நினைவுகளில் தேடிப்பார்க்கிறேன்

**கா.ந.கல்யாணசுந்தரம்** · 28/02/2009

வீசும் தென்றலின் சுகம்தனை
வயல்வெளியினில் கண்டுகொண்டேன்
பேசும் தமிழின் சுவைதனை
புகலும் இலக்கணவிதியில் கண்டுகொண்டேன்
பாயும் நதியின் போக்கினை
புவியின் மடியினில் கண்டுகொண்டேன்
நடமிடும் மயிலின் நளினத்தை
கூவும் குயிலிடம் கண்டுகொண்டேன்
கதிரவன் கிரண எழிலை
விடியும் பொழுதில் கண்டுகொண்டேன்
மானுடப் பிறப்பின் ரகசியத்தை
மலரும் வயதில் கண்டுகொண்டேன்
மின்னலாய்த் தோன்றி இதயத்தில்
கன்னலாய் சுவைக்கும் - உனது
நினைவுகளில் தேடிப்பார்க்கிறேன்
எனது எதிர்கால வாழ்க்கையின்
படிமங்களை கண்டுகொள்ள!

.....கா.ந.கல்யாணசுந்தரம்.

**சிவா** · **சிவா** Mon Nov 22, 2010 8:29 am

அருமை!

**கா.ந.கல்யாணசுந்தரம்** · 28/02/2009

நன்றி சிவா அவர்களே .

புவனா · புவனா Mon Nov 22, 2010 11:19 am

"மின்னலாய்த் தோன்றி இதயத்தில்
கன்னலாய் சுவைக்கும் - உனது
நினைவுகளில் தேடிப்பார்க்கிறேன்
எனது எதிர்கால வாழ்க்கையின்
படிமங்களை கண்டுகொள்ள!"

அருமை..
அன்பு மலர்