ஜலதோஷம்...

asksulthan · asksulthan Sat Nov 20, 2010 8:28 pm

ஜலதோஷம்...

கிட்ட வரும்
சொந்தங்களையும்
எட்டிப்போகச் செய்யும்;
உறங்கிக்கொண்டிருக்கும்
அமைதியையும்;
அரக்கத்தனமாய் கொள்ளும்!

உதடு இரண்டும் முட்டி முட்டி
மூச்சித்திணறும் முத்தம்;
கைக்குட்டையில் ஒளிந்துக்கொள்ளும்
தும்முகின்றச் சப்தம்!

அடைப்பட்டுப் போன
மூக்கால்;
தடைபட்டுப் போகும்
சுவாசம்;
தோற்றுப்போன
மோப்பத்தால்;
தோல்விக்காணும் வாசம்!

கோர்த்துக் கொண்ட நீரால்;
தலைக்குக் கனம் ஏறும்;
ஏறிப்போனக் கனத்தால்
மாறிப்போகும் முகம்!

தும்மிக் கொண்டே இருப்பதால்
கம்மிப் போகும் குரல்;
தூரல் போடும் வாசலால்
ஈரமாகும் விரல்!

-யாசர் அரஃபாத்
http://itzyasa.blogspot.com

**சிவா** · **சிவா** Sat Nov 20, 2010 8:29 pm

ஜலதோசத்துக்கும் கவிதையா? பேஷ் பேஷ்...! ரொம்ப நன்னா இருக்கு!

கலைவேந்தன் · கலைவேந்தன் Sat Nov 20, 2010 9:41 pm

ஹச்... அருமையான ஹச்... கவிதையில் ... ஹச்... தும்மலுக்கான வர்ணனை... ஹச்... பாராட்டுகக்ள்... ஹச்... ஹச்...!

அப்புகுட்டி · அப்புகுட்டி Sun Nov 21, 2010 12:03 am

மிகவும் சிறப்பா அமைந்துள்ளது ஜலதோச கவிதை வாழ்த்துக்கள்

இன்று என்னை படுத்தி எடுத்து விட்டது ஜலதோசம் இன்னும் தீர வில்லை

ஜலதோசத்துடன்
அப்புகுட்டி.

உதயசுதா · உதயசுதா Sun Nov 21, 2010 10:26 am

அட இது நல்லா இருக்கே,குறட்டைக்கு ஒரு கவிதை,ஜலதோசத்துக்கு ஒரு கவிதை.
எப்படியெல்லாம் யோசிக்கிறாங்கப்பா

ஹச், ஹச், ஹச்,

படிக்கும்போதே ஜலதோஷம் வந்துட்டது