இதுக்கும் தண்டனை உண்டு!

**சிவா** · **சிவா** Wed Nov 17, 2010 10:36 pm

லண்டனைச் சேர்ந்த பெண்மணி பேல் (வயது 42). அன்று காரில் சென்றுகொண்டிருந்த அவர் திடீரென்று ஒரு குப்பைத் தொட்டி அருகே நின்றார். எதையோ குப்பைத் தொட்டியில் போட்டுவிட்டு திரும்பிப் பார்க்காமல் வந்து விட்டார்.

அந்தக் குப்பைத் தொட்டியில் இருந்து குழந்தை அழுவதுபோன்ற முனகல் சத்தம் கேட்டது. ஒரு போலீஸ்காரர் அருகே சென்று பார்த்தபோது அது குழந்தையல்ல, வளர்ப்புப் பூனை என்று தெரிய வந்தது. அதைக் காப்பாற்றி விசாரணை நடத்தியதில், பேல் பிடிபட்டார்.

மிருகவதைச் சட்டத்தின் கீழ் அவர் மீது வழக்கு தொடரப்பட்டது. நீதிபதி, `இந்தக் குற்றத்திற்கு உங்களுக்கு ஒரு லட்சத்து நாற்பதாயிரம் ரூபாய் அபராதம் அல்லது 6 மாதம் ஜெயில் தண்டனை விதிக்க முடியும். ஏன் இப்படிச் செய்தீர்கள்` என்று கேட்டார்.

கடந்த வாரம் தன் தந்தை இறந்து விட்டதால் குழப்பமான நிலையில் இருந்ததாக அந்தப் பெண் விளக்கம் கூறினார். இதைக்கேட்ட நீதிபதி, `அது உண்மையில் குழப்பமான சூழல் தான். எனவே குறைந்தபட்ச தண்டனையாக 17 ஆயிரத்து ஐநூறு ரூபாய் அபராதம் விதிப்பதாக' தீர்ப்புக் கூறினார்.

ஆனால் அங்குள்ள ஒரு மிருக வதைத் தடுப்பு அமைப்பு அந்தப் பெண்மணியிடம் குறைந்தபட்சம் 84 ஆயிரம் ரூபாயாவது அபராதம் வசூலிக்க வேண்டும் என்று மேல்முறையீடு செய்துள்ளது.