பயங்கரவாத தடுப்புப் பிரிவின் தலைவியே தப்புச் செய்கிறாரா?

நிசாந்தன் · நிசாந்தன் Wed Nov 10, 2010 1:40 am

பிரித்தானிய உள்துறை அமைச்சகத்தின், பயங்கரவாதத் தடுப்புப் பிரிவிற்கு தலைவியாக இருக்கும் பார்னோஸ் நிவில்லி அவர்கள் தடைசெய்யப்பட்ட திரவத்தை விமானநிலையம் ஊடகக் கொண்டுசெல்ல முயன்றுள்ளார். கடந்த 2 நாட்களுக்கு முன்னர் லண்டன் ஹீத் ரூ விமானநிலையம் ஊடாக அவர் அமெரிக்கா சென்றபோது, தனது கைப் பெட்டியில் ஏரோ - சொல் என்று அழைக்கப்படும் துப்பரவாக்கும் திரவம் ஒன்றை (கணிசமான அளவை) கொண்டுசென்றுள்ளார். 2006 ம் ஆண்டு முதல் சுமார் 100 மி.கிராம் அளவு திரவப்பொருட்களையே கைப் பைகளில் கொண்டுசெல்ல முடியும் என பிரித்தானிய விமானநிலைய பாதுகாப்பு அதிகாரிகள் நிபந்தனை விதித்திருந்தனர்.

ஆனால் குறிப்பிட்ட இந்த அதிகாரி, கணிசமான அளவு திரவத்தைக் கொண்டுசென்றதால், எக்ஸ்ரே இயந்திரம் அலறியதாம். அதனால் அவரைச் சோதனையிட காவலாளிகள் முற்பட்டவேளை, தாம் பயங்கரவாத தடுப்புப் பிரிவின் தலைவர் என அவர் கூறியுள்ளார். இருப்பினும் சோதனையிட முற்பட்ட அதிகாரிக்கு அவர் யார் எனத் தெரியவில்லை. இருப்பினும் அதிகாரிகள் அத்திரவத்தை பறிமுதல் செய்ததோடு மட்டுமல்லாது, அமைச்சரை கடுமையாகச் சோதித்து, உடலில் ஏதாவது வைத்திருக்கிறாரா எனவும் ஆராயப்பட்டதாம். இதனால் ஆத்திரமடைந்த பார்னோஸ் தாம் யார் என்பதை உயர் அதிகாரிகளுக்கு உரக்கச் சொல்லியுள்ளார்.

இருப்பினும் தாங்கள் தங்கள் கடமையைத்தான் செய்கிறொம் என அதிகாரிகள் கூறியுள்ளனர். அமைச்சர் என்றாலும், ஏன் பிரதமர் என்றால் கூட பாதுகாப்புச் சோதனை என்று வந்துவிட்டால் எல்லோரும் சமம்தான் என அங்கிருப்பவர் கூறியுள்ளார். எதுவும் செய்யமுடியாத நிலையில் வழமையான சோதனைகளை முடித்துக்கொண்டே பார்னோஸ் செல்ல பாதுகாப்பு அதிகாரிகள் அனுமதித்துள்ளனர். இருப்பினும் பயங்கரவாத தடுப்புப் பிரிவின் தலைவரே இவ்வாறு தப்புச் செய்யலாமா என்ற தலைப்பில் பல பிரித்தானிய முன்னணிப் பத்திரிகைகள் செய்திகளை வெளியிட்டு அவரை மேலும் சங்கடத்தில் ஆழ்த்தியுள்ளன.

பயங்கரவாத தடுப்புப் பிரிவின் தலைவியே தப்புச் செய்கிறாரா?

பயங்கரவாத தடுப்புப் பிரிவின் தலைவியே தப்புச் செய்கிறாரா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக