மதுரை:மழையில் வீடு இடிந்து 3 பேர் பலி!

Guest · Guest Mon Nov 22, 2010 7:06 pm

மதுரை மாவட்டம் சோழவந்தான் அருகேயுள்ளது கண்ணுடையாள்புரம். இந்த கிராமத்தில் உள்ள ஆதி திராவிடர் காலனியில் 100க்கும் மேற்பட்ட வீடுகள் உள்ளன.

இங்கு வசிக்கும் மாயாண்டி ஈரோட்டில் தங்கி கொத்தனார் வேலை செய்து வருகிறார்.

விடுமுறைக்காக வந்திருந்த இவர் நேற்று மாலை ஈரோடு சென்றார். இதனால், தாய், தந்தை மற்றும் மனைவி, குழந்தைகள் மட்டும் வீட்டில் இருந்தனர்.

இந்நிலையில், இப்பகுதியில் கடந்த சில நாட்களாக தொடர்ந்து கன மழை பெய்து வருகிறது. நேற்று இரவும் மழை தொடர்ந்து கொட்டிக்கொண்டிருந்தது.

மழைக்கு அதே ஊரைச் சேர்ந்த இந்திராணி என்பவரது வீட்டின் சுவர் இன்று அதிகாலை திடீரென இடிந்து பக்கத்து வீட்டைச் சேர்ந்த மாயாண்டி வீட்டின் மீது விழுந்தது.

இதில் வீட்டுக்குள் தூங்கிக்கொண்டிருந்த மாயாண்டியின் மனைவி 5 மாத கர்ப்பிணியான கார்த்திகா (22), ஒன்றே கால் வயது மகன் நிதீஷ், ஒன்றாம் வகுப்பு படிக்கும் மாயாண்டியின் அக்காள் மகன் அஜீஸ்குமார் (6) ஆகிய மூவரும் அந்த இடத்திலேயே பரிதாபமாக இறந்தனர்.

மேலும், மாயாண்டியின் தந்தை முத்து, தாய் பழனியம்மாள் ஆகிய 2 பேரும் பலத்த காயமடைந்தனர். இவர்கள் இருவரும் உயிருக்கு ஆபத்தான நிலையில்மதுரை அரசு மருத்துவமனைக்குக் கொண்டு செல்லப்பட்டனர்.

மாயாண்டி நேற்று மாலை ஈரோடு சென்றதால் இந்த விபத்திலிருந்து தப்பினார். 2 குழந்தைகள் மற்றும் கர்ப்பிணி ஆகிய மூவரும் உயிரிழந்த சம்பவம் கண்ணுடையாள்புரம் கிராமத்தை சோகத்தில் ஆழ்த்தியுள்ளது.

இது குறித்து காடுபட்டி போலீசார் வழக்குப் பதிவு செய்து விசாரணை நடத்தி வருகின்றனர்.

மதுரை:மழையில் வீடு இடிந்து 3 பேர் பலி!

மதுரை:மழையில் வீடு இடிந்து 3 பேர் பலி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக