணாடி கூண்டு...
அப்படியே இல்லாமல் போனாலும்
என்னருகில் நீயில்லாமல் போனால்
எந்தன் வாழ்வோ உயிரில்லாமல் - இதுபோல்
வாழும் வெறும் கூடுதான்....

சுவாசம் இல்லாமல் நான்
உயிர்வாழ்கிறேன் அதிசயமாய் என்றால்
காரணம்? நீதான் எனச்சொல்வேன்.
நான் ஆடிவீசும் காற்றில்
மலர்ந்த மலர்களின் வாசமும்
நான் அழைக்கும் கீதமும்
மெல்ல உன்னை வந்தடையும்
அதன்வழியே இந்தமங்கையின் மனதும்
உனைச்சேரும் நீயும் என்னை - காலத்தோடு
வந்தடைவாய் என்ற நம்பிக்கையில்தான்...

ஒற்றைக்காலில் தவம்செய்து இறைவனிடம்
வேண்டிய வரமடையும் முனிவன்போல்
எனைச்சேரும் வரைஉனக்காக நானும் - காத்திருப்பேன்
அனுதினம் ஓயாமல் உன்நினைவில்.

மையத்தில் கால்பதித்து சுழலும்
விசைக்கொடுத்த பொம்மையல்ல நான்
மையல்கொண்ட என்மனமறிந்து வருவாயென்ற - மெய்யான
உணர்வோடு சுற்றிக்கொண்டு நில்லாமல்...

ஒற்றைகையில் எந்தன் உடலின் மானம்
காக்கும் ஆடையை ஏந்திக்கொண்டு
மற்றொருகையோ? உயிர் கொடுக்க என்னுயிரை - ஏந்திவரும்
உன்னை ஏந்திட துடித்துக்கொண்டு...

வெண்ணிலவின் ஒளியில் மிளிரும் பாவையாக
வெண்ணிலவாக உனக்கு ஒளிரும் பாவையாக
வெண்ணிற ஆடைப்பூண்டு மயக்கும் பாவை - இன்றுநான்
வெண்ணிற மின்னொளியில் இயங்கிக்கொண்டு..

கல்லுக்குள் தேரையை படைத்து காப்பவன்
என்மனதுக்குள் இருக்கும் உன்னையும் படைத்திருப்பான்
உன்கண்ணுக்குள் இருக்கும் என்னை காப்பதற்கு - உனைநோக்கி
சொல்லுக்குள் உயிரைவைத்தும் காத்துக்கொண்டு.

வினுப்ரியா · வினுப்ரியா Mon Nov 29, 2010 10:31 pm

வெண்ணிலவின் ஒளியில் மிளிரும் பாவையாக
வெண்ணிலவாக உனக்கு ஒளிரும் பாவையாக
வெண்ணிற ஆடைப்பூண்டு மயக்கும் பாவை - இன்றுநான்
வெண்ணிற மின்னொளியில் இயங்கிக்கொண்டு..

மிகவும் அழகான ,ரசனையான வரிகள்!

அன்பு தளபதி · அன்பு தளபதி Mon Nov 29, 2010 10:33 pm

srinihasan · srinihasan Mon Nov 29, 2010 10:41 pm

வினுப்ரியா wrote:

மிகவும் அழகான ,ரசனையான வரிகள்!

ரசித்து பாராட்டியமைக்கு மிக்க நன்றி.... நான் உந்தன் பாவையடா... 678642

**Aathira** · **Aathira** Mon Nov 29, 2010 11:55 pm

//மையத்தில் கால்பதித்து சுழலும்
விசைக்கொடுத்த பொம்மையல்ல நான்
மையல்கொண்ட என்மனமறிந்து வருவாயென்ற - மெய்யான
உணர்வோடு சுற்றிக்கொண்டு நில்லாமல்..

கல்லுக்குள் தேரையை படைத்து காப்பவன்
என்மனதுக்குள் இருக்கும் உன்னையும் படைத்திருப்பான்
உன்கண்ணுக்குள் இருக்கும் என்னை காப்பதற்கு - இவ்வாறாக
சொல்லுக்குள் உயிரைவைத்தும் காத்துக்கொண்டு.//

கல்லுக்குள் தேரையை வைத்த கடவுள் - கவிஞர்களின் சொல்லுக்குள் தேனைடையை வைத்திருப்பானோ...
நெல்லுக்குள் மணியாய் அல்லுக்குள் நில்வாய் - எங்கள்
உள்ளுக்குள் இனிக்கும் என்றென்றும் உன்கவியே...

அருமையான கவிதையைப் படைத்த, ம் என்றாலும் இம் என்றாலும் கவியுரைக்கும் இளங்கவிக்கு என் வாழ்த்துக்களும் நன்றியும்..

புவனா · புவனா Tue Nov 30, 2010 8:40 am

"கல்லுக்குள் தேரையை படைத்து காப்பவன்
என்மனதுக்குள் இருக்கும் உன்னையும் படைத்திருப்பான்
உன்கண்ணுக்குள் இருக்கும் என்னை காப்பதற்கு - இவ்வாறாக
சொல்லுக்குள் உயிரைவைத்தும் காத்துக்கொண்டு."

அழகான கவிதை... வாழ்த்துக்கள்..

**ரிபாஸ்** · **ரிபாஸ்** Tue Nov 30, 2010 9:31 am

ஹாசிம் · ஹாசிம் Tue Nov 30, 2010 10:03 am

சிம்ம ரசிகன் உன் கவிஅமுதம் வாழ்த்துகள் நண்பா

srinihasan · srinihasan Tue Nov 30, 2010 10:22 am

maniajith007 wrote:

மிக்க நன்றி ஜி..... நான் உந்தன் பாவையடா... 678642

srinihasan · srinihasan Tue Nov 30, 2010 10:32 am

Aathira wrote://மையத்தில் கால்பதித்து சுழலும்
விசைக்கொடுத்த பொம்மையல்ல நான்
மையல்கொண்ட என்மனமறிந்து வருவாயென்ற - மெய்யான
உணர்வோடு சுற்றிக்கொண்டு நில்லாமல்..

கல்லுக்குள் தேரையை படைத்து காப்பவன்
என்மனதுக்குள் இருக்கும் உன்னையும் படைத்திருப்பான்
உன்கண்ணுக்குள் இருக்கும் என்னை காப்பதற்கு - இவ்வாறாக
சொல்லுக்குள் உயிரைவைத்தும் காத்துக்கொண்டு.//

கல்லுக்குள் தேரையை வைத்த கடவுள் - கவிஞர்களின் சொல்லுக்குள் தேனைடையை வைத்திருப்பானோ...
நெல்லுக்குள் மணியாய் அல்லுக்குள் நில்வாய் - எங்கள்
உள்ளுக்குள் இனிக்கும் என்றென்றும் உன்கவியே...

அருமையான கவிதையைப் படைத்த, ம் என்றாலும் இம் என்றாலும் கவியுரைக்கும் இளங்கவிக்கு என் வாழ்த்துக்களும் நன்றியும்..

தங்களின் மறுமொழியே இனிய கவிதைபோல் ....தங்களின் அன்பான வாழ்த்திற்கு என் சிரம் தாழ்ந்த நன்றிகள்...

அழகிய பாவையை தந்து எங்களின் எண்ணங்களை பரதிபலிக்க செய்த தங்களுக்கு என் அன்பார்ந்த வணக்கம்...

// அருமையான கவிதையைப் படைத்த, ம் என்றாலும் இம் என்றாலும் கவியுரைக்கும் இளங்கவிக்கு என் வாழ்த்துக்களும் நன்றியும்..//
இதனை கண்டவுடன் வைரமுத்துவின் இந்த வைரவரிகள் ஞாபகத்திற்கு வந்தது...

//உம் என்று சொல்... இல்லை
நில் என்று கொல்.
உம்மென்றால் உள்ளதடி சொர்கம்
நீயில்லை இடுகாடு பக்கம்...//

Sponsored content · Sponsored content

நான் உந்தன் பாவையடா...

நான் உந்தன் பாவையடா...

Re: நான் உந்தன் பாவையடா...

Re: நான் உந்தன் பாவையடா...

Re: நான் உந்தன் பாவையடா...

Re: நான் உந்தன் பாவையடா...

Re: நான் உந்தன் பாவையடா...

Re: நான் உந்தன் பாவையடா...

Re: நான் உந்தன் பாவையடா...

Re: நான் உந்தன் பாவையடா...

Re: நான் உந்தன் பாவையடா...

Re: நான் உந்தன் பாவையடா...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக