எல்லைத் தாண்டிய பயங்கரவாதம் !!!!!

**அருண்** · **அருண்** Sat Nov 13, 2010 7:06 pm

கடக்கும்காலங்களுக்கு நடுவே
கானல் நீராய் நம்
உறவுகள்!!
போருக்குச் செல்வதைப் போலவே
புறப்படுகிறோம்
நாட்டை விட்டு;
நாதியற்று!!
வயதின்
முக்கால்வாசி
முடிந்துவிட்டது
கவலைபட்டே;
சிரிக்கும் கொஞ்ச நேரமும்
சில்லறைக்காக ஏங்குகிறது
கறைந்துவிடுமோ கைப்பேசியின் தொகை!!
நீரிலே மிதக்கும்
என் விழிகள்;
நீயில்லாமல் தடுமாறும்
என் வழிகள்!!
அனல் காற்றும்
அங்கலாய்க்கும் என்
உள்ள சூட்டினைக் கண்டு!!
பணம் மட்டும்
குறிக்கோளாய்
பலநாள்;
சேர்த்து சேர்த்துப்

**அருண்** · **அருண்** Sat Nov 13, 2010 7:07 pm

பார்த்தாலும்
சேரவில்லை எதுவும்;
என்னையும் உன்னையும் போல்!!
பள்ளிக்குச் செல்லும்
பிள்ளையும்;
பாடப்புத்தகத்தில் என்
புகைப்படம்;
அத்தாவை அறிமுகப்படுத்த!!
நெடுநாள் கழித்து
நாடு திரும்பியதால்
புகைப்படத்தோடு என்னை
பொருத்தம் பார்க்கும் என் பிள்ளை!!
எல்லோரும் சிரித்தாலும்
எல்லைத் தாண்டிய
பயங்கரவாதம் இதுதான்;
கொஞ்சி
கெஞ்சிப் பார்த்தாலும்
சொல்ல மறுக்கும் என் பிள்ளை
அத்தா என்று புகைப்படத்தைத் தவிர்த்து!!

யாசர் அரஃபாத்.....

balakarthik · balakarthik Sat Nov 13, 2010 7:09 pm

நல்ல கவிதை நன்றி அருண் மகிழ்ச்சி

உதயசுதா · உதயசுதா Sat Nov 13, 2010 7:11 pm

வெளிநாட்டில் குடும்பத்தை விட்டு வாழும் ஒவ்வொரு மனிதனின் நிலையும் இன்னிக்கு இதுதான்.
அதை அழகா இந்த இரண்டு கவிதையிலும் சொல்லி இருக்காங்க.
பகிர்ந்தமைக்கு நன்றி அருண்