புலிகளின் வழக்கறிஞர் கொல்லப்பட்டார்: பொய்யான செய்தி

நிசாந்தன் · நிசாந்தன் Wed Nov 10, 2010 1:57 am

புலிகளின் வழக்கறிஞர் டேவிட் பேர்கஸ் புகையிரத நிலையத்தில் வைத்து, புகையிரதத்துக்கு முன்னால் தள்ளிவிடப்பட்டு கொலை செய்யப்பட்டிருப்பதாகவும், அவருடன் சென்ற மற்றுமொரு தமிழரே அவரை தள்ளிவிட்டதாக பல தமிழ் மற்றும் சிங்கள இணையங்களில் செய்தி வெளியாகியிருந்தது யாவரும் அறிந்ததே. பிறப்பால் ஆணாக இருந்த டேவிட் பேர்கஸ் அவர்கள் பின்னர் சத்திர சிகிச்சை மூலம் பெண்ணாக மாறி தனது பெயரை சோனியா என மாற்றிக்கொண்டார். குடிவரவு குடியகல்வு துறைச் சட்டத்தில் இவர் மிகுந்த அனுபவம் வாய்ந்தவர்.

சம்பவ தினமான அக்டோபர் 25ம் திகதி அவர் கிங்ஸ் கிராஸ் தொடரூந்து நிலையத்தில் தவறுதலாக தண்டவாளத்தில் விழுந்ததால், தொடரூந்து மோதி இறந்தார். விசாரணைக்காக அவருடன் சென்ற மற்றுமொரு தமிழரை பொலிசார் கைதுசெய்து பின்னர் விடுவித்துள்ள நிலையில், அவரைப் புலிகளின் வழக்கறிஞர் என இலங்கையில் உள்ள சிங்களப் பத்திரிகைகள் குற்றஞ்சுமத்தியுள்ளன. உண்மை நிலை தெரியாது அவற்றை அப்படியே மொழிபெயர்த்து சில தமிழ் இணையங்களும் இச் செய்தியினை வெளியிட்டுள்ளது வேதனைக்குரிய விடயம்.

உண்மையில் அவர் பிரித்தானியாவில் உள்ள பல தமிழர்களுக்கும், குறிப்பாக சிங்களவர்களுக்கும் அகதி அந்தஸ்து வாங்கிக் கொடுத்துள்ளார். அத்தோடு நின்றுவிடாது திருப்பி அனுப்பப்பட இருந்த பல தமிழர்களை காப்பாற்றியும் உள்ளார். பிரித்தானியாவில் வசித்துவரும் 80% வீதமான சிங்களவர்கள், புலிகளால் தமக்கு ஆபத்து எனக்கூறியே இங்கு அகதி அந்தஸ்துக் கோரிவருகின்றனர். இந்நிலையில் அவர் சிங்களவர்களுக்காகவும் வாதாடியுள்ளார், ஆயின் அவர் எவ்வாறு புலிகளின் வழக்கறிஞராக இருக்கமுடியும் என்பதை இச் செய்தியைப் பரப்பிய மூடர்கள் எண்ணிப் பார்க்கவில்லை.

குறிப்பாகச் சொல்லப்போனால் தன்னை நாடி வருவோருக்கு பிரித்தானியாவில் அகதி அந்தஸ்து பெற்றுக்கொடுக்க அவர் அயராது பாடுபட்ட ஒரு மனிதர் என்றே அவரைக் கூறலாம். இதை விடுத்து தமிழர்களுடன் அவர் அதிகம் பழகியதால், புலிகளின் வழக்கறிஞர் ஆகிவிடமுடியாது என்ற யதார்த்தத்தை எப்போது ஊடகங்கள் புரிந்துகொள்ளப்போகின்றன? பிரித்தானியாவில் வெளிவரும் பல முன்னணிப் பத்திரிகைகள் அவரை பாராட்டி, இரங்கல் செய்திகளை வெளியிட்டுள்ள போது, இலங்கை அரசு திட்டமிட்டே இவரை புலிகளின் வழக்கறிஞர் என தனக்கு ஆதரவான பத்திரிகைகளில் எழுதிவருவது ஒரு கேலிக்கூத்தான விடயம் மட்டுமல்ல சிறுபிள்ளைத்தனமான விடயமும் கூட.

புலிகளின் வழக்கறிஞர் கொல்லப்பட்டார்: பொய்யான செய்தி

புலிகளின் வழக்கறிஞர் கொல்லப்பட்டார்: பொய்யான செய்தி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக