நிறைய ஸ்வீட் சாப்பிட்டால் புற்றுநோய் ஏற்படலாம்

தாமு · தாமு Fri Nov 12, 2010 3:44 pm

இனிப்பு அதிகம் சாப்பிட்டால் சர்க்கரை நோய் வரும் என்பது அனைவருக்கும் தெரியும். ஆனால், கணைய புற்றுநோய் வருவதற்கும் வாய்ப்பு உள்ளதாக புதிய ஆராய்ச்சி முடிவு தெரிவிக்கிறது.
இத்தாலியில் கணைய புற்றுநோயால் பாதிக்கப்பட்ட மற்றும் புற்றுநோயால் பாதிக்கப்படாத 1,000 பேரிடம் ஒரு ஆய்வு நடந்தது. கிளைசெமிக் குறியீடு அதிகம் உள்ள இனிப்பு வகைகள் மற்றும் சில உணவுப் பொருட்களை சாப்பிடுபவர்களுக்கு கணைய புற்று நோய் ஏற்பட அதிக வாய்ப்பு இருப்பது ஆய்வில் தெரிய வந்துள்ளது. எனினும், குறைவான கிளைசெமிக் குறியீடு உள்ள உணவு சாப்பிட்டவர்களுக்கு இந்த பாதிப்பு குறைவாக இருந்தது.
ரத்தத்தில் சர்க்கரையின் அளவை வேகமாக அதிகரிப்பதில் உணவின் பங்கு குறித்து கிளைசெமிக் குறியீடு விளக்குகிறது. ஒயிட் பிரெட், உருளைக்கிழங்கு, இனிப்புகள் ஆகியவை அதிக கிளைசெமிக் உணவு வகைகள். இவை ரத்தத்தில் சர்க்கரையின் அளவை வேகமாக அதிகரிக்க செய்கிறது. குறைந்த கிளைசெமிக் உணவுகளான சோயாபீன்ஸ், யோகர்ட் மற்றும் நார் சத்துள்ள பயறு வகைகள் ரத்தத்தில் சர்க்கரையின் அளவை சீராக அதிகரிக்கச் செய்கிறது.
குறிப்பாக சர்க்கரை, வெல்லம், தேன் மற்றும் ஜாம் உள்ளிட்ட இனிப்புகளை அதிகம் சாப்பிடுவதால் கணைய புற்றுநோய் ஏற்படுவதற்கு அதிக வாய்ப்புள்ளதாக ஆய்வு முடிவு தெரிவிக்கிறது. கார்போஹைட்ரேட் அதிகம் உள்ள உணவுப் பொருட்களுக்கும் கணைய புற்றுநோய்க்கும் தொடர்பு எதுவும் இல்லை. இதுபோல் பழங்களை அதிகம் சாப்பிடுவதன் மூலமும் இந்த நோய் வருவதற்கு வாய்ப்பு குறையும் என ஆய்வில் தெரியவந்துள்ளது.

விமான நிலைய ஸ்கேனால் புற்றுநோய் ஏற்படலாம்.

ஹுஸ்டன் : தீவிரவாத தாக்குதல்களை முறியடிப்பதற்காக பல விமான நிலையங்களில் பாதுகாப்பு பலப்படுத்தப்பட்டு வருகிறது. அமெரிக்காவின் அனைத்து விமான நிலையங்களிலும் முழு உடல் பரிசோதனை கருவி ஆகஸ்ட் முதல் செயல்படும் என அறிவிக்கப்பட்டுள்ளது.

நம் நாட்டிலும் இந்த முறை விரைவில் நடைமுறைக்கு வரப் போகிறது. இந்நிலையில் ‘‘ஸ்கேன் கருவியில் வெளிப்படும் கதிரியக்க அளவை குறைத்து மதிப்பிட்டுள்ளனர். ஆனால் உண்மையிலேயே மதிப்பிடப்பட்டதைவிட 20 மடங்கு கதிரியக்கத்தை வெளியிடும். இதனால் மனித தோல் பாதிக்கப்பட்டு பசல் செல் கார்சினோமா என்ற புற்று நோய் ஏற்பட அதிக வாய்ப்பு உள்ளது’’ என கொலம்பிய பல்கலைக்கழகத்தின் கதிரியக்க ஆராய்ச்சி பிரிவு தலைவர் டாக்டர் டேவிட் பிரென்னர் தெரிவித்துள்ளார்.

--Rose

நிறைய ஸ்வீட் சாப்பிட்டால் புற்றுநோய் ஏற்படலாம்

நிறைய ஸ்வீட் சாப்பிட்டால் புற்றுநோய் ஏற்படலாம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக