பதவி விலகியது ஏன்? ஆ.ராசா பேட்டி

**சிவா** · **சிவா** Mon Nov 15, 2010 2:16 pm

First topic message reminder :

மத்திய மந்திரி பதவியில் இருந்து விலகியது ஏன்? என்பது குறித்து ஆ.ராசா பேட்டி அளித்தார்.

கருணாநிதியுடன் சந்திப்பு

ஸ்பெக்ட்ரம் அலைவரிசை ஒதுக்கீடு பிரச்சினை தொடர்பாக, மத்திய தொலைத்தொடர்பு துறை மந்திரி ராசா பதவி விலக வேண்டும் என்று எதிர்க்கட்சிகள் வற்புறுத்தி வருகின்றன. இன்றைய பாராளுமன்ற கூட்டத்தில் இந்த விவகாரத்தை பெரிய அளவில் கிளப்ப எதிர்க்கட்சிகள் திட்டமிட்டு இருந்தன.

இந்தநிலையில், நேற்று முன்தினம் இரவு டெல்லியில் இருந்து சென்னை வந்த மந்திரி ராசா, முதல்-அமைச்சர் கருணாநிதியை சந்தித்து பேசினார். பின்னர் நேற்று மாலையில் விமானம் மூலம் அவர் டெல்லி சென்றார். அவருடன் தி.மு.க. எம்.பி. டி.ஆர்.பாலுவும் சென்றார்.

ராஜினாமா ஏன்?

இதற்கிடையில், நேற்று இரவு 10.30 மணியளவில் ஆ.ராசா மத்திய மந்திரி பதவியை ராஜினாமா செய்தர். பிரதமர் மன்மோகன்சிங்கை சந்தித்து தனது ராஜினாமா கடிதத்தை அவர் கொடுத்தார். பின்னர் நிருபர்களுக்கு பேட்டி அளித்த அவர் கூறியதாவது:-

"எனது தலைவர் (தி.மு.க. தலைவர் கருணாநிதி) அறிவுரையின்படி பதவியை ராஜினாமா செய்தேன். மத்திய அரசுக்கு தர்மசங்கடமான நிலை ஏற்படாமல் இருப்பதற்காகவும், பாராளுமன்றத்தில் அமைதியும் இணக்கமான சூழ்நிலை ஏற்படுவதற்கும் பதவியை நான் ராஜினாமா செய்து இருக்கிறேன்''.

இவ்வாறு ஆ.ராசா கூறினார்.