தஞ்சை:செல்போன் டவரில் இருந்து குதித்து வாலிபர் தற்கொலை

**சிவா** · **சிவா** Sun Nov 14, 2010 2:59 pm

தஞ்சை புதிய பஸ் நிலையம் பகுதியில் சரபோஜி கல்லூரி பின்புறம் தேவர்நகர் உள்ளது. இங்கு சுமார் 150 அடி உயரத்தில் தனியார் செல்போன் டவர் உள்ளது.

இன்று காலை சுமார் 7.15 மணி அளவில் இந்த டவரில் ஒரு வாலிபர் ஏறிக்கொண்டிருந்தார். அந்த வழியாக சென்ற பொதுமக்களுக்கு இது சந்தேகத்தை ஏற்படுத்தியதால் அவர்கள் இதுபற்றி தஞ்சை மருத்துவ கல்லூரி போலீசுக்கு தகவல் கொடுத்தனர்.

உடனே போலீசார் அங்கு விரைந்தனர். அவர்கள் தகவலின்பேரில் தீயணைப்பு துறையினரும் அங்கு சென்றனர்.

இதற்குள் இந்த தகவல் பரவியதால் அந்த பகுதியை சேர்ந்த பொதுமக்களும் அந்த செல்போன் டவர் அருகே கூடியதால் பரபரப்பு ஏற்பட்டது. ஆனால் அந்த வாலிபரோ யாரையும் கண்டு கொள்ளாமல் செல்போன் டவரின் மேலே ஏறிக் கொண்டே இருந்தார்.

இதனால் அவரை கீழே இறங்கும்படி போலீசார் கூறினார்கள். ஆனால் அந்த வாலிபரோ எதுவும் பதில் கூறாமல் மேலே ஏறிக் கொண்டே இருந்தார்.

முக்கால் வாசி அளவுக்கு செல்போன் டவரில் ஏறிய நிலையில் அந்த வாலிபர் யாரும் எதிர்பாராத நிலையில் “திடீர்” என்று செல்போன் டவரில் இருந்து கீழே குதித்து விட்டார்.

இதில் செல்போன் டவர் காம்பவுண்டு சுவரில் அந்த வாலிபரின் தலை மோதி கீழே விழுந்து பரிதாபமாக இறந்து போனார்.

போலீசார் தீயணைப்பு படையினர், பொதுமக்கள் கண் முன்பு இந்த சம்பவம் நடந்தது. இதை பார்த்த பெண்கள் அலறியடித்துக் ஓடினார்கள். இதனால் அந்த பகுதியில் பெரும் பரபரப்பை ஏற்பட்டது.

அப்புகுட்டி · அப்புகுட்டி Sun Nov 14, 2010 4:31 pm

அந்த வாலிபனுக்கு என்ன நடந்ததோ
சோக செய்தி தகவல் தெரிந்தால்
இன்னும் நல்லது.

ஒரு வேளை காதல் தோல்வியோ?

தஞ்சை:செல்போன் டவரில் இருந்து குதித்து வாலிபர் தற்கொலை

தஞ்சை:செல்போன் டவரில் இருந்து குதித்து வாலிபர் தற்கொலை

Re: தஞ்சை:செல்போன் டவரில் இருந்து குதித்து வாலிபர் தற்கொலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக