காதலுக்காக சாகடிப்பதா?...(ஹாசிம்)

ஹாசிம் · ஹாசிம் Mon 22 Nov 2010 - 15:58

பருவமுனை அடையுமுன்
காதலெனும் மாயைக்குள்
கட்டுண்டு கைசேதம்
தேடிக்கொண்டாய் பெண்ணே

உனையீன்ற தாயவளுடன்
உனை ஏந்திய நேசர்களை
துச்சமென தூக்கி எறிந்து
துணைஒன்று - தானே தேடினாயே

தந்தை உலகமென்பாய்
அவர் மனதில் நீயென்பாய்
உன்னாசை தீர்த்திடவே
அவர்மனதை தீயிட்டாய்

காதல் களியாட்டத்தில்
வெற்றி ஒன்று காண்பதற்காய்
நேற்று அடைந்தவனை
உலகமென நீகொண்டாய்

வாழ்க்கை எனும் அத்தியாயத்தின்
துவக்கத்தையே துயர்களுடன்
துவக்கி விட்டு - உன்னால்
நிம்மதியும் கண்டிட முடிகிறதா..

உயிராய் உள்ளவர்களை
உயிரோடு புதைத்து விட்டு
மணல் வீடும் கட்டிவிட்டாய்
மழைவருமென்று அறியாது..

உற்றாரும் உறவினரும்
உளமாற வாழ்த்தி - உனை
மணாளன் கைசேர்க்கும்
மங்கள நாளை வெறுத்துவிட்டாய்

தப்பற்ற காதலை
தவறாக புரிந்துகொண்டு
உறவுகளற்ற உறவினை
முடிவாக ஏந்திவிட்டாய்

விடிவது பெருநாளென
புத்தாடை தருவித்து
விடியலுக்காய் காத்திருக்க
விடியாத பொழுதுகளாய்
மாற்றிவிட்ட பாவியாய்
அத்தனை சந்தோசமும்
அகற்றிவிட்டுச்சென்றாயே..

தாய்மையாய் நீ மாறி
இத்தீயினை நீ மிதிக்க
அன்று உணரும் பொழுதில்
இன்றைய உன்தாய் வேதனை
நீயடைவாய்

நீ நினைத்த காதலும்
உனை உணர்த்தும் நாட்களில்
உனக்காதரவு நீ மட்டுமாய்
தத்தளிப்பதை உறிதியாக்கினாய்

ஹாசிம் · ஹாசிம் Mon 22 Nov 2010 - 16:00

இக்கவிதை மனக்கவலையின் வடுக்களாக உருவானது, உண்மைச்சம்பவம்
காதலை வெல்வதற்கு மற்றவர்களை நோகடிக்காது எம்மை திருத்தி அமைத்துக்கொள்ளல் சிறப்பெனக்கொள்கிறேன்.
காதல் எச்சந்தர்பத்தில் எதிர்கொள்ளும் என்பது யாராலும் சொல்லமுடியாத ஒன்றுதான் அதற்காக எம்மை பெத்து வளர்த்து ஆளாக்கிவிட்ட உறவுகளை உதறித்தள்ளிவிட்டு காதலை வெற்றி கொள்ள நாடுவது சிறப்பாகாது
அதே நேரம் பிள்ளைகளின் ஆசைகளை கருத்திற்கொண்டு பெற்றோர்கள் வழிநடத்துவார்களாயின் இருசாராரும் நலம் பெறலாம் என்பது எனது தாழ்மையான கருத்தாகும்
இவ்வரிகளின் ஊடாக ஒரு செய்தியை உணர்த்த நாடினேன். அது, அறிமுகமான புதுமுகத்துடன் செல்ல நாடும் நீங்கள் ஏன் எமக்காக உயிரை பிழிந்தெடுக்கும் பெற்றோர்களை மதித்து அவர்கள் மனதை வெல்ல முடியாமல் போகிறது அதனையும் வென்று உங்கள் காதலையும் வென்று பாருங்கள் சூபீட்சமான எதிர்காலம் அமைந்துவிடுமே......

உதயசுதா · உதயசுதா Mon 22 Nov 2010 - 16:01

காதலை மட்டும் பெரிசா நினைச்சு பெத்தவங்களை உதறி தள்ளுபவர்களுக்கு சரியான நெத்தியடி கவிதை ஹாசிம்.
சிறிது இடைவெளிக்கு பின் இப்போதுதான் உங்க கவிதைய என்னால பார்க்க முடியுது

ஹாசிம் · ஹாசிம் Mon 22 Nov 2010 - 16:03

உதயசுதா wrote:காதலை மட்டும் பெரிசா நினைச்சு பெத்தவங்களை உதறி தள்ளுபவர்களுக்கு சரியான நெத்தியடி கவிதை ஹாசிம்.
சிறிது இடைவெளிக்கு பின் இப்போதுதான் உங்க கவிதைய என்னால பார்க்க முடியுது

மிக்க நன்றி சுதா வேலைப்பழுதான் இடைவெளிக்கு காரணம்

**ரிபாஸ்** · **ரிபாஸ்** Mon 22 Nov 2010 - 16:41

அருமையாக சொல்லி இருக்கீங்க நண்பா

Thanjaavooraan · Thanjaavooraan Mon 22 Nov 2010 - 17:03

நன்று

காதலுக்காக சாகடிப்பதா?...(ஹாசிம்) 677196

ஹாசிம் · ஹாசிம் Mon 22 Nov 2010 - 17:50

ரிபாஸ் wrote:அருமையாக சொல்லி இருக்கீங்க நண்பா

நன்றி றிபாஸ்

ஹாசிம் · ஹாசிம் Mon 22 Nov 2010 - 17:50

Thanjaavooraan wrote:நன்று

நன்றி தோழரே...

அப்புகுட்டி · அப்புகுட்டி Mon 22 Nov 2010 - 17:54

மிகவும் அருமையாக உள்ளது ஹாசிம்
சிந்திக்க வேண்டடிய வரிகள் வாழ்த்துக்கள்.

ஹாசிம் · ஹாசிம் Mon 22 Nov 2010 - 17:56

அப்புகுட்டி wrote:மிகவும் அருமையாக உள்ளது ஹாசிம்
சிந்திக்க வேண்டடிய வரிகள் வாழ்த்துக்கள்.

மிக்க நன்றி தோழா.....
இதைப்பார்க்கும் ஒரு மனம் திருந்தினாலும் எம் மனம் நிறைவடையும்

Sponsored content · Sponsored content

காதலுக்காக சாகடிப்பதா?...(ஹாசிம்)

காதலுக்காக சாகடிப்பதா?...(ஹாசிம்)

Re: காதலுக்காக சாகடிப்பதா?...(ஹாசிம்)

Re: காதலுக்காக சாகடிப்பதா?...(ஹாசிம்)

Re: காதலுக்காக சாகடிப்பதா?...(ஹாசிம்)

Re: காதலுக்காக சாகடிப்பதா?...(ஹாசிம்)

Re: காதலுக்காக சாகடிப்பதா?...(ஹாசிம்)

Re: காதலுக்காக சாகடிப்பதா?...(ஹாசிம்)

Re: காதலுக்காக சாகடிப்பதா?...(ஹாசிம்)

Re: காதலுக்காக சாகடிப்பதா?...(ஹாசிம்)

Re: காதலுக்காக சாகடிப்பதா?...(ஹாசிம்)

Re: காதலுக்காக சாகடிப்பதா?...(ஹாசிம்)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக