என்கவுண்டர் பற்றி அறிந்து கொள்ளுங்கள்!

**சிவா** · **சிவா** Wed Nov 10, 2010 3:34 am

இந்தியா, பாகிஸ்தான், பங்களாதேஷ் மற்றும் இலங்கை, இங்குதான் உலகிலேயே அதிகளவு என் கவுண்டர்கள் நடைபெறுகிறது. இருப்பினும் உலக நாடுகளிலேயே என் கவுண்டர் என்றால் அங்கு மும்பை நகரமே முன்னிலை பெறுகிறது! தாதாக்களை அடக்க வேறு வழியின்றி காவல்துறையினர் கையாண்ட யுக்தியே இந்த என் கவுண்டர். இந்நடவடிக்கை மக்களிடையே பரவலான வரவேற்பைப் பெற்றதாலும், சினிமாவில் இவற்றை ஆதரித்து காட்சிகள் அரங்கேற்றியதும் காவல்துறையினர் இவற்றை ஒரு சிறந்த வழியாகக் கையாளத் துவங்கிவிட்டனர்.

இந்தியாவின் தலை சிறந்த, கொடூரமான என் கவுண்டர் ஸ்பெஷலிஸ்ட் என வர்ணிக்கப்பட்டவர் போலிஸ் இன்ஸ்பெக்டர் ப்ரதீப் சர்மா (வயது 49) ஒருவர்தான். இவர் 113 குற்றவாளிகளை இந்த முறையில் சுட்டுக் கொன்றுள்ளார். “குற்றவாளிகள் அனைவரும் அசிங்கமான கழிவுப் பொருள், அவற்றை நான் இங்கு சுத்தம் செய்கிறேன்” எனக் கூறியுள்ளார். இவர் 31 ஆகஸ்ட் 2008 -ல் தாதாக் கும்பலிடமிருந்து கையூட்டுப் பெற்றார் எனக் குற்றம் சாட்டப்பட்டு பணி நீக்கம் செய்யப்பட்டி மீண்டும் நிரபராதி எனத் தீர்ப்பளிக்கபட்டு மீண்டும் 9 - மே - 2009- அன்று பணியில் சேர்த்துக் கொள்ளப்பட்டார். மும்பை தாதாக்களுக்கு சிம்ம சொப்பனமாகத் திகழ்பவர் ப்ரதீப் சர்மா. ஒருமுறை சர்வதேச செய்தியாளர்களிடம் “மும்பையில் ரவுடிகள் ராஜ்ஜியம் அரங்கேறிக் கொண்டுதான் உள்ளது, அதுபோல் நானும் என் கவுண்டருக்கு அடிமையாகிவிட்டேன், ஞாயிற்றுக் கிழமை எனக்கு வீட்டில் இருக்க வெறுப்பாக உள்ளது” என அளித்த பேட்டி பரபரப்புக்குள்ளானது!.

இதுவரை அதிகமாகப் புகழ்பெற்ற என்கவுண்டர் சிறப்பு அதிகாரிகள்:

* போலிஸ் இன்ஸ்பெக்டர் ப்ரதீப் சர்மா – 113 என்கவுண்டர்கள்
* சப்-இன்ஸ்பெக்டர் தயா நாயக் – 82 என்கவுண்டர்கள்
* இன்ஸ்பெக்டர் ப்ரபுல் போஷாலே– 77 என்கவுண்டர்கள்
* ASI ரவீந்த்ரா – 51 என்கவுண்டர்கள்
* ASI சச்சின் ஹிண்டுராவ் வாஸ் – 63 என்கவுண்டர்கள்
* போலிஸ் இன்ஸ்பெக்டர் விஜய் சலஸ்கார் (2008 மும்பை தாக்குதலில் கொல்லப்பட்டார்) – 75–80 என்கவுண்டர்கள்
* இன்ஸ்பெக்டர் மோகன் சந்த் ஷர்மா– 75 என்கவுண்டர்கள் (பாட்லா ஹவுஸ் என் கவுண்டரில் கொல்லப்பட்டார்)

இருப்பினும் சில சுயநல அதிகாரிகளின் அதிகாரத்துவப் போக்கின் காரணமாக போலி என்கவுண்டர்கள் நடத்தப்பட்டு பல அப்பாவிகளும் பலியாகியுள்ளனர். மனித உரிமைக் கழகத்தினர் இதுவரை என்கவுண்டர் தடைசெய்யப்பட வேண்டிய ஒன்று எனக் கண்டித்து வருகின்றனர். அதனால்தான் இப்பொழுது உள்ள என்கவுண்டர்களெல்லாம், எங்களைத் தாக்கித் தப்பிக்க முயன்றான், அதானால் பாதுகாப்புக்காகச் சுட்டோம் (பாதுகாப்புக்காகச் சுட்டாலும் அது மிகச் சரியாக மார்பிலும், நெற்றிப் பொட்டிலும்தான் குண்டு பாய்ச்சப்பட்டிருக்கும் என்பது வேறு கதை) எனக் கூறி பாதுகாப்பாகத் தப்பித்துக் கொள்கிறார்கள். இங்கு மனித உரிமைக் கழகத்தினர் தலையிட முடியாதல்லவா?

நேற்று கோயமுத்தூர் போலிஸ் தற்காப்புக்காகச் சுட்டார்களோ, என்கவுண்டர் செய்தார்களோ, குண்டு ஏன் மிகச் சரியாக மார்பிலும், நெற்றிப் பொட்டிலும் பாய்ந்தது என ஆலோசிக்காமல், இரு குழந்தைகளைக் கொன்ற பாதகர்களுக்கு வழங்கப் பட்ட மிகச் சரியான தீர்ப்பு என்பதில் மாற்றுக் கருத்து கொள்ள வேண்டாம். இனிமேல் இதுபோன்று செயல்பட எண்ணம் கொண்டவர்களின் எண்ணங்களுக்கு எதிராகவும் செய்யப்பட்ட மாபெரும் என்கவுண்டர். மீண்டும் அரசியவாதிகளின் கைக்கூலிகளாக மாறாமல் தமிழகப் போலிஸ் மிடுக்குடன் வலம் வரட்டும்.

(இனிமேல் காவல்துறையைப் பகைத்துக் கொள்ளாதீர்கள், உங்களுக்கும் என்கவுண்டர்தான்)

**சிவா** · **சிவா** Wed Nov 10, 2010 3:54 pm

இதைப் படிக்காதவர்களையும் என்கவுண்டர் லிஸ்டில் சேர்க்க ஆவண செய்யப்படும்!

கார்த்திக் · கார்த்திக் Wed Nov 10, 2010 3:58 pm

பகிர்வுக்கு நன்றி அண்ணா...

அதிகமாகப் புகழ்பெற்ற என்கவுண்டர் சிறப்பு அதிகாரிகள்
இதில் என் பெயர் வரவில்லை ,, மறந்துடிங்கள ..... சோகம்

**சிவா** · **சிவா** Wed Nov 10, 2010 3:59 pm

கார்த்திக் wrote:பகிர்வுக்கு நன்றி அண்ணா...

அதிகமாகப் புகழ்பெற்ற என்கவுண்டர் சிறப்பு அதிகாரிகள்
இதில் என் பெயர் வரவில்லை ,, மறந்துடிங்கள .....

கார்த்திக் · கார்த்திக் Wed Nov 10, 2010 4:06 pm

சிவா wrote:
கார்த்திக் wrote:பகிர்வுக்கு நன்றி அண்ணா...

அதிகமாகப் புகழ்பெற்ற என்கவுண்டர் சிறப்பு அதிகாரிகள்
இதில் என் பெயர் வரவில்லை ,, மறந்துடிங்கள .....

balakarthik · balakarthik Wed Nov 10, 2010 4:10 pm

சிவா wrote:இதைப் படிக்காதவர்களையும் என்கவுண்டர் லிஸ்டில் சேர்க்க ஆவண செய்யப்படும்!

நான் சிவனே என்று இருக்கிறேன் என்னை வாசிசிக்க வைத்து போட்டு தள்ள பார்க்கலாமா

**ராஜா** · **ராஜா** Wed Nov 10, 2010 4:14 pm

என்கவுண்டர் பற்றி அறிந்து கொள்ளுங்கள்! 678642

**சிவா** · **சிவா** Wed Nov 10, 2010 4:15 pm

ராஜா wrote:

இப்படி வந்து தொப்பிய தூக்கினா மட்டும் விட்டுவிடுவோமா என்ன? என்கவுண்டர் பற்றி அறிந்து கொள்ளுங்கள்! 740322

**ராஜா** · **ராஜா** Wed Nov 10, 2010 4:23 pm

சிவா wrote:
ராஜா wrote:
இப்படி வந்து தொப்பிய தூக்கினா மட்டும் விட்டுவிடுவோமா என்ன?

எனக்கு பயமெல்லாம் ஒண்ணுமில்லை , என்கவுண்டர் பற்றி அறிந்து கொள்ளுங்கள்! 230655

உதயசுதா · உதயசுதா Thu Nov 11, 2010 3:12 pm

ரவுடிகளையும், மோகன கிருஷ்ணன் போல கடுமையா தண்டிக்க வேண்டிய குற்றவாளிகளுக்கும் என்கவுண்டர் தேவைதான்.ஆனா சில சமயம் எந்த தப்பும் செய்யாமல் அரசியல்வாதிகளின் சுய நலத்துக்காக போலி என் கவுண்டரும் நடக்குதே.