சென்னை: கொசுக்களை ஒழிக்க மாபெரும் நடவடிக்கை

**சிவா** · **சிவா** Mon Nov 15, 2010 12:17 pm

சென்னை கொசுத் தொல்லை பற்றித் தெரியாதவர்கள் இருக்க முடியாது. கொசுக்கடி சிறு பிரச்சினையாகத் தோன்றினாலும் அவற்றின் மூலம் மலேரியா காய்ச்சல், டெங்கிக் காய்ச்சல் உள்ளிட்ட நோய்கள் பரவுவது பெரும் பிரச்சினையாக இருந்து வருகிறது.

சென்னை என்றதும் அங் குள்ள கொசுத் தொல்லையும் பெரிய குறையாகப் பேசப்பட்டு வருவதால், இந்தக் குறையை நிவர்த்தி செய்ய சென்னை மாநகராட்சி பல்வேறு நடவடிக்கை களை எடுத்து வருகிறது.

தெருக்களில் நாள் தோறும் கொசு ஒழிப்புப் புகை அடித்தல், நீர் நிலைகளில் மருந்து தெளித் தல் போன்ற பணிகள் நடந்து வருகின்றன.

இருப்பினும் கொசுக்களைக் கட்டுப்படுத்த முடியவில்லை.

கொசு உற்பத்திக்கு முக்கியக் காரணம் கழிவுகள் மற்றும் தண்ணீர் தேங்கி நிற்பதுதான்.

வீடுகளில் சுற்றுப்புறங்களில் தேங்காய் ஓடு, உடைந்த பொருட் கள், டயர்கள் போன்றவற்றைச் சென்னைவாசிகள் பலர் போட்டு உள்ளதை மாநகராட்சி கண்டது.

மழைக்காலங்களில் இவற்றில் தேங்கும் தண்ணீரில் கொசுக்கள் உற்பத்தியாகின்றன.

எனவே வீடுவீடாக நேரில் சென்று கழிவுகளை அகற்றவும், விழிப்புணர்வுப் பிரச்சாரங்களை செய்யவும் மாநகராட்சி திட்டமிட் டது. 10 மண்டலங்களிலும் இந்தப் பணியில் 1100 ஊழியர் கள் ஈடுபடுத்தப் பட்டுள்ளனர்.

இவர்கள் வீடுகளுக்கு நேரில் சென்று குப்பைகளை அகற்றி வருகிறார்கள்.

தியாகராய நகர் காமராஜ் நகர், கார்ப்பரேசன் காலனி பகுதிகளில் நேற்று மாநகராட்சி ஊழியர்களுடன் மாநகர மேயர் மா.சுப்பிரமணியன் வீடுகளுக்கு நேரில் சென்று கழிவுகளைப் பார்வையிட்டு அகற்றினார்.

பின்னர் வீட்டு உரிமை யாளர்களிடம், கழிவுப் பொருட் களை உடனுக்குடன் அப்புறப் படுத்தி விடுங்கள் என்று அறிவுறுத்தினார்.

பின்னர் செய்தியாளர்களிடம் பேசிய சென்னை மேயர், “கொசுக்களை ஒழிப்பதற்காக 236 புகை பரப்பும் சிறிய எந்திரங் கள், 30 வாகனங்கள், 350 கைதெளிப்பான்கள் பயன் படுத் தப்படுகின்றன. 12 பூச்சி மருந்து வல்லுனர்கள் உள்பட ஆயிரத் துக்கும் மேற்பட்ட ஊழியர்கள் தீவிர கொசு ஒழிப்புப் பணியில் ஈடுபட்டுள்ளார்கள்,” என்றார்.

இந்தப் புதிய திட்டத்தின் மூலம் கடந்த 15 நாட்களில் ஒன்றரை லட்சம் வீடுகளில் இருந்து உடைந்த பொருட்கள், டயர் கழிவுகள், தேங்காய் ஓடுகள் உள்ளிட்ட 32 டன் கழிவுகள் அகற்றப்பட்டுள்ளதாகவும் அவர் தெரிவித்தார்.

கொசுக்களை மாநகராட்சி கட்டுப்படுத்தினாலும் மீண்டும் உற்பத்தியாகாமல் தடுக்கப் பொதுமக்கள் ஒத்துழைப்பு அவசியம் என்ற அவர், “பொது மக்கள் யாரும் தங்கள் வீட்டருகே கழிவுகளைப் போட்டு வைக்கக் கூடாது.

“சுற்றுப்புறங்களைத் தூய்மையாக வைத்து இருக்க வேண்டும். பொதுமக்களும் ஒத்து ழைத்தால் விரைவில் கொசு இல்லா சென்னையாக நகரை மாற்ற முடியும்,” என்றார்.

சிங்கை தமிழ்முரசு!

தமிழ்ப்ரியன் விஜி · 26/06/2009

சுத்தம் சுகம் தரும் ....

sshanthi · sshanthi Mon Nov 15, 2010 12:35 pm

கொசுக்களை அப்புறம் ஓட்டலாம் ஊழல் பெருச்சாலிகளை எப்படி ஓட்டுவது என்று கேட்டுச்சொல்லுங்கள்

**சிவா** · **சிவா** Mon Nov 15, 2010 12:36 pm

sshanthi wrote:கொசுக்களை அப்புறம் ஓட்டலாம் ஊழல் பெருச்சாலிகளை எப்படி ஓட்டுவது என்று கேட்டுச்சொல்லுங்கள்

யாரிடம் கேட்க வேண்டும் சாந்தி!

sshanthi · sshanthi Mon Nov 15, 2010 12:49 pm

எல்லாம் தெரிஞ்சுகிட்டே எப்படி சிவா அண்ணா ஒன்னும் தெரியாத சின்னபுள்ளமாதிரியே கேட்கிறீர்கள்

**சிவா** · **சிவா** Mon Nov 15, 2010 12:50 pm

sshanthi wrote:எல்லாம் தெரிஞ்சுகிட்டே எப்படி சிவா அண்ணா ஒன்னும் தெரியாத சின்னபுள்ளமாதிரியே கேட்கிறீர்கள்

உங்களிடம் பேசுவதற்கு இப்படிக் கேள்வி கேட்டால்தானே முடியும்! அதனால்தான்! சென்னை: கொசுக்களை ஒழிக்க மாபெரும் நடவடிக்கை 755837

sshanthi · sshanthi Mon Nov 15, 2010 1:03 pm

11485 உறுப்பினர்கள் இருக்கும்போது அடியேனிடமும் பேச நினைச்சிங்களே நன்றிஅ ண்ணா

**சிவா** · **சிவா** Mon Nov 15, 2010 1:07 pm

sshanthi wrote:11485 உறுப்பினர்கள் இருக்கும்போது அடியேனிடமும் பேச நினைச்சிங்களே நன்றி அண்ணா

இணைந்த பொழுது தட்டுத் தடுமாறி தமிழ் எழுதி, இவ்வளவு விரைவில் மிக அழகாக தமிழில் எழுத ஆரம்பித்துவிட்ட உங்களின் எழுத்தாற்றலை மேலும் மேம்படுத்த வேண்டும் என்றுதான் இந்த அரட்டை! அதற்கு இப்படி வம்பிழுத்தால் நிச்சயம் பதில் தருவீர்கள்தானே! சென்னை: கொசுக்களை ஒழிக்க மாபெரும் நடவடிக்கை 514396