மலேசியா: போலி கடத்தல் கும்பல்களிடம் கவனம்: போலீஸ் எச்சரிக்கை !

**சிவா** · **சிவா** Fri Nov 12, 2010 9:43 pm

இதுவரை ரிம100,000 வரை “பிணைப்பணம்” பெற்றுள்ள ஒரு போலி கடத்தல் கும்பலிடம் எச்சரிக்கையாக இருக்குமாறு போலீஸ் அறிவுறுத்தியுள்ளது.

கடந்த மாதத்திலிருந்து செய்யப்படும் புகார்களைப் பார்க்கும்போது அக்கும்பல் 50 வயதான இல்லத்தரசிகளைக் குறிவைத்து செயல்படுவதாக செந்தூல் போலீஸ் தலைவர் சக்கரியா பாகன் கூறினார். ஒருவரிடம் அவர்கள் ரிம30,000 பிணைப்பணம் கேட்டதும் உண்டு என்றார்.

அக்கும்பலைச் சேர்ந்தவர்கள் யாரை ஏமாற்ற நினைக்கிறார்களோ அவர்களைத் தொலைபேசியில் அழைத்து அவர்களின் குடும்ப உறுப்பினர் ஒருவரைக் கடத்தி வைத்திருப்பதாகக் கூறுவார்கள்.

பின்னர் அவரை விடுவிக்க பிணைப்பணம் கோருவார்கள், ஓர் இடத்தைக் குறிப்பிட்டு அங்கு பிணைப்பணத்தை “விட்டுச்செல்லுமாறு” கூறுவார்கள்.

பெரும்பாலும், பாதிக்கப்பட்டவர்கள் “பிணைப்பணத்தை”க் கொடுத்த பின்னர்தான் புகார் செய்ய வருகிறார்கள் என்று சக்கரியா கூறினார். பிறகு பார்த்தால் யாரும் கடத்தப்படவில்லை என்பது தெரியவரும்.

ஆகக் கட்சியாக நிகழ்ந்த சம்பவத்தில் 55 வயது குடும்பத் தலைவி ஒருவர் ரிம5,000 இழந்தார் என்று சக்கரியா கூறினார். அவரின் மகன் கடத்தப்பட்டதாக தொலைபேசியில் தெரிவிக்கப்பட்டதை அவர் நம்பினார்.

இரண்டு நாள்களுக்குப் பின்னர் வந்த இரண்டாவது தொலைபேசி அழைப்பு கெப்போங்கில் ஒரு உணவகத்தின் குப்பை கொட்டுமிடத்தில் பணத்தை விட்டுசெல்லுமாறு கூறியது.

அங்கு பணத்தை போட்டுவிட்டு அவர் வீடு திரும்பியபோது மகன் அங்கு பத்திரமாக இருப்பதைக் கண்டார். அதன்பின் போலீசில் புகார் செய்தார்.

-பெர்னாமா

http://www.malaysiaindru.com/?p=57194

அன்பு தளபதி · அன்பு தளபதி Fri Nov 12, 2010 9:51 pm

நல்ல ஐடியாவா இருக்கே

மலேசியா: போலி கடத்தல் கும்பல்களிடம் கவனம்: போலீஸ் எச்சரிக்கை !

மலேசியா: போலி கடத்தல் கும்பல்களிடம் கவனம்: போலீஸ் எச்சரிக்கை !

Re: மலேசியா: போலி கடத்தல் கும்பல்களிடம் கவனம்: போலீஸ் எச்சரிக்கை !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக