வாக்குக்காக ஈழ அகதிகள் முகாம் தீக்கிரையா?

நிசாந்தன் · நிசாந்தன் Wed Nov 10, 2010 1:51 am

தமிழ்நாடு மொட்டமலை எனும் இடத்திலுள்ள இலங்கைத் தமிழ் அகதிகள் தங்கியுள்ள முகாமொன்றில் ஏற்பட்ட தீயினால் 120 இற்கும் அதிகமான வீடுகள் தீக்கிரையானதாக தமிழக பொலிஸார் தெரிவித்துதுள்ளனர்.

இன்று மாலை ஏற்பட்ட தீயினால் முகாமிலுள்ள அனைத்து வீடுகளும் முற்றாக அழிந்ததாக பொலிஸார் தெரிவித்துள்ளனர். ஆனால் இவ் அனர்த்தத்தினால் உயிரிழப்புகளோ காயங்களோ ஏற்பட்டதாக தகவல்கள் இல்லை. எனினும், சுமார் 2 லட்சம் இந்திய ரூபா பெறுமதியான உடமைகள் அழிந்துள்ளன.

மின்னொழுக்கு காரணமாகவே இத் தீ பரவத் தொடங்கியதாக பொலிசார் தெவரிவிக்கின்ற போதும் சரியான காரணம் இன்னும் கண்டறியப்படவில்லை. முகாமுக்கு அருகிலுள்ள ராஜபாளையம் மற்றும் ஸ்ரீ வில்லிபுத்தூர் ஆகிய இடங்களிலிருந்து தீயணைப்பு வாகனங்கள் அழைக்கப்பட்டு சுமார் இரண்டு மணித்தியாலங்களின் பின்னரே தீயணைக்கப்பட்டுள்ளது.

இவ்வனர்த்ததின் பின் திமுக அமைச்சர் ஆர். ராமச்சந்திரன் முகாமுக்கு விஜயம் செய்து உணவு மற்றும் அத்தியாவசியப் பொருட்கள், சேலைகள் என்பனவற்றை வழங்கியுள்ளார்.
பாதிக்கப்பட்ட குடும்பங்களுக்கு தலா 2000 ரூபா பணமும் 5 கிலோ அரிசி மற்றும் 2 லீற்றர் மண்ணெண்ணெய் என்பனவற்றை வழங்குமாறு பாசத்தலைவர் உத்தரவிட்டுள்ளதாக அமைச்சர் அங்கு தெரிவித்துள்ளார். ஆளும் கட்சியினரின் திடீர் பாசம் தேர்தல் நெருங்கிவரும் நேரத்தில் வாக்குக்காக அகதிகள் முகாம் தீக்கிரையா? என்று எண்ணத்தோன்றுகிறது.

வாக்குக்காக ஈழ அகதிகள் முகாம் தீக்கிரையா?

வாக்குக்காக ஈழ அகதிகள் முகாம் தீக்கிரையா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக