விக்கிலீக்ஸ் அதிபரை கைது செய்ய நீதிமன்றம் ஒப்புதல்!

பிரபல இணையதளமான விக்கிலீக்ஸ்' ன் நிறுவனரான ஜூலியன் அசேஞ்ஜ், மீது சுமத்தப்பட்டுள்ள பாலியல் குற்றச்சாட்டுகளுக்காக அவரை கைது செய்வதற்கான கோரிக்கைக்கு, ஸ்விட்சர்லாந்தின் ஸ்டாக்ஹோம் மாவட்ட நீதிமன்றம் சம்மதம் தெரிவித்துள்ளதால், அவர் விரைவில் கைது செய்யப்படும் நிலை ஏற்பட்டுள்ளது.

"விக்கிலீக்ஸ்' இணையதள நிறுவனர் ஜூலியன் அசேஞ்ஜ். கடந்த 2009, அக்டோபர் மாதம் அமெரிக்க மற்றும் பிரிட்டன் படைகள் ஈராக்கை ஆக்கிரமித்து அங்கு நடத்திய அட்டூழியங்கள் குறித்த ரகசிய ஆவணங்களை வெளியிட்டார். அதைத்தொடர்ந்து அப்படைகள் ஆப்கனில் நடத்திய போர் குற்றங்களைப் பற்றிய ரகசிய ஆவணங்களையும் வெளியிட்டார்.

இதனால் கோபமடைந்த அமெரிக்காவின் ராணுவ மையமான, "பென்டகன்' அவரை குறி வைத்தது. ஆப்கானிஸ்தான் போர் குறித்த ரகசிய ஆவணங்களை அவர் வெளியிட்ட்தால் அவரது உயிருக்கு அச்சுறுத்தல் ஏற்பட்டது இதனால் அவர் தான் தங்கும் இடங்களை அடிக்கடி மாற்றி வந்தார்.

ரகசிய ஆவணங்களை அவர் வெளியிட்ட பின், அவர் மீது, பாலியல் மற்றும் கற்பழிப்புக் குற்றங்கள் அடுக்கடுக்காக சுமத்தப்பட்டன. ஆனால் அவர் அதை மறுத்து அறிக்கை வெளியிட்டார். இது அமெரிக்காவின் பழிவாங்கும் நடவடிக்கை எனவும் பென்டகனை குற்றம் சாட்டினார்.

மேலும் ஸ்டாக்ஹோம், மாவட்ட நீதிமன்றம் ஒன்றில் அவர் மீது சுமத்தப்பட்டிருந்த குற்ற வழக்கின் விசாரணையில், கற்பழிப்பு மற்றும் பாலியல் குற்றங்களுக்காக அரசு தரப்பில் அவரை கைது செய்ய கோரிக்கை வைக்கப்பட்டது. அதை நீதிமன்றம் ஏற்றுக் கொண்டது. இதனால் விரைவில் அவரை கைது செய்வதற்கான சர்வதேச பிடியாணை பிறப்பிக்கப்படக் கூடும் என தெரிகிறது.

இந்நிலையில், செய்தியாளர்களுக்கு சந்தித்த அவரது வக்கீல்கள் "இக்குற்றச்சாட்டுகள் ஆதாரமில்லாதவை. தன் நிலை குறித்து விளக்கம் அளிக்க அவர் பல முறை தயாராக இருந்தும், அரசுத் தரப்பு அதை ஏற்க மறுத்துவிட்டதால் நீதிமன்றத்தின் இந்த முடிவை ஏற்க முடியாது' என்றனர்.

INNERAM